As kom nie altyd in sakke nie.

5 11 2019

ToffieDaar word gesê dat as gebrande hout is.  Tog is daar twee asse wat mense wat dit snap baie pyn, lyding en vernedering kan spaar.  Die eerste spreek vanself:  “As jy dom is, moet jy sukkel.” Die tweede een word huidiglik so netjies gedemonstreer, dat ek dit nie net kan laat verby glip nie.  “As jy jou vir ‘n toffie uitgee, moet jy verwag om gekou te word.”

‘n Rukkie terug was daar ‘n Suid-Afrikaanse All Black ondersteuner wat dapper genoeg was om alle Springbok ondersteuners te kom aanvat.  Hy het nie een goeie woord vir die groen en goud gehad nie.  Dit is immers sy goeie reg.  Nogtans, wanneer jy grootpraatjies op iemand se vertoning pak, moet jy bereid wees om die prys te betaal.  As jy nie jou grootpraatjies gestand gaan doen nie, gaan jy gemaak word om dit te eet.  Wat presies hier gebeur het.

imagesE1NG2OWH.jpg

Die Springbokke het nie teen die All Blacks gewen nie.  Dit beteken egter niks nie.  Die Engelse het die All Blacks oortuigend geklop en die Bokke het die Rose behoorlik geklop.  Die beste span het dus die Webb Ellis trofee gewen en aan elke egte, trotse, terloopse en selfs toevallige Springbokondersteuner die reg gegee om te spog.  Daarmee saam word die trofee baie vermakerig onder elke teenstaander se neus gevryf.  Dit is die voorreg van die wenspan en die straf van die verloorspanne.

As jy dus nie bereid is om jou woorde te sluk nie, moet jy maar twee keer dink voordat jy jou bek rek oor ‘n span.  Hoe verder jy dit rek, hoe meer mense gaan in die tou staan om seker te maak jy eet elke letter en leesteken van wat gehoor is.  Dit is deel van die pret en as jy ‘n goeie sport is, is dit binne ‘n paar uur (dae of dalk weke in ‘n wêreldbeker) vergete.

Tog is die dapper All Black ondersteuner nie lus vir ‘n ‘humble pie) of 1000 nie.  Vandag het sy vrou Jakaranda gebel en gevra dat die Springbok ondersteuners tog net moet ophou om hulle te teister.  Hoewel ek nie saam stem dat hulle kinders vir die grootbek van hulle vader verantwoordelik gehou word nie, moet jy bereid wees om gekou te word as jy jouself as ‘n toffie uitgee.  Nie agter jou vrou wegkruip nie.

Net my mening.  Dan weer, ek het in my hart blindelings gehoop en glo dat die Bokke gaan wen.

Hoe voel julle?  As jy sout in wonde gevryf het, moet jy aandring op genade wanneer dit jou beurt vir dieselfde behandeling is?  Gaan Bok ondersteuners te ver?

Breinvasbrand:  Daar is ‘n meme wat tans verkondig dat SA die wêreldbeker wen wanneer die Cheetahs die Currie Beker wen.  Nie om ‘n goeie storie met feite te bederf nie, maar die Cheetahs het nie in 1995 die Currie Beker gewen nie.  Wie het?

Breinlosbrand:  HesterNeyNel was reg met Our Lady.

32-to-12-meme-e1572724570670


Aksies

Information

5 responses

5 11 2019
Positief

As die ou net om verskoning vra vir wat hy gesê het, is helfte van die stryd gewen

5 11 2019
Net Ek

Jis ek sal like om daai ou bietjie onder oë te spreek. Het hy geen skaamte nie? EN HY IS GETROUD?????? Wie sou kon dink? En dan laat hy nog sy vrou die praatwerk doen. Pffft.

Ek het ‘n tweede video gesien waarin hy weer tekere gaan en iets sê van sy pompie wat nog reg is en hy wil gaan marathon hardloop en en en.

Nou boetie, vat jou pompie en hardloop in jou m@#r in. Ek is ‘n TROTSE Bok ondersteuner, wen of verloor. (alhoewel my kennis van rugby reëls gevaarlik is!) (net my beskeie opinie – dis moeilik genoeg in die land, daar is nie tyd vir sulke suurgatte nie)

5 11 2019
HesterLeyNel

Nou het jy dit net reg gesê – “hardloop in jou m@#r in”.

8 11 2019
Olga

Was dit nie die haaie nie? Toe almal wou he Natal moes ‘n land op sy eie wees. Soos een minister die Kaap gemaak het, sonder dat rugby betrokke was.

8 11 2019
Olga

Ek eindig gereeld op met my voet in my mond. Ander wil ek een ding se en daar kom iets anders uit my mond.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s




%d bloggers like this: