Eienaarskap se gat

7 04 2014

Regtig, partykeer dink ek dit is ‘n wonder dat alle redelike Suid-Afrikaners nie alkoholiste is nie.  Wel, eintlik is dit geen wonder nie.  Persoonlik gee niks my ‘n groter kramp as om die regering geld te gee wat hulle nie toekom nie.  Sou ek ‘n alkoholis word, gaan hulle gryperige hande verheug wees oor die ekstra sondaarsbelasting wat hulle nie verdien nie, maar wel gaan kry.  Drank is dus nie ‘n opsie nie.  Dwelms is wel, tot tyd en wyl dit gewettig word en die regering hulle vraatsige pote ook daarop kan lê.  Noudat ek daaraan dink, as prostituut hoef ek ook nie belasting te betaal nie.  Ja, ek is al by sulke uiterstes.

Ja, ja – ek kerm weer oor iets wat my nie direk raak nie. Ek het geen belangstelling in die boerdery, so wat traak dit my dat die regering boere wil dwing om 50% van hulle grond aan hulle werknemers af te staan.  Die regering gaan hulle mos daarvoor betaal, al gaan die geld nie in die wettige eienaar se sak nie.  Nee, die meesters wat nie poep nie, het dit goed gedink dat ‘n trust van die geld geskep word.  Alle grondeienaars is aandeelhouers van die trust en dit word glo aangewend vir die verdere ontwikkeling van die plaas.  So met ander woorde, daar word van die boere verwag om die helfte van hulle koningkryk weg te gee sonder om te kla.

Duidelik het diegene wat die plan uitgedink het, hulle ook aan drank oorgegee.  Hulle is seker van die sondaarsbelasting vrygestel.  Blykbaar is selfs nie eers die swart landbou unies gediend met die plan nie.  Volgens die Rapport:  “Dr. Mandla Buthelezi, senior visepresident van Nafu, sê werkers móét opgehef word, maar die plaaseienaar het die kundigheid en behoort groter magte te hê om besluite oor die hele plaas te neem.”

Dit vat geen genius om te weet dat kos pryse eers deur die dak gaan styg voordat daar niks meer beskikbaar gaan wees nie.  Dit is seker tyd om ‘n groente tuin te onderhou en sommer ‘n vegatariër te word.  Nog iets waaroor armes verlig oor kan gaan slaap.

In hierdie wonderlike noot, lees ek toe hoe iemand reken dat dit die tyd is vir ‘n eenmalige welvaartsbelasting.  Vir alle rykes ongeag van wat die rykes se velkleur is.  Ek wonder nogal wat die implikasie van die welvaartsbelasting.  Gaan die sogenaamde rykes elkeen ‘n X bedrag moet betaal?  Gaan dit dalk ‘n persentasie van hulle bates wees?  Gaan hulle daarna gevrywaar wees ten die regering se bog planne soos om 50% van plase wat weggegee word en e-tol?  Mens kan tog nie net eis sonder om iets in ruil aan te bied?  Gaan die rykes dit met ‘n lied in hulle harte betaal?

Wie is die sogenaamde rykes?  Miljoenêrs?  Diegene wat al reeds belasting betaal?  Die 10% wat die res van die land dra?  Wat met ander worde vir die ANC komberse gee om stemme mee te koop en ekstra vir elektrisiteit betaal sodat die armes ‘n gedeelte gratis kry?  Klink al reeds vir my of welvaartsbelasting ingestel is en dit is nie eenmalig nie.

Terloops, glo enige iemand dat so ‘n belasting werklik net eenmalig sal wees?  Ons staat weet van bloed uit ‘n klip te tap.  Wie gaan hulle keer om elke keer wat daar ‘n Nkandla gebou moet word weer ‘n welvaartsbelasting in te stel?

Skielik is ek lus om in die donker te sulk.  Nie dat dit sal help nie.  Iemand betaal seker erfbelastig waar ek ookal my stert neer plak.  Hoeveel kan die regering nog gryp voordat genoeg genoeg is?

Is ek onredelik?

Breinvasbrand:  Wie is die die onagbare minister van landelike ontwikkeling en grondeise?

Breinlosbrand:  Olga was reg met 2006.

Nota aan myself:  Tot die dag wat ek net soveel of meer as ‘n parlementslid verdien beter hulle nie as ryk na my verwys nie.





Facebook Verpesting

4 08 2013

Ek kom al ‘n lang pad saam met Facebook.  Om eerlik te wees, ek was op Facebook lank voordat dit mode was.  Aanvanklik was daar nie veel om oor opgewonde te raak nie.  ‘n Paar kennisse van skool en universiteit, maar niemand oor wie ek eintlik ‘n duit omgegee het nie.  ‘n Cool website om rond te neus, mits ek natuurlik die belangstelling gehad het om dit te doen.

Spoedig het daar genoeg mense by Facebook aangesluit om dit interessant te maak.  Toe raak dit lekker.  Dit was ‘n wonderlike manier om kontak met mense te hou.  Op die stadium het mense net goed gedeel wat die moeite werd was om te deel.  “Jippie ek het graad gekry” of “kyk hier na my cool vakansie foto’s”.  Selfs “Oops, nou het ek aangejaag” of “Julle wens nou wragtig julle is ek.”  Dit was pret.

Dit was ook pret om in ander kennisse op te spoor.  Net om te sien wat van hulle geword het en waar hulle nou in die wêreld bevind.  Bonus was dat dit maklik was om reunies te reël en om mense se verjaarsdae te onthou.

Ek dink dit is regverdig om te sê daar was ‘n tyd wat ek mal was oor Facebook.

Daardie dae is in die verre verlede.  Deesdae is Facebook ‘n blerrie irritasie wat my soms by die mure uitdryf.

Kom ons begin met al daardie vervlakste speletjies.  Ek het hier en daar al saamgespeel.  Ek haat dit om gedikteer te word en die blote feit dat ek ten minste elke 3 ure (24 uur van die dag vir etlike maande, indien nie jare nie) moet inteken, voel na ‘n diktatorskap.  Geen mens met ‘n regte werk en ‘n skadu van ‘n lewe kan hulle lewe rondom ‘n speletjie reël nie.

NIemand kan jou dwing om saam te speel nie.  Facebook kan jou natuurlik dwing om op hoogte te bly met elke siel se speletjies.  Boonop moet die arme siele wat met speletjies gevange gehou word, ander siele kry om in die strik te val.  Die strik waaruit jy nooit kan ontsnap nie, want die siel wat jou gevange geneem het, het jou nodig om voor in die koor te bly.  As jy nou ‘n goeie vriend wil wees . . .

Verder het almal ook die geneigdheid om jou vir elkeen van hulle groepe / bladsye te nooi.  Sonder om teen enige iemand te diskrimineer.  Siende dat ek nog nooit in Prieska gebly het nie, het ek geen idee hoekom iemand sal dink ek graag sal wil saam skinder oor die Prieska gemeenskap nie.  Ek het ook nie honde nie, dus het ek geen belangstelling aan ‘n dagmoeder vereniging vir honde nie.  Dit is omtrent ‘n voltydse werk om dit daagliks te blok.  Wat het geword dat jy eers die bladsye / groep moet aanvaar? As ek enige belangstelling in Joyce Meyer of Joel Osteen gehad het, het ek hulle gevolg.  Al hulle volgelinge hoef nie elke woord van hulle daagliks te herhaal nie.

Ek mis die dae wat Facebook oor die mense gegaan het.  Waar ek op my tuisblad kon sien wat in my Facebook vriende se regte lewens aangaan.  Waar ek binne sekondes op datum kon kom en nie deur ure se stront moet sorteer nie.

Deesdae is Facebook nie ‘n plesier nie, dit is ‘n blad vir advertensies.  En persoonlik is ek gatvol.

Hoe voel jy?

Breinvasbrand:  Waarna verwys Facebook se naam?

Breinlosbrand:  Seegogga was reg met Armageddon.





Goeie huis

3 06 2013

Ek kry noudie dag die BBM:  “Weet jy van iemand wat ‘n blinde, gestremde seun ‘n huis voor sal gee?”  My eerste gedagte was: “Flippen hel, is die kind dan nou ‘n hondjie?”

Almal het dit al teëgekom.  Sannie se kat het 4 kleintjies wat almal nou vir goeie huise soek of Pietie gaan trek en daar is nie plek vir sy geliefde boerboel nie.  Nou soek Pietie vir iemand wat sy Knersus sal inneem en baie goed sal versorg.  Sannie en Pietjie is altwee goeie mense en hulle soek regtig baie hard vir ‘n plek waar hulle dierevriende veilig, gelukkig en welkom sal wees.

Die Seuna het nie die luukse nie.  Sy ma sien doodeenvoudig nie kans om na ‘n ernstige gestremde seuntjie om te sien nie.  Sy het hom soos verlede week se koerant weggegooi.  Net vir hom, nie sy SASSA kaart wat hom toekom nie.  Dit kan sy baie beter benut as hy nie in die omtrek is nie.  Ek durf seker nie my mening gee van haar as moeder nie, maar die SASSA kaart storie ruik sterk na bedrog.

Nou hang dit van ‘n vreemde vrou, wat die familie nie eers ken nie, om vir die seun ‘n veilige huis te soek.  Die engel het self ‘n gestremde kind om na omtesien.  Die mense waar hy nou is, het blykbaar nie die hulpbronne om hom behoorlik te versorg nie.  Die hoop beskaam egter nie dat daar iemand sal wees wat hom in liefde sal kan inneem nie.

Ek verstaan dat ‘n kind ‘n ontsettende groot verantwoordelikheid is.  ‘n Kind met spesiale behoeftes nog meer so.  Tog behoort dit nooit nodig te wees om vir ‘n mense maaksel ‘n huis te soek nie.  Die ironie het my egter nie ontgaan nie.

Sien, hemel en aarde word altyd beweeg om ‘n erg getraumatiseerde dier ‘n goeie huis te gee.  As die Seuna ‘n hond was, het die diereregte organisasies vir hom ingespring, sy lot in elke koerant bekla en 10 000 mense gekry wat sou baklei om vir hom ‘n huis te gee.  Waar is daardie genade waar dit die mens aangaan?  Hoekom word daar nooit so fel geëis vir barmhartigheid waar dit mense aangaan nie.  Hoekom is daar om elke hoek en draai organisasies wat diere ‘n vesting bied, maar die vir mense word weggesteek?

Op die ou einde kan so ‘n dier uitgesit word as dit nodig is.  ‘n Erg gestremde kind kan nie.  Tog is daar baie min aktiviste wat vir sulke kinders (sulke grootmense en sulke ou mense ook, om nie eers te praat van gewone mense nie) vir genade gaan soek.

En dit voel verkeerd.  As Langehoven vandag gelewe het, sou hy geen nut aan ‘n gedig van “Ag wat, dis maar ‘n hond nie” gehad het nie.  Dit is seker maar vandag “Ag wat, dit is dan nie ‘n hond nie”.

So vandag lig ek my hoed vir mense wat die stryd saam met erg gestremdes stry, mense wat oorneem waar ander nie meer kans gesien het nie en mense wat nog genade het vir die wat dit die nodigste het.  Hulle word te min onthou.

Breinvasbrand:  Wat is Avril Elizabeth Home se mascot?

Breinlosbrand:  Girl interupted.





Ek is die Wet!!

8 04 2013

Ek het die naweek ‘n klein probleem opgetel… wel eintlik het dit in my vasgehardloop!

‘n Man het in my motor in vasgehardloop terwyl dit nog in beweging was. Ek was besig om te stop, toe die man twee ander motors probeer vermy het deur in my motor in vas te hardloop! Ek het soos ‘n mens moet, gestop. Ek het hom gevra of hy ok is – hy het gevra ek moet hom hospitaal toe vat. Is dit ‘n nuwe hi-jack metode?? Nee hel, ek sê toe nee! Heel duidelik kan hy loop, so ek sê toe kry my by die petrol stasie (50m op) Ons wag toe daar vir die ambulans wat ek gebel het om te kom… vir 45minute! Nie Metro of iemand vd SAPS het OOIT opgedaag nie.

Die ambulans neem hom toe weg hospitaal toe… maar voor hulle hom weg vat, vra die paramedikus sal ek asb vir hom taxi geld gee! Ja ek was woedend en dink nog steeds ek moet hulle aangee… maar in elk geval, ek het toe die man R20 gegee omdat hy niks aan hom gehad het nie, en dat die hospitaal volgens die paramedikus amper 40km weg is? Die kan nou seker soos ‘n bribe lyk… dink ek eers NA die tyd! Ai mens kan so stupid wees in ‘n moeilike situasie waar jy net wil help!

Maar dit bring my tot my laaste punt… ek gaan meld die saak toe aan by my naaste SAPS kantoor. Terwyl ek die “Accident Report” invul word daar uit die bloute vir my gesê “NO!! This must be a reckless and negligent docket!” Ek sê toe nee, dit was ‘n ongeluk… “No, bring that docket! We are opening a reck and neg case!!” Dankie f*kken tog ek is nie gister gebore nie en ken die wet darem so bietjie… en met die hulp van twee ander SAPS lede (wat vir so 5sec ook maar lekker deurmekaar was) gesê nee dis ‘n “accident report!

Lang storie kort… WTF?

  • Wie kan mens deesdae vertrou as so iets gebeur? Niemand het my gehelp toe die man in my motor vasgehardloop het nie! (neem hulle nie juis kwalik nie – mens kan vandag mos nie meer ander help nie)
  • Niemand het geoffer om te help toe ek by die petrol stasie staan nie… en o my tog kan hulle staar!! Dog hulle oë en tonge gaan uitval!
  • Die paramedikus het vir my gesê ek het die “accident scene” verlaat – EK KON NIE DAAR BLY STAAN NIE? En dis nie sy werk nie… waars die SAPS of Metro wat ook gebel was??
  • Paramedikus vra vir geld vir die “victim” wat sy seer voet op homself gebring het…
  • En laastens ken die SAPS nie die reëls en regulasies nie!!

My naweek kon baie anders uitgedraai het as ek nie ‘n clue gehad het nie! So moet ons as burgers nou almal gaan swot sodat IEMAND darem weet wat jy mag en nie mag doen nie??

Ken jy die wet so goed dat wanneer die k@k die fan sou strike, jy jouself kan help dat die Polisie jou nie nog verder en dieper gaan inkry nie?

Of het jy soos ek en my Tweeling ‘n prok op speed dial wat jou vinnig sal help?? Al is dit net om vir jou te sê “Ignore die idiot!! Hy het seker sy graad gekoop”

Wat is Judge Dredd (1995 fliek gespeel deur Sylvester Stallone) se naam?

Groete, Selene





Net toe ek van ENB begin hou . . .

27 01 2013

Die meeste inspirasie wat ek al ooit gehad het om van bank te verander was ‘n tweet wat verlede week rond gevlieg het.  As ek nou reg kan onthou was dit iets soos:  “FNB has offended the ANC.  What has your bank done for you.”  Dit was eenvoudig net een van daardie toonkrul lekkerkry oomblikke.  Daar is ‘n gesegde dat die waarheid seermaak.  Daar is ook ‘n gesegde dat daar uit die mond van ‘n suigeling groot waarhede kom.  Moet waar wees.  Watter beter bewys is daar dat die jeug reken dat die regering uitgestem moet word om korrupsie en wanpraktyke stop te sit en die ANC neem aanstoot.

Gelukkig is ek effens in die lui kant.  Kan julle dink as ek in die begin van die week met groot gejuig banke gewissel het om teen Saterdag weer stert tussen die bene terug te kruip?  Ek sal nooit die smet van vernedering kan afwas nie.  Teen Saterdag het ENB nie net die video’s verwyder nie, maar ook die ANC om verskoning gevra.  Hulle het die harde les geleer dat dit een ding is om jou stem dik te maak en ‘n heel ander rede om dit dik te hou.  Dit vat murg in jou pype om nou regtig die waarheid te praat.  As murg dan min is, kies ‘n teiken wat nie ‘n mes teen jou keel het nie.

Blykbaar sou ENB ‘n miljard van die ANC se geld verloor het as die hulle besigheid onttrek het.  Waar die ANC soveel geld gekry het, is ek nie seker nie, maar dit sluit seker al die ANC se gatgabbas se fondse in.  Ek kan sien dat dit ‘n swaar slag vir enige instansie kan wees.  Ek het ook fluisteringe gehoor dat dit was om die kinders wat die uitsprake gemaak het te beskerm.  Blykbaar het die ANC geen probleem om ‘n jong kind te vernietig wat teen hulle is nie.

Die ANC het hulle stem dik gemaak.  Jy is of vir die ANC of teen die ANC.  Geen wonder die ANC se president kan vir besigheidleiers voorspoed belowe as hulle ANC lede is nie.  Miljaarde rande moet van iewers af kom.  Geld is nog steeds ‘n goeie kommoditeit om mag te koop.  Duidelik het BBBEE iets gedoen om die ANC se posisie te versterk.

Maar ek wonder nou so liggies.  Net omdat ENB op een of ander manier gedwing is om verskoning te vra, dink die ANC nou regtig dat die waarheid verdwyn het?  Dit maak hulle nog lank nie ‘n party met integriteit nie.  Geen wonder hulle is so bang vir vryheid van spraak nie.

Breinvasbrand:  Wat is die beheermaatskappy van ENB?

Breinlosbrand:  Charlene was reg met Kate Beckinsale en John Cusack





Toespraak Skrywer

15 01 2013

Ek het eendag lank terug die staaltjie gehoor.

Daar was die minister (parlementslid of so iets) wat jare lank iemand gehad het wat sy toesprake vir hom geskryf het.  Mooi toesprake – die belangrike goed is reg oorgedra en daar was net genoeg humor in gewees.  Die minister het hom soveel vertrou, dat hy later nie eers meer die toesprake vooraf gelees het nie.  Hy sou die eerste bladsy in die kar lees, dan met elke applous of lag van die gehoor, die volgende bladsy.

Eendag het die toespraakskrywer genoeg gehad en wou bedank.  Dit was hier te lank en daar te kort, maar die toespraakskrywer het klaar besluit:  hy was klaar.  Die minister oortuig hom toe om nog een laaste toespraak te skryf.  Hy willig in en die minister is met die getikte toespraak weg na die geselligheid.  Soos altyd was dit ‘n pragtige toespraak tot waar die minister tydens ‘n applous na die tweede bladsy gekyk het.  Daar was net een sin:  “Nou is jy op jou eie, blikskottel!”

Deesdae, elke keer wat Zuma sy mond oopmaak dink ek aan die staaltjie.  Ek wonder wat de hel het van die president se toespraakskrywer geword.  Begin hy ook die tweede bladsy met “Nou is jy op jou eie” of is hy besig om ‘n wêreldrekord vir die langste staking na te jaag.  Elke liewe keer wat Zuma sy mond in die openbaar oopmaak, sê hy iets wat eerder ongesê moes word.  Daar is altyd ‘n debat daaroor na die tyd met ‘n verklaring van die presidensie en die ANC dat Zuma ALWEER verkeerd verstaan is.

Kyk, ek voel half kaal as my voet nie in my mond is nie.  Ek is ‘n tipiese voorbeeld van “fools rush in where angels fear to thread”.  Daar is egter ‘n baie belangrike onderskeid.  Ek is nie die land se president wat homself vir eenheid onder sy mense moet beywer nie.  Ek moet myself uitdaardie gat uit grou en nie nog mense moeite aandoen om ALWEER  te verduidelik dat ek verkeerd aangehaal is nie.

In minder as ‘n maand het Zuma besluit dat dit nie ‘n Afrika tradisie is om na jou troeteldiere te kyk nie.  Blykbaar is dit ‘n euwel wat saam met kolonialisme die land binnegeval het.  Die week word daar weer vure doodgeslaan dat ANC lidmaatskap nie ‘n maatskappy vooruitstrewend maak nie.  Altwee blykbaar metafore wat die Anti-Zuma groep glo te dom is om te verstaan.

Ek betwyfel egter of Zuma self weet wat ‘n metafoor is.  Dalk moet hy daarvan weerhou tot hy dit kan oordra sonder enige verwarring.  Dit is tog nou nie of hy een of ander letterkunde prys najaag nie.

Breinvasbrand:  Wat is Zuma se privaatwoning se naam?

Breinlosbrand:  Olga was reg met Weskaap.





Aandete wat einding met ‘n bang!

25 10 2012

Stel jou voor jy en jou gesin gaan uit vir ‘n lekker aandete… die volgende oomblik hoor jy, nee nog erger SIEN jy hoe twee mense net daar op een van die restaurant se tafels sex het!!

Die voorval het by Paddy Murphy’s restaurant in Baldwin Park in Orlando gebeur. Die voorval was buite op die restauruant se patio waar daar mense ook nog verby geloop het.

Nie een van die mense wou ‘n verklaring gee nie… so die twee is net gearresteer omdat hulle nie hulle rekening wou betaal het nie.

Die restaurant

Manager Tom Murphy called police to the incident where the man was arrested for fighting with the restaurateur and not paying his bill. The couple avoided being taken in for having sex in public

Die tafel

The pair became involved with one another on a table at the theme bar. Shocked passers by called their behaviour 'totally unacceptable and insane'

 Ek sou opgestaan het, en weg gestap het… free meal! 😉

Olga was reg met Tibetan Mastiff – Die hond het vir sowat US$1.5 Miljoen verkoop.





Moederlike tekortkoming… of kort sy ‘n wit jas sonder arms?

23 10 2012

Seker bietjie vroeg of ‘n lee maag… maar ek moes die foto plaas!

woman with dog

Die vrou het gesukkel om haar kinders (nou 2 jaar en 9 jaar) te borsvoed. Sy het glo altyd daai gevoel gehad dat sy uitgemis het… en wel nou het sy daai gaaitjie toegemaak deur haar dogter se Pug te borsvoed!

Ek gaan net gou vars lug kry…

Vragie vir die dag: Waar kom Pugs vandaan? Watse land.





Lopende begrafplase

4 09 2012

Aborsie is een van daardie onderwerpe wat om vredesonthalwe maar eerder geignoreer moet word.  Daar is baie sterk opinies vir en teen aborsies.  Vir die een kamp is dit ‘n teken van genade en die ander kamp beskou dit as moord van ‘n weerlose babas.  Objektief beskou is daar geldige argumente aan beide kante van die saak.  Wat dit natuurlik ‘n baie interessante onderwerp vir die filosoof in my maak. 

Die “Pro-Choice” kamp argumenteer dat vroue altyd die reg oor hulle eie liggame het en nie geforseer te word om deur die geboorte proses te gaan as hulle nie reg is daarvoor nie.  Die vrou se reg weeg dus swaarder as die van die embrio.  Ek vind dit ironies dat die reg van keuse so laat eers aggressief beskerm word.  Ek meen, vroue het al ‘n reg op hulle liggaam lank voordat daar ‘n baba groei.  Die wêreld sal ‘n baie beter plek wees as hulle regte op daardie punt beskerm en afgedwing word. 

Die “Pro-Lewe” kamp voel weer hoewel die vrou ‘n reg oor haar liggaam het, het die embrio ook ‘n reg op lewe wat nie deur ‘n mens ontneem mag word nie.  Die reg van die embrio word dus gelykstaande geplaas aan die van die vrou al het die embrio nog nie ‘n stem nie.  Die lewe aan die ander kant is nie noodwendig so rooskleurig soos die Pro-Lewe mense wil glo nie.  ‘n Ma wat gedwing word om moederskap te aanvaar, kan die kind se lewe heeltemal verwoes.  Dan praat ons nie eers van die minder as ideale omstandighede wat ‘n weerlose baba moet oorleef, waarby die dood dalk meer genadig sal wees nie. 

Daar is baie grys gevalle, waar ‘n mens die ma maar die beste toebid en uiters dankbaar is dat jy nie in daardie omstandighede is nie.  Daar is egter een ding waaroor die professionele mense eens is.  Aborsie is nie ‘n maklike saak nie.  Dit beskadig wel die liggaam tot ‘n mate en moet eerder vermy word.  Dus aborsies behoort uitsonderlik te wees en kan nie as ‘n gereelde (gerieflike) geboorte beperking gesien word nie.  Hoewel aborsies veilig kan wees, is daar risiko’s wat eerder vermy moet word. 

Aborsies is ook ‘n traumatiese ervaring vir die gemiddelde vrou, die baba wat sy gekies het om nie te hê nie.  Die baba sal die res van haar lewe by haar spook en sy sal altyd weet dat haar keuse hom dood gemaak het.  Weereens, nie iets wat jy sommer op jou gewete wil hê nie.  Veral as jy dit nie kan verdedig teenoor jouself nie. 

Soos reeds genoem, aborsies is nie ‘n maklike saak nie, op die beste kan dit as ‘n traumatiese saak uitgemaak word.  Met die agtergrond was ek uiters geskok om te lees van die sogenaamde “aborsie verslawing“.  Daar is vroue wat voel dat dit opwindend is dat ‘n lewe geskep kan word en dan weer wettig geneem kan word.  So is daar vroue wat al 8 aborsies in hulle lewe gehad het, net omdat hulle kan. 

Dit is siek, baie siek.  Eerstens mors hulle met hulle liggame en het dan geen berou oor die lewe wat hulle beëindig het nie.  Volgens Herriemerrie dui dit op ‘n ongesonde gees.  Ek is seker veronderstel om hulle jammer te kry, maar ek voel hulle hoort in ‘n tronk.  Sulke koelbloedige mense kan nie toegelaat word om met die samelewing te meng nie. 

Wat moet skeef loop in mense se koppe dat hulle ‘n lewe wil skep net om dit te vernietig? 

Breinvasbrand:  Hoeveel wettige aborsies is in 2011 in Suid-Afrika uitgevoer? 

Breinlosbrand:  Selene was eerste reg met Santam.





We don’t need no education

30 08 2012

Ek het eers my oë gerol toe ek hoor daar is nou weer ‘n onderwyskrisis in die Noord-Kaap.  Ek meen, wie nie.  Dit was dalk ‘n goeie ding, ek dink die rollery het my oë ‘n bietjie stywer vasgeskroef voordat dit uit my kop kon val. 

Die keer was dit nie die Departement of selfs die Minister van Onderwys se skuld nie.  Nee, die keer is dit die ouers wat reken die burgermeester griewe weeg swaarder as hulle kinders se opvoeding.  Dit is belangriker om die kinders te misbruik vir protes as om iets in hulle koppe te kry.

Sedert die diamand stormloop verby is, word daar nie juis veel van die Noord-Kaap verwag nie.  Hulle het van die laagste matriekslaagsyfers in die land.  Hulle is boonop ook een van die armste provinsies in die land.  Dit is te verwagte, so al asof iemand niks meer van die mense van die dorre area verwag nie.  Ek is seker onregverdig, dit wat ons daar sien kon in enige provinsie in die land gebeur het.  Ek kon egter nie die ironie miskyk nie. 

Om hoeveel brandvleisvure word daar daagliks besluit dat die dom ******* te onopgevoed om die land te laat werk.  Elke jaar word veral die swart jeugdiges aangemoedig om “further education” te kry.  In die twee uiterstes, lê opvoeding en dus ook onderwys in die middel.  Onderwys wat ‘n gerieflike politieke speelbal is en te lekker deur elkeen met ‘n voet geskop kan word.  Feit bly staan dat Suid-Afrika se heil in die onderwys gesetel is.  Dit is immers ook die mening van verskeie redelike gesaghebbendes. 

Selfs die regering het dit in hulle dik koppe gekry.  Hulle gooi elke jaar die grootste deel van die begroting in onderwys in.  Toegegee, daar is seker meer onderwys nodig voordat die fondse aangewend sal word om goeie resultate te kry.  Daar kan baie gesê word oor ons land se onderwys stelsels, maar een ding staan soos ‘n paal bo water uit.  Die beste onderwysstelsel in die wêreld beteken niks as die leerders nie daarvan gebruik maak nie.  Opvoeding en opleiding is nie net gee nie, iemand moet ook neem. 

Ek raak nou vreeslik filosofies, maar ek het regtig iets te sê.  Siende dat die land se toekoms in onderwys lê, dink ek Suid-Afrikaners is hopeloos te ongeërgd waar dit onderwys aangaan.  Dit is makliker om die stelsel aan te val as om self verantwoordelikheid te neem.  Ek meen waar het jy gesien dat omdat die gemeenskap nie van die burgermeester hou nie, word verskeie skole in die gebied gesluit?  ‘n Gemeenskap wat allermins kan bekostig dat hulle kinders nie skool gaan nie?  Dit is genoeg om jou polse te begin vreet. 

Dit is egter nie net in die agtergeblewe gebiede waar die mense die voorreg van onderwys afskiet nie.  Skool het ‘n grap geword in alle gemeenskappe.  Die klem is op proteste, sport, pret, – op alles behalwe om iets in die leerders se koppe te kry.  Kyk hoe haal baie ouers hulle skouers op as die kinders ‘n dag van skool mis.  Dit maak bloot net nie saak nie. 

Skool – soos in akademie – is doodeenvoudig nie meer ‘n prioriteit nie.  Die slapgat mentaliteit wys en nie net op die skoolbanke nie.  As jy jou verantwoordelikheid op skool opsy skuif, wat gaan jou eendag ‘n goeie werker maak?

Dit bring ons by ‘n slapgat Suid-Afrika.  Kom ons raai hoekom.

Breinvasbrand:  Uit watter lied kom “We don’t need no education”?

Breinlosbrand:  Gerda was reg met Central Intelligence Agency.