Slippers

Ek het nog altyd gemengde gevoelens oor Reach-for-a-dream gehad.   Ek is nou nie die tipe wat ‘n sterwende kind se grootste droom van hom / haar sal ontneem nie.  Ek meen, wat meer het hulle as hulle drome?  Daar is geen ander mylpaal waarvoor hulle kan mik nie. 

Aan die anderkant is dit vir my hartseer dat dit die doodsengel se verwagte besoek neem om ‘n kind se drome te bewaarheid.  So het jy vir Jannie wat ‘n kankerlyer is en wat graag die see wil sien.  Sannie wat oorkant die pad woon wil ook die see sien, maar dit is ‘n droom wat sy dalk as ‘n volwassene kan najaag.  Dit is nou as sy die greep van die omgewing kan ontsnap.  Hoeveel seuntjies wil graag ‘n Springbokrugbyspeler ontmoet, maar dit is net die siekstes wat daardie kans kry.  Die wat die gebeurtenis nie eendag aan hulle kleinkinders oor kan vertel nie. 

Ek dink julle kry die prentjie, verdere voorbeelde is seker nie nodig nie.  Die verskil is seker dat die gesonde kind die kans het om sy / haar sterre te verander.  Die sterwende een se tyd is te beperk en sy ouers en familie se fondse word alles geploeg om hom / haar nog ‘n rukkie langer op die aarde te hou.  Dit is menslik.  Veral om alles te probeer om ‘n sterwende se laaste wens te vervul. 

Ek reken dus dat Reach-for-a-dream nogal ‘n verdienstelike aksie is om te ondersteun.  Veral as hulle nog met ‘n prettige idee voorlê wat jou nie ‘n arm en ‘n been gaan kos nie. 

3 Augustus is nasionale pantoffel dag vir Reach-for-a-dream.  ‘n Dag waarop jy nie jou pantoffels op die laaste oomblik by die deur hoef uit te skop nie, maar daarmee kan gaan werk of winkels toe gaan.  Daarmee wys jy jou medelye met die kinders wat sterwend is en sommer ook jou ondersteuning vir Reach-for-a-dream. 

Al wat dit jou gaan kos, is ‘n plakker wat vir almal wys hoekom jy jou pienk hasie slippers dra.  Dit kos net R10 en is beskikbaar by Reach-for-a-dream en Milady’s. 

Ek het al reeds my plakker en soek nog na gevreetjie pantoffels.  Is jy in?

Hoe voel jy oor die inisiatief van reik vir ‘n droom?  Wat is jou gunsteling inisiatief om te ondersteun?

Breinvasbrand:  Wie het sy wildste droom gisteraand bewaarheid om vir Michael Phleps in die 200 m Vlinderslag te wen? 

Breinlosbrand:  Aurora

Gevreetjies

Loli wil weet hoe ‘n mens gevreetjies maak.  Soos elke nuwe en party van die ou bloggers.  Ek is natuurlik nie ‘n kenner nie, maar mens tel darem hier en daar iets op.  Voorheen het dit gehelp as jy jou muis oor die gevreetjie (emotiocon) laat huiwer het, maar ek kry dit nie vandag reg nie. 

Hier is ‘n paar om die basiese te doen.  Verwyder net die +’e om die patroon te kry.  $+% moet dus eintlik net $% wees.  Onthou ‘n spasie voor en na die formule.   

• Glimlag = :+)  🙂 
• Breë glimlag:  :+D  😀 
• Tong uitsteek:  :+P  😛
• Hartseer:  :+(  😦
• Verward:  :+?   😕
• Frons:  :+|  😐
• Knipoog:  ;+)  😉
• Vraagteken:  :+?+:  ❓
• Uitroepreken:  :+!+:  ❗
• Bloos:  :+oops+:   😳
• Huil:  :+cry+:  😥
• Idee:  :+idea+:  💡
• Groen Gesiggie:  :+mrgreen+:    
• Skok:  :+shock+:  😯
• Kwaad:  :+mad+:  😡
• Boos:  :+evil+:  👿
• Verwronge:  :+twisted+:  😈
• Rollende oë:   :+roll+:   🙄  
• Lag  :+lol+:  😆

Dit is maar net die waaraan ek nou so vinnig kan dink.  As jy van ander weet, deel dit asseblief met ons.

Afrikaner geskiedenis

Ek het juis verlede week ‘n bietjie gemymer oor ware geskiedenis.  Twee kante, twee weergawes en die waarheid in alle waarskynlikheid iewers tussen in.  Vandag het Afriforum ‘n sosiale media veldtog geloots.  Hulle eis dat die Afrikaners se voorvaders nie as bose lafaards afgemaak moet word nie, maar dat die waarheid onthou en beskerm moet word. 

Hierdie is ‘n projek waarby ek graag my gewig wil in gooi.  Op die heel minste moet beide kante vasgehang en gehoor word.  Anders gaan daar ‘n verwronge beeld geskep word en as evangelie onthou word.  As dit nie reeds te laat is nie.  Geskiedenis definieer wie ons vandag is, en as ons geskiedenis verkeerd opgeskryf word, gaan ons mutante wees. 

Daar word basies gevra dat die video op 28 Februarie versprei moet word en stemme op sosiale media dik gemaak moet word.  Hier is die link vir die video.  http://www.youtube.com/watch?v=J9wE3U-LD6E  As jy saamstem, verskrei dit asseblief.  Ek sien dit is reeds by Turksvy op. 

Geseënde Kersfees

Baie geseënde Kersfees!!

Jesus se geboorte was met groot afwaging en hoop verwag.  Mag die viering van sy koms ons opnuut met vreugde en vrede vervul.  Nie net op die dag nie, maar in elke dag van ons lewens.  Mag ons die vreugde en liefde van Christus uitdra en die mensdom daarmee vul.

Ek hoop dat almal ‘n wonderlike dag sal geniet saam met almal vir wie hulle lief is.

 

Hongersnood

Dit voel half na fiksie dat mense vandag nog van die honger sterf.  Helaas is dit nie net ‘n storie nie, mense in Suid-Afrika gaan slaap nagte lank honger as daar niks te eet is nie.  Weke gelede was ek met skok en afgryse gevul nadat ek gelees het hoe twee kinders dood is van honger en dors toe hulle kilometers ver agter hulle ma aangestap het vir kos.  Die ma se jonger sibbe is ‘n paar kilometer verder gekry – waar hulle ook weens honger gesterf het.

Die storie is gelukkig nie onder die mat ingevee nie.  Verlede week was daar ‘n instelsel op die Nuus gewees.  By verdere ondersoek blyk dit dat die hele gemeenskap verhonger.  Meer as 80% is werkloos en daar is doodeenvoudig niks om te eet nie.  Gift of the Givers het gaan kos uitdeel, maar die kos sal natuurlik nie hou nie.  Die regering gaan ook ingryp deur ID’s te gaan uitdeel sodat die mense vir toelae aansoek kan doen.  Daar was vandag ‘n berig oor die geval in Rapport gewees.  Turksvy en Klippie het ook onlangs oor honger mense gewonder.

Ek kerm gereeld oor die bakhandkultuur in Suid-Afrika, die bedelaars op elke straathoek en die dekselse kindertoelae.  In die geval is dit baie maklik om sondebokke te kry.  Die regering wat toelae soos lekkergoed uitdeel, verlig net die simtome, maar die ware siekte vererger by die dag.  Arbeidswetgewing in Suid-Afrika is dalk geskryf om die werker te beskerm, maar niemand wil meer werkers inneem nie juis daaroor.  Boere kom ook eerder sonder werkers klaar, voordat die einste werkers ‘n eis teen hulle grond insit.  Die werkers kan selfs sorg dat die boere hulle lewe verloor in ruil vir werk.  In Suid-Afrika is dit mode om die hand te byt wat jou voer.  Teen R10 ‘n brood en R10 ‘n liter melk, is kos onbekostigbaar duur.  Les bes moes die ma nie geteel het as sy nie kon voer nie.

Die blaamspeletjie het dalk meriete, maar dit maak nie een honger maag vol nie.  Terwyl jy honger is, kan rede nie ingesien word nie.  Onthou die mense hoor dit is Apartheid se skuld dat hulle nie kos het nie en die blankes is te inhalig om te deel wat in die eerste plek gesteel is.  As jy met die gedagte rondloop, sou jy nie ook gehaat het nie?

Dit is dalk nie jou, my of ons verantwoordelikheid om die hongeres te voer nie.  Baie van ons doen dalk meer as hulle deel.  Tog, kan ‘n mens jou rug met ‘n rein gewete draai op ‘n mens of selfs ‘n dier wat verhonger?  As dit in jou mag is om te help, durf jy weier?

Dit is makliker om te help as ‘n mens dink.  KFC vra R2 om ‘n kind te voer.  Pick n Pay het weer ‘n stelsel waar hulle belowe om vir R10 6 mense te voer.  Hoe hulle die rande rek om dit reg te kry weet ek nie.  Maar ek vertrou hulle beslis meer as iets waar ‘n korrupte politici (wie se gretigheid en sotlikheid die brood uit die armes se monde steel – oops, daar blameer ek weer) betrokke is.  Daar is ook die Heilsleer, Gift of the Givers en Helpende Hand wat hulle bes probeer.  Jy kan dus maklik help, sonder om ‘n bedelaar in hulle kwaad te sterk.

Dink julle die gemiddelde Suid-Afrikaner gee genoeg vir hulle mede burgers om?

Breinvasbrand:  Wanneer was Gift of the Givers in opdrag van Muhammed Saffer Effendi al Jerrahi gestig?

Breinlosbrand:  Olga was reg met Advent.

Bietjie hulp

Ek moet elke dag verby ‘n paar skole ry.  Soos kinders maar maak, word die tyd wat daar op die eerste klok gewag word, goed ingespan om te speel. 

So vlieg daar mos die volgende oomblik ‘n tennisbal oor die muur.  Ek vermoed maar dat dit ‘n bielie van ‘n 6 was, want dit was sommer reg oor die straat gewees.  Die skool is ingehok met ‘n baie hoë muur wat nog boonop met elektriese draad versier is.  Nie so maklik om gou oor die muur te spring om die bal te gaan soek nie.  Die seuns het egter nie nodig gehad om bekommerd te wees nie. 

‘n Voetganger aan die oorkant van die pad het die bal opgetel en dit sonder seremonie vir ‘n voetganger aan die oorkant gegooi.  Die het dit nonchalant terug oor die muur gegooi.  Die twee mans was in teenoorgestelde rigtings oppad en het nie eers ‘n woord met mekaar gepraat nie. 

‘n Baie klein toneel – maar met soveel potensiaal.  Hoe ver sal ons nie kom as ons agendas vergeet en doen wat die hand vind om te doen nie.  Sommer net omdat ons kan.

Goeie Vrydag

Twee stukke lewelose hout en ‘n weerlose Man wat daaraan vasgespyker was.  Nogtans was dit sterker as die wêreld, omdat dit die wêreld oorwin het en weer sal oorwin.  Jesus het Sy lewe daarop vir ons neergelê, sodat ons elkeen die ewige lewe kan beërwe.

Geseënde Paasfees.

Geseënde Kersfees

Ek is een van daardie mense wat altyd weet.  Dit is seker hoekom ek nog altyd die skaapwagters bewonder het wat uitgesonder was om eerste die goeie tyding te verneem.  Kyk net hoe het die engele hulle gegroet.  “Moenie bang wees nie, want kyk, ek bring vir julle goeie tyding van groot blydskap wat vir die hele volk bestem is.”

Dit is dan my Kerswens vir julle.  Mag julle nooit bang wees nie en altyd die ontvangers van goeie tyding wees.  Mag julle vreugde sommer almal rondom julle ook aansteek. Mag Kersfees vir julle ‘n tyd van vreugde en blydskap wees, so dat julle dit 365 dae saam kan dra tot julle die volgende dosis ontvang.

Mag julle Kersfees waarlik geseënd wees. 

Vir almal wat nou waai . . .

Ek kan nie glo dat dit al die 15de Desember is nie.  Die dae het omtrent gevlieg.

Vir almal wat nou op blogvakansie gaan, wil ek graag ‘n baie Geseënde Kersfees toewens.  Mag die tyd se belofde van liefde en vrede vir julle vervul word.  Reis asseblief veilig en bly asseblief verantwoordelik.  Ek lyk belaglik as ek toi-toi, so wil dit nie graag onnodig doen om jou uit die tronk te kry nie.

Soos almal hulle jaaropsommings opsit, sien ek dat meeste mense so effens vuisvoos is.  Mag 2011 jou goedgesind wees en breed saam met jou glimlag.

Ek gaan nie self op blogvakansie gaan nie, maar ek gaan dinge rustiger vat.  Julle sal dus nog van my hoor.

Die goedheid van mense

Niemand is deur en deur sleg nie.  Terselfde tyd is almal nie deur en deur goed nie.  Daar is ‘n bietjie goed en kwaad in almal van ons – hoewel, so tussen ons, wonder ek soms oor die wysheid daarvan.

Dit is egter nie nou belangrik nie.  Olga het my laat dink aan die storie van Teddybear, een van die mooiste voorbeelde van die goedheid van mense.  Dit was op een van die kassette in die kar gewees, dus het ons jare lank dit gereeld gehoor.

Daar was eendag die kreupel seuntjie wat juis veel gehad het om hom geselsskap te hou nie.  Sy pa was ‘n vragmotorbestuurder wat die vorige maand in ‘n ongeluk dood is.  Die ma moes noodgedwonge gaan werk en die seun was aan sy eie genade oorgelaat.  Streng teen sy ma se bevele het hy vir hom ‘n maatjie vir ‘n praatjie gaan soek.

So kom hy toe by ‘n trokker uit wat saam wou speel.  Die seun, Teddybear, vertel hom sy lewensverhaal en dit laat die bestuurder aan sy eie seun dink.  Teddybear wens hardop om weer met ‘n vragmotor te kan ry en moet dan groet omdat sy ma enige oomblik by die huis sal wees en hy mag nie op die radio wees nie.  Voordat hy egter gaan, kry die vragmotorbestuurder sy adres.

Natuurlik het die man sy vragmotor net daar omgedraai om ‘n kinderhart te gaan verbly.  Hy het egter die skok van sy lewe gekry toe hy naby Teddiebear se huis kom.  Elke luistervink in ‘n lorrie het dieselfde idee gehad en hulle het tou gestaan om die gestremde seuntjie om die blok met hulle vragmotors te neem.  Die seun was natuurlik in die 7de hemel gewees.  Al die bestuurders het onder mekaar geld ingesamel voordat hulle weer in die pad geval het om hulle vragte by hulle bestemming te kry.

Mamma Teddiebear het natuurlik ook kom dankie sê aan al die mans wat haar seun se droom kom waar maak het.  En dit alles het eintlik net ‘n klein bietjie moeite en onophoud gekos.

Hier is die video en die woorde vir die wat hulle self wil vergewis.

Teddy Bear

I was on the outskirts of a little southern town Trying to reach my destination before the sun went down The old CB was blarin’ away on Channel 1-9
When there came a little boy’s voice on the radio line And he said breaker 1-9 is anyone there Come on back truckers and talk to Teddy Bear I keyed the mike and I said you got it Teddy Bear And the little boy’s voice came back on the air
Appreciate the breaker who we got on that end I told him my handle and then he began Though I’m not supposed to bother you fellows out there Mom says you’re busy and for me to stay off the air But you see I get lonely and it helps to talk
Cause that’s about all I can do I’m crippled and I can’t walk I came back and told him to fire up that mike And I’d talk to him as long as he’d liked
This was my dad’s radio the little boy said But I guess it’s mine and mom’s now cause my daddy’s dead Dad had a wreck about a month ago He was tryin’ to get home in a blinding snow Mom has to work now to make ends meet
And I’m not much help with my two crippled feet She says not to worry that we’ll make it alright But I hear her cryin’ sometimes late at night
You know there’s one thing I want more than anything else to see Oh I know you guys are too busy to bother with me But you see my dad used to take me for rides when he was home But I guess that’s all over now since my daddy’s gone
Not one breaker came on the old CB as that little crippled boy talked with me I tried hard to swallow a lump just wouldn’t stay down As I thought about my boy back in Greenville town Dad was gonna take mom and me with him later on this year Why I remember him sayin’ someday This old truck will be yours Teddy Bear But I know now I’ll never get a ride on 18-wheeler again But this old base’ll keep me in touch with all my trucker friends Teddy Bear’s gonna back on out now and leave you alone Cause it’s about time for mom to come home But you give me shout when you’re passin’ through And I’ll surely be happy to come back to you
Well I came back and I said before you go 10-10 What’s your home 20 little CB friend He gave me his address and I didn’t once hesitate Cause this hot load of freight would just have to wait I turned that truck around on a dime
And headed straight for Jackson Street 229 And as I rounded the corner oh I got one the heck of a shock 18-wheeler were lined up for three city blocks
I guess every driver for miles around had caught Teddy Bear’s call And that little crippled boy was havin’ a ball For as fast as one driver would carry him in
Another would carry him to his truck and take off again Well you better believe I took my turn rifin’ Teddy Bear And then carried him back in and put him down in his chair And buddy if I never live to see happiness again
I want you to know I saw it that day in the face of that little man
We took up a collection for him before his mama got home
And each driver said goodbye and then they were all gone
He shook my hand with a mile long grin and said so long trucker I’ll catch you again
Ah I hit that Interstate with tears in my eyes
I turned on the radio and I got another surprice
Breaker 1-9 came the voice on the air
Just one word of thanks from mama Teddy Bear
We wish each and everyone a special prayer for you
Cause you just made my little boy’s dream come true
I’ll sign off now before I start to cry may God ride with you 10-4 and goodbye