#@# geheime organisasie

30 01 2015

Ek moet seker self ‘n geheime organisasie uitdink. Baie moeliker as ‘n mens sal dink. Olga het reeds ‘n vigilante groep wat die kinders sal wreek. Ek is seker sy sal my daar toelaat en ek hoop ek kry ‘n graaf borsspeld. So ek moet iets anders gaan soek.

Julle weet al teen die tyd dat dit nie veel neem om my te amuseer nie. Gee my net iets waarvan al die drade nie vas is nie of as 2 en 2 nie 4 maak nie. Dan praat ek nie eers van ‘n som sonder ‘n antwoord nie. Net omdat dit ‘n gevestige Geskiedenis feit is, beteken nie noodwendig dat ek dit sal glo nie. As iets nie vir my sin maak nie, gaan ek dit bevraagteken of my eie teorie vorm. Dit maak dan seker van my ‘n sameswerings teoretikus.

As ek dus ‘n geheime organisasie kan stig, sal dit ‘n groep wees wat die storie agter die storie gaan soek. As ‘n groep sal ons dus elke ding waaroor ons (ek) wonder gaan ondersoek tot ons nie meer wonder nie. Daar sal natuurlik twee bene moet wees: die ondersoekers en die ontwikkelaars. Die ondersoekers sal nie ver kan kom sonder ‘n tydmasjien nie. Die ontwikkelaars sal onder andere een moet ontwikkel. Ek dink iets soos Mannemarak se ruimteskip. Klein, maar weerstandbiedend teen gif en ‘n taai klap.

Oe! Die moontlikhede. Maar voordat ek weggevoer raak, moet ek eers aan aansluitingskriteria dink. Ek soek mense wat buite die boks kan dink, maar terselfde tyd krities kan dink. Hulle sal die perdedrolle van die feite moet kan onderskei. Hulle moet moet in beroepe wees of belangstellings hê wat ons doel sal bevoorbeeld. Hulle moet natuurlik aanvaar dat hulle deel van ‘n geheime organisasie is en besef dat hulle nooit krediet vir hulle bevindinge of ontwikkelings sal kry nie. Hulle sal dit ook nie kan gebruik om hulle eie agendas na te streef nie.

Ons ontmoet plek moet ‘n weggesteekte museum wees. Ons sal die museum natuurlik oor tyd kan vol maak. Ek hou nie van tattoeërmerke nie, dus sal ons maar juweliersware gebruik as identifikasie. Ek is nog nie presies seker wat nie, dit moet iets wees wat nie juis aandagtrek nie, maar dit moet so duidelik soos daglig wees vir die wat weet waarvoor om te kyk. Iets wat vir mans en vrouens werk, dus dalk ‘n ring op ‘n sekere vinger. Ek wil nou ook nie onnodige kanse vat nie, dus moet almal dalk ook ‘n mikroskyfie hê vir positiewe identifikasie. Tensy die ontwikkelaars ‘n DNA toets kan ontwikkel wat iemand binne 2 sekondes kan identifiseer.

Ek moet ook nog besluit wat ons met die inligting gaan doen. Aan die eenkant sal jy dit onder die wêreld se neuse wil vryf, maar onthou dat nog steeds ‘n geheime organisasie is. Dit sal dus anoniem gepubliseer moet word of as fiksie bemark moet word. Niemand glo mos fiksie nie, tensy dit natuurlik ‘n geloof uitmekaar haal.

Die organisasie kan maar iets wees waaroor mense wonder. Wonder, maar nooit die antwoord kry nie. Dit sal mos ons werk wees. Net die amptelike lede sal presies weet waaroor dit gaan.

Nou kort ek net die wêreld se ekonomie. Dalk moet ek eerder ‘n ander lewende planeet gaan kaap en klaarkry.

Breinvasbrand: Watse organisasie se kenteken is hieronder:

Breinlosbrand: Scrapydo was reg met Muizenberg.


Aksies

Information

13 responses

30 01 2015
rondomtaliedraai

MMMMMMM ek hoop jy het baie geld…

31 01 2015
Xena Phoenix

Nou dit is die klein tegniese probleempie wat ek het.

31 01 2015
rondomtaliedraai

😀

30 01 2015
HesterLeyNel

Vrymesselaars. Uiteindelik vra iemand ‘n vraag wat ek kan antwoord😀

30 01 2015
scrapydo

Jou organisasie klink vir my maar ingewikkeld. Ek glo nie ek sal die toetse slaag om deel te word nie.(Ek hou nie van geheime nie- dis n groot minus)

31 01 2015
Xena Phoenix

Ai tog! Wat is ‘n geheime organisasie sonder geheime?

31 01 2015
scrapydo

Ha ha! Netso

30 01 2015
Olga

Ek skinder graag en sien altyd ‘n komplot in alles. Ek kan egter ‘n geheim hou. Maar ek hou nie van dink nie, dink ek. Want as ek dink, sien ek ‘n komplot. Tog, julle sal iemand nodig hê om die voetwerk te doen. Dis Olga daai.

31 01 2015
Xena Phoenix

😉 Olga, jy kan die eerste rit in die tydreismasjien onderneem.

31 01 2015
carolredelinghuys@Losbek

Mmm, die storie agter die storie. Ek sluit aan

2 02 2015
Xena Phoenix

Baie welkom. 😉 Onthou net, wanneer die tydmasjien werk, gaan ons heel eerste kyk wat in Hitler se bunker gebeur het. Of eerder wat gebeur het toe hy uit Hanna Richter se vliegtuig geklim het.

1 02 2015
spokiesnyspoor

Oulike idees. Interessant om te weet dis die vrymesselaars se kenteken.

2 02 2015
Xena Phoenix

😉 Iemand het nog nooit National Treasure gekyk nie.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: