Wat sal jy in die geheim konkel?

29 01 2015

Cecil John Rhodes was nog nooit een van my gunstelinge nie.  Dit was waarskynlik Barney Barnato se skuld.  Ek het egter nog altyd geglo dat ‘n mens die duiwel moet gee wat hy toekom.  En Rhodes is beslis iemand om van kennis te neem.

As 5de, sieklike seun van ‘n predikant was sy sterre seker maar dof en verbeeldingloos.  Aan die ander kant, sy pa was ‘n man wat daarop geroem het dat hy nog nooit langer as 10 minute gepreek het nie.  Die Rhodes familie was dus seker geregtig op ‘n wonderwerk.

Of dit ‘n wonderwerk, skelmheid of knapheid was, Cecil John Rhodes het sy fortuin in Afrika kom maak.  Hy het op 48 jarige ouderdom sonder ‘n kind en kraai gesterf.  Vanuit sy boedel is die Rhodes Beurs gestig.  Die beurs stuur mans (later mense) van (voormalige) Britse Kolonies na Oxford vir nagraadse studies.  Die vol beurs word vir tussen 1 en 3 jaar  toegeken om “civic-minded leadership amongst young people with moral force of character and instincts to lead, and to help “render war impossible” through promoting understanding between the great powers” te bevorder.

In 1902 is 52 beurse toegeken.  In 2013 is daar 83 beurse toegestaan.  Toegegee, daar het ongeveer 40 ekstra beurse by gevoeg, maar vir meer as 100 jaar dra die Rhodes boedel die beurse.  Meer as 7000 mense het al voordeel uit die beurs getrek.  Dit is veilig om te sê die man het in die geld gerol.  Dit was nie eers sy hele boedel nie, UCT en Kristenbosch Tuine is gebou op grond wat hy die land nagelaat het.

Min mense sal betwis dat dit ‘n waardige nalatenskap was, maar die Rhodes Beurs was sy plan B.  Sy plan A was veel interessanter, alhoewel bisar.  Rhodes wou sy boedel gebruik het om ‘n geheime organisasie te stig.  Die doel van die organisasie sou wees om die wêreld onder Britse beheer te bring.  Nou nie om ‘n goeie storie met feite te bederf nie, ten tye van die testament was hy 24 jaar oud en nog nie die rykste man in die wêreld nie.

Ek was nog altyd gefassineer met geheime organisasies.  Helaas is geheime organisasies gewoonlik van die duiwel and ‘n korrupsie nes.  Wel, dalk net omdat ek nog nie een gestig het nie.   Soos die mot, glo ek mos ook dat ek nooit die kers sal tref nie.

Voor ek nou op my eie battery piepie, laat ons eerder onthou dat sê nou ‘n lekker sê is.  As jy ‘n geheime organisasie kan stig, wat sal die mandaat van die organisasie wees.  Onthou, dit is ‘n hipotetiese organisasie (of maak of dit ‘n geheime organisasie is).  Moet dus nie deur ‘n gewete, praktiese oorweging of die wet beperk word nie.  Watter rituele sal julle in jou organisasie hê en hoe sal die lede gemerk word?

Breinvasbrand:  Olga het reggeraai met Oxford.

Breinlosbrand:  Waar is Cecil John Rhodes dood?


Aksies

Information

13 responses

29 01 2015
carolredelinghuys@Losbek

Ek sal nie my geheim uitlaat nie, hehe!

30 01 2015
Xena Phoenix

‘n Netjiese systap om te ontwyk dat daar geen geheim is nie. 😉

31 01 2015
carolredelinghuys@Losbek

Uitgevang, hehe!

29 01 2015
Olga

Tweede! In die Kaap?

Ek sou ‘n vigilante groep wou stig. Een wat misdade teen kinders wreek. Ons sou heelwaarskynlik ‘n klein paplepel lapel speld of beter nog, borspeld gedra het.

30 01 2015
Xena Phoenix

Kan my borspeld ‘n graaf wees?

30 01 2015
scrapydo

Nou lag ek lekker vir die paplepel-lapel-speld. Klink vir my nogal goed ook nog! Rhodes sterf 26 March 1902

30 01 2015
Xena Phoenix

Ek wonder of die speld ‘n geheime wapen gaan wees waarmee van die booswigte uitgesorteer sal word.

30 01 2015
scrapydo

Daar gaan beslis n kamera in versteek wees om n opname te maak van wat gebeur

30 01 2015
scrapydo

Oeps lees verkeerd, jy vra waar nie wanneer! Gaan eers verder grawe…..Muizenberg Suid Afrika

30 01 2015
Klip

Ek behoort ook aan n geheime organisasie! , maar ek weet nog nie eers wat hulle naam is nie…………..die grootste geheim van ons organisasie is dat niemand weet wat die grootste geheim is nie.

30 01 2015
Klip

Ons het vanaand vergadering , maar die venue is ook n geheim……….Gelukkig weet mev Klip nie van my geheim nie .

30 01 2015
Klip

Ek werk met bakstene , sement en n troffel…………

1 02 2015
spokiesnyspoor

Jinne. Hier word omtrent geheime … diggehou. Lekerrr! Interessante skrystukie, Xena

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: