Dit is nie die venstertjies se skuld nie

26 01 2015

Persoonlik hou ek daarvan om die vensterkoevertjies te verwens.  Niks goeds kom ooit uit ‘n vensterkoevertjie nie.  Danksy die poskantoor en die geneul van die Groenes is venstertjiekoeverte deesdae ver in die minderheid.  Dit is basies net SANRAL wat volhard om hulle te pos.  Watse plesier is dit nie om dit te ignoreer nie.  Die ander geldsoekers speel deesdae eerder met epos en/of sms op jou gewete.

Dit is nie regtig die vensterkoeverte te skuld nie.  Jy is immers die een wat jou in ‘n kontrak begeef het (behalwe SANRAL).  Jy het dienste en goedere aanvaar met die verstandhouding dat jy dit op ‘n sekere dag sal betaal.  ‘n Kontrak wat vrywillig aangegaan is.  Die vensterkoevertjie is eintlik maar net die boodskapper.  Blameer eerder die heelal.  Hoekom groei geld nie aan bome nie?  Nie kat ‘n mens noodwendig die geld van die bome noodwendig aan die venstertjies wil gee nie.  Dit is nie lekker om ‘n venstertjie te kry en dit is nie lekker om skuld te betaal nie.

Daar is helaas net een manier om van die vensterkoevertjies ontslae te raak.  Betaal die plekke wat jy hulle skuld, soos jy in skrif belowe het om te doen.  Dit laat gewoonlik die venstertjies opdroog.  Behalwe vir die vervlakste rekeningbeskerming waartoe jy ingestem het.  Al skuld jy hulle maande lank niks nie, sal hulle steeds jou rekening teen dood en pakkette wil beskerm.  Maar dit is ‘n ander storie.

As jy nie jou verpligtinge nakom nie, gaan die koevertjies een of ander tyd aanmanend raak.  Dit sal op ‘n stadium begin dreig en die dag gaan kom wanneer jou venstertjie van ‘n prokureurskantoor gaan kom.  Dit is die gevolge daarvan om jou nie aan ‘n vensterkoevert te steur nie.  ‘n Volwassene is veronderstel om die gevolge van hulle dade (nie-dade) te besef.  Juis een van die redes hoekom jy ‘n volwassene moet wees voordat jy jouself tot ‘n venstertjie kan verbind.

Mens sou verwag dat iemand erg verleë sal wees as ‘n venstertjie eers hulle stem dik begin te maak.  Persoonlik sal ek daardie venstertjie so gou as moontlik van my rug wil afkry terwyl ek my kop in die grond sal druk.  Baie mense voel egter nie so nie.  Hulle voel beledigd en / of geirriteerd en skroom nie om hulle misnoeë bekend te maak nie.  Dan word daar baklei vir hulle waardigheid en eer.  Hulle vergeet gerieflikheidshalwe van die prestasie wat hulle teenoor die ander party skuldig is.  Daar word ook van die ander party ‘n verskoning verwag.  So al asof mens jou aan ‘n vloermoer van ‘n stout kind steur.

Ja nee, die mens bly ‘n interessante wese.

Breinvasbrand:  Wat is die verskil tussen ‘n debiteur en ‘n krediteur?

Breinlosbrand:  Olga was reg met Electricity Supply Kommisie.  EVKOM (Afr naam) en ESCOM (Eng naam) in in 1986 gebaster om ESKOM te word.


Aksies

Information

13 responses

26 01 2015
Olga

Eerste!

Die debieteur skuld jou en jy skuld die kredieteur.

26 01 2015
Olga

Anderdag weer ‘n oproep gekry. “Olga Oksel?” Die uwe antwoord toe “Ja.” Want ek is mos sy. Toe stel sy haarself voor en vra “Is jy geswartlys?” Eers wou ek natuurlik antwoord dat dit privaat is. Maar toe het ek haar egter gesê “Ek bly eerder in ‘n vuil huis as met ‘n vuil naam, baie dankie.”

Soos jy sê, koop is lekker, maar dan moet mens betaal. Op tyd en die bedrag soos ooreengekom.

27 01 2015
Xena Phoenix

Ek het ook al so ‘n oproep gekry. Wel, van ‘n Debt Councillor. Ek het dadelik geëis waar ek nie my verpligting nagekom het nie. Sy kon my nie antwoord of vertel hoekom sy my juis gebel het nie. Gelukkig het so ‘n terapeut my nie weer gebel nie.

26 01 2015
spokiesnyspoor

Die bruinkoevertjies is nog ok, maar daardie witkoevertjies wat ‘n foto inhou van jou motor wat oor ‘n spoedgrens gery het. Me dont like those ones!!!

27 01 2015
Xena Phoenix

Duiwelspos! Maak my sommer naar.

26 01 2015
rondomtaliedraai

Mmmmm kry maar min van daardie Alles gebeur elektronies

27 01 2015
Xena Phoenix

En dit het eposse vir altyd bederf. 😉

27 01 2015
rondomtaliedraai

🙂

27 01 2015
Olga

Deesdae epos hulle en stuur dit ook per landpos. So behalwe vir ons eie, kry ons nog die kinders sn ook.

27 01 2015
Xena Phoenix

Gooi dit weg, Olga. Dit is mos nie jou venster nie.

27 01 2015
carolredelinghuys@Losbek

‘n Brief met ‘n huilmannetjie wat op sy kniee staan, sal my baie verlee laat

28 01 2015
Xena Phoenix

Carol, daardie huilmannetjies is mos dokters se mascot. Jy wag nog vir die mediese fonds om te betaal en dan kry jy al ‘n huilmannetjie. Bel jy hulle terwyl jy nog in die wag limbo is, vertel hulle vir jou om nie bekommerd te wees nie. Hoekom pos hulle dan vir jou die blerrie ding? Let wel – nie ‘n staat nie maar iemand wat al huil vir betaling?

28 01 2015
carolredelinghuys@Losbek

Ek hoor jou hard en duidelik. Ek kan my net so vies as ek die goed in die pos kry!!!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: