Right to party

Ek dink na ‘n paar jaar in Blogland weet almal seker noual hoe ek voel oor Halloween.  Ek sal julle dus vandag dit spaar – behalwe vir ‘n kort weergawe vir die wat dit gemis het.  Ek voel ‘n veer oor Halloween, mits dit in Amerika gevier word.  Ek verpes Halloween as dit in Suid-Afrika gevier word, juis omdat dit ‘n Amerikaanse gebruik is.

Maar kom ons beweeg aan.  Siende dat WP vir Sandy blameer word (met hulle laaste Curriebeker, het 9/11 gebeur.  Die keer het hulle glo vir Sandy losgelaat en ironies genoeg is hulle die Stormers in die Super 14), kan ek seker maar netsowel in Amerika bly.  Wie wil in elk geval oor die sensus praat?  Daar is vele wat voel dat dit ‘n klug is en dat dit ‘n goeie voorstelling van die pad na vernietiging waarna Suid-Afrika oppad is.  Sonder die hulp van ‘n kategorie 1 orkaan of superstorm.

Dit is darem een baie groot voordeel van Suid-Afrika.  Ons het nie juis natuurrampe of ekstreme weerstoestande nie.  Ons het wel soms ‘n vloed, sukkel met tye met droogtes en daar is elke paar dekades ‘n vloekskoot, maar ons kan nie juis kla nie.  Buitendien maak armoede en ons politici Moeder Natuur ‘n bietjie beskermend oor ons.  Ons sal nie weet wat om te doen om vir ‘n aardbewing, tornado, tsunami of ‘n orkaan voor te berei nie.

So, wat doen ‘n mens wanneer jy hoor ‘n orkaan is oppad?  Ek het onlangs van ‘n Amerikaner gehoor dat dit ‘n goeie tyd vir ‘n groot partytjie is.  Dit klink bisar – hoe kan ‘n mens partytjie hou as die natuur besig is om verwoesting te saai?  Tog, wat anders is daar om te doen?

Mense gaan vir ‘n paar dae lank by die huis bly.  Daar is ook nie juis sprake om van die huis af te werk nie.  Die kanse is goed dat die krag vir ‘n paar uur (of dae) gaan afwees en dat van jou bevore goed bederf gaan word.  Hoekom dit nie gebruik om mense te vermaak wat in presies dieselfde posisie as jy sit nie?  Dit is nie asof iemand kan uitgaan of ander planne het nie?  Of jy braai jou voorraad op of jy gooi dit weg as jy ‘n paar dae sonder krag sit.  Die orkaan gaan haar gang gaan, al sit jy vreesbevange in ‘n hoekie.  As dit jou tyd is, het jy ten minste tot op die einde partytjie gehou.

Wat dink julle van ‘n Hurricane Party?  Is dit iets waaraan jy sal deelneem?  Dalk iets waarvoor jy gasheer sal speel?

Breinvasbrand:  Watter orkaan het in 2005 in Amerika chaos veroorsaak?

Breinlosbrand:  Maankind was reg met ‘n kolonie vir Melaatses.

Wat is ‘n slet?

Tyd beinvloed baie dinge oor tyd.  Insluitende natuurlik morele waardes en sedes.  ‘n Vrou kon byvoorbeeld nie ‘n 100 jaar terug haar pols in die openbaar wys nie.  Moue het natuurlik korter geword, some hoër en onderklere minder.  Goed wat ‘n 100 jaar terug heeltemal taboe was en wat jou selfs in die tronk kon kry, maak bloot nie meer vandag saak nie.

Dit laat my wonder.  Kan iemand in vandag se tyd en ruimte nog ‘n slet wees?  En wat is die definisie van ‘n slet?

Wat dink julle?

Maar dit is dan oorsee

Oorsee!  Dit is seker een van die eerste onwetenskaplike Aardrykskundige begrippe wat ‘n mens optel.  Nie dat dit so maklik  is om te definieer nie.  As ‘n begin is oorsee nie dieselfde as die buiteland nie.  Ek meen, Lesotho, Swaziland, Botswana en Mosambiek is streng gesproke oorland.  Dalk oor ‘n rivier, maar almal weet tog dit is nie ‘n see nie.

Fisies oorsee is ook nie Oorsee nie.  Ja, jy moet oorsee gaan om ‘n dag in Robbeneiland deur te bring.  Dit tel niks as jy nie ‘n paspoort nodig het nie.  Om een of ander rede tel die tropiese eilande naby Afrika ook nie juis nie.  Ek weet nie hoekom nie, ek het nie die reels gemaak nie.

Nee, Oorsee is vêr.  Dit is die bestemming van verre lande, lande waar jy ‘n paspoort en dalk ook ‘n visa nodig het.  Lande waarvoor jy streng gesproke ‘n eeu of wat terug maande lank ‘n skip moes trotseer het as jy jou spore daar wou gaan laat het.

Oorsee!  Menige mense se hunkering.  Weliswaar vandag nie meer ‘n onmoontlikheid wat dit selfs ‘n paar dekades terug was nie.  As jy op SARS se radar is, is Oorsee ‘n formaliteit.  Een waarvoor daar dalk fyn begroot moet word, maar dit is haalbaar.  Nogtans is dit nie elke Jan Rap en sy maat wat Oorsee gaan nie.

Dit is nogtans Oorsee, ‘n begrip wat van kleinsaf vele betower.  Die belofde van verkenning, avontuur en dalk ook in ‘n mate voldoening?  Iets groots.  Iets anders.  Iets . . . wel, OORSEE.

Tog, is Oorsee nie Oorsee nie.  Dit was my grootste teleurstelling toe ek ‘n paar jaar gelede Oorsee getref het.  Mens moet tog seker Oorsee voel.  Ja, daar is opgewondenheid, daar is die lus vir avontuur, daar is daardie gevoel van prestasie.  Alles goed wat ek in Suid-Afrika ook gevoel.  Wel, om eerlik te wees, ek het dit al gevoel voordat ek ‘n kaartjie gekoop het.

Ek stel dit nie baie goed nie, verskoon, ek het die EK van ‘n klip.  Die laaste ding wat ek verwag het toe ek van die vliegtuig afgeklim het, was om gewoon te voel.  Daar was nie ‘n Oorsee gevoel nie.  Dit was maar net ‘n ander plek.

Dalk is ek maar net blasé.

Was jy al oorsee?  Wat was jou grootste teleurstelling?  Het jy iets anders gevoel?  Was daar aan al jou verwagtinge voldoen?

Breinvasbrand:  Behalwe vir ‘n tronk en ‘n opleidingsentrum, waarvoor is Robbeneiland van 1846-1931 ook gebruik?

Breinlosbrand:  1939

Baie dankie vir Selene wat vir ‘n paar weke vir my ingestaan het toe my arms te kort was. 

Province!!!!

Ek moet erken dat rugby die jaar my so bietjie gemis het.  Ek het wel verneem dat dit Province teen die Haaie in die Curriebeker Finaal is.  Natuurlik was daar ‘n vlammetjie van hoop, maar ja.  Province het hoeveel keer bewys dat dit niks is om die finaal te bereik nie, maar helaas, dan kry hulle verhoogvrees.  Na ‘n dekade van hoop het ek al begin dink ek jinx die Strepies manne.  Lyk my die aanname was nie verkeerd nie.

Die jaar het ek besluit om ‘n stille ondersteuner te wees, ek sal immers altyd ‘n WP aanhanger wees.  Toevallig is daar tans soveel wat my aandag vereis, dat ek nooit by rugby uitgekom het nie.  Ek het nie eers geweet dit is vandag die finaal nie – wel, tot ‘n mede Province bittereinder my jubelend ingelig het dat die 11 jaar droogte verbreek is.  Die Curriebeker gaan huis toe – in die Kaap van Storms waar dit hoort.

Knap gedaan, Ouens.  Hoop julle raak verslaaf aan wen.

Aandete wat einding met ‘n bang!

Stel jou voor jy en jou gesin gaan uit vir ‘n lekker aandete… die volgende oomblik hoor jy, nee nog erger SIEN jy hoe twee mense net daar op een van die restaurant se tafels sex het!!

Die voorval het by Paddy Murphy’s restaurant in Baldwin Park in Orlando gebeur. Die voorval was buite op die restauruant se patio waar daar mense ook nog verby geloop het.

Nie een van die mense wou ‘n verklaring gee nie… so die twee is net gearresteer omdat hulle nie hulle rekening wou betaal het nie.

Die restaurant

Die tafel

 Ek sou opgestaan het, en weg gestap het… free meal! 😉

Olga was reg met Tibetan Mastiff – Die hond het vir sowat US$1.5 Miljoen verkoop.

Whiskey

‘n Suid Afrikaner het die duurste bottel whiskey nog gekoop in die land. Die persoon het R230 000.00 vir die bottel betaal. Dit werk uit na amper R8 000.00 per tot! So sal dit ‘n dubbel of enkel drankie vir jou wees, op ys of sommer saam Coke? 😉

Maar dis nog niks nie! In September 2011, het ‘n man die duurste bottel whiskey nog gekoop by ‘n lughawe in Singapore. Hy het  £125 000.00 vir die bottel Dalmore ’62 betaal! Bietjie meer as  £4 000.00 per tot!

 Dalmore 62

Ek kon nog nooit whiskey drink nie… en jammer maar almal proe vir my dieselfde (behalwe Jack – hy proe vir my bietjie anders)

As jy genoeg geld, en te min verstand gehad het om so ‘n bottel te koop (he he) Sal julle die whiskey drink? Of dit maar agter glas sit, en dit sien as ‘n belegging!?

Antwoord van gister: Pugs kom van China af

Vandag se vraag: Watse hond word gesien as die duurste hond? Hint: Hulle lyk soos ‘n ander tipe rooi Bessie 🙂

Moederlike tekortkoming… of kort sy ‘n wit jas sonder arms?

Seker bietjie vroeg of ‘n lee maag… maar ek moes die foto plaas!

Die vrou het gesukkel om haar kinders (nou 2 jaar en 9 jaar) te borsvoed. Sy het glo altyd daai gevoel gehad dat sy uitgemis het… en wel nou het sy daai gaaitjie toegemaak deur haar dogter se Pug te borsvoed!

Ek gaan net gou vars lug kry…

Vragie vir die dag: Waar kom Pugs vandaan? Watse land.

Ek gaan ‘n presidoodle word

Hallo Maatjies 😀

Ekke was lanklaas hier, maar ek het baie lank op ‘n vliegboot gevlieg.  😯  Nou is ek in ‘n plek waar alles in papiere kom en die ooms aan die verkeerde kant van die pad seil.  🙄

Ekke was by ‘n mummie en daar was ‘n lang lys van ooms wat gedink het hulle is Koning Rosedoring.  🙂  Ekke het op die TV gesien dat twee ooms daarvoor baklei om Presidoodle te word.  😈  Myse Ouma Heldina seg altyd dat as twee katte oor ‘n kerneelsie baklei, gaan die derde kat die Kerneelsie opeet.  🙂  Ek dink ek gaan die volgende Presidoodle word.  😆  Sien julle hoe mooi gaan ek in daardie ry word.

😯  Merriegriet het gesê ek sal nie slegter kan werk as die ander ooms nie.  En sy sê nooit iets goed oor my nie.  👿  Maar toe ek vir ‘n tannie wou vertel om vir my te stem, toe gooi Merriegriet my in ‘n sak en sê sy gaan my vir tannie Ougat Fedex.  😡  As ek in my nuwe huis gaan bly, gaan sy nie vir my kom kuier nie.

Tata Maatjies

1 Week as ‘n vlieg

Jy kan vir een week ‘n vlieg op iemand se muur wees. Wie sal jy kies en hoekom?

Ek kies die Jolie-Pits. Hoekom? Wel met ses kinders wil ek graag sien wat in daai huis houding aangaan! Hoe laat word hulle wakker… eet hulle saam ontbyt? Wanneer is aandete? Is daar orde in die huis! Waar slaap almal… is hulle netjies!? Kom hulle oor die weg… want oor die algemeen sukkel boeties en sussies met mekaar, en as jy van verskillende dele van die wêreld af kom met baie geld en roem agter jou… laat dit mens wonder hoe hulle as kinders is.

Hierdie was glo ‘n huis wat die groot gesin gehuur het… ek sal LOVE om net deur die mansion te stap, wat nog van daar te bly!

PS: Dit kan enige tyd wees… so as jy wil weet wat in Paul Kruger se huis gebeur het donkie jare terug, mag jy! Want die genie het vir jou die wens gegee vir ‘n week! 🙂 Vra sommer asb vir die oud Pres waar sy Kruger rande weg kruip? 😉

Pad Veiligheid

In my Jetsetter Tweeling se afwesigheid gaan ek ‘n kort post doen.

Na die berig in die Beeld, waar ‘n 8 jarige skoolseun raak gery was het ek begin wonder of vandag se kinders nog steeds padreëls geleer word op skool?  Op skool het ons het elkeen ‘n wielietjie gekry, en so was jy die bestuurder van ‘n voertuig die een dag, en die volgende dag was jy weer die voetganger. Ek dink dit was in Std 1. (vandag graad 3)

By die huis was ons nooit alleen in die strate toegelaat nie. Wanneer ons oor ‘n stopstraat / verkeerlig geloop het was ons hande altyd vasgehou… gelyk soos eendtjies in ‘n ry. Ons moes altyd uitkyk vir motors. Ons was geleer dat jy nie agter ‘n motor verby loop nie want jy is so kort niemand sal jou da sien as hulle uit ‘n parkeering ry nie. Loop altyd op die sypadtjie, en oor zebra strepe. (in die goeie dae toe mense nog daar gestop het dat jy kan oorloop)

Die Ma van die 8 jarige seun kon nie genoeg kla oor hoe gevaarlik die kruising is nie. Sy blameer die skool, die staat, die Metro… almal en als! Maar waar was sy toe haar seun raakgery was? 3 Sekondes weg! Sy het aan die ander kant van die gevaarlike kruising vir hom gewag! Die seun het net ewe skielik weg getrek en met een helse spoed oor die pad gehol sonder om links of regs te kyk!  Ja die bestuurder van die motor kon seker stadiger gery het, of beter gekyk het – sy is tog by ‘n skool. Vandag se bestuurders voel ook soms ‘n veer, jaag oral en maak al wat ‘n stop straat is ‘n komma!

Dit bring my by my vraag. Hoe kan dinge verbeter word? Gaan nog padtekens help? Hobbels by stopstrate sit? Mense beboed wat by skole jaag. Spesiale klasse oprig om kinders (en selfs ouer mense) behoorlik te leer hoe om die pad te gebruik? Dit gaan bietjie moeilik wees, veral as die taxi’s ry net waar hulle wil!

Wie weet wat die teken beteken? (Dis nie ‘n Suid Afrikaanse teken nie) Hint: Die teken kom in Kanada voor.