Boeties Tyd

Hallo Maatjies!!!

  Oe!!  Ons gaan more weer boeties toe.  😀  Ekke kan nie wag nie!  🙂 Ek het my neus geskuur en tong geverf.  More gaan ek vir almal wegvlieg en sommer ‘n beker kry. 

Weet julle nie wat Boeties is nie?  😯  Daarso is ‘n stopsel in julle opfoeter.  😈  Met Boeties trek ons ons mooiste skoentjies aan en gaan kruip daarmee.  😉  4000 m ver, kan julle glo.  😀  Ons wys daarmee dat ons weet dat daar maatjies en tannies is wat seergemaak word.

Merriegriet kroek altyd.  👿  Sy trek haar skoene uit en loop kaal hande tot die einde.  😡  Dan sê sy mos dat sy dit mos dra, al is dit in haar hande.  🙄  Tannie Ougat het dit ook al gedoen, maar sy het glad nie gekroek nie.  En Tannie Verslons en tannie Ousie en Tannie Juffrou en Tannie Eendjie en Tannie Lepel.  😡  Maar Merriegriet wou nie weer al die maatjies vertel om te kom nie.  Sy is te lui!

Tata Maatjies.

Lunch Week 45 / 11

Liedjiepret

(Geen een woord titels sal aanvaar word nie. Die vertaalde titels van 3 liedjies is verskuil. Identifiseer dit met die sanger.)

Die mis het opgeklaar, ek kan nou duidelik sien dat dit ‘n klip en nie die leeu wat vannag slaap nie.  Die mis is bedrieglik.  Dit is hoekom mens in die winter moet kom, in die somertyd sukkel jy jou as af.

Liriekeraai

(Liedjie en sanger)

1. there’s a country fair not far from there – heydiheydihoh
   on a carousel the dingdong bell – heydiheydihoh
   on the loop di loop we swing and swoop – heydiheydihoh
   and what else we’ll do is up to you – heydiheydihoh
2. love is gainig on you
   you’re just about to fall.
   If you’re afraid to love
   afraid to take a chance
3. Every girl wants you to be her man
   But I’ll wait my dear ‘til it’s my turn
   I’m not the kind of girl who gives up just like that
   Oh, no
4. No more spanners in the works,
   All the works been done
   Had your face rubbed in the dirt
   On show for every one
   But believe me
5. So I wrote to the paper
   Took out a personal ad
   And though I’m nobody’s poet
   I thought it wasn’t half bad

Soms is daar ‘n tyd om net bly te wees

Jakaranda het op die oomblik ‘n kompetisie waar kinders aan Kersvader kan skryf en die radiostasie dan namens die ou oom onderneem om aan van die wilde versoeke te voldoen.  As ek eerlik wil wees, irriteer die kompetisie my nogal.  Veral omdat dit “Dear Santa” genoem word.  Is dit nou regtig nodig om die verbrande Amerikaners ook hier in te sleep?  Ek is redelik seker dat niks van die geskenke deur Amerika geborg word nie.  Dit daar gelaat, ek hou nie van die uitsig agter die deur nie.

Die kinders se briefies word op die website geplaas en mense kan dan natuurlik kommentaar daaroor lewer.  Natuurlik wil die mens orals waar dinge verniet uitgedeel word, meer as hulle regmatige deel gaan opeis.  Ook maar mens, ook maar vraatsig.  Toegegee, mens kan seker maar met Kersvader vraatsig wees.  Ek bedoel eintlik kinders, want Kersvader bestaan mos nou nie regtig vir grootmense nie.  Wat ‘n pyn in my alie is, is die manipulasie wat party gebruik om hulle (veronderstelde kinders se) wense te bewaarheid.

Eers word die eis versoek gestel en dan word die versoek regverdig om te vertel hoe arm hulle is of hoe sleg dit gaan.  Ek weet ‘n iPad of ‘n Blackberry sit nie in almal se sakke nie, maar dit is ‘n kompetisie.  Nie ‘n liefdadigheidsprojek nie.  Die stasie doen onder andere 2 keer ‘n week die hele jaar lank liefdadigheid.  In die feesseisoen, is dit elke dag se storie.  Buitendien samel hulle in Desember 2 keer speelgoed by die massas aan.  Goed en wel; dit is nou nie ‘n iPad of Blackberry nie, maar dit is ‘n aansienlike poging dat elke kind se Kerskous iets binne sal hê.  Is dit dan onredelik dat hulle EEN kompetisie het waaruit normale of selfs ryk kinders ook voordeel kan trek?

Dit is nou nie dat daar teen die minder bevoorregte kinders gediskrimineer word nie.  Hulle kan hulle briefies skryf soos al die ander kinders en self hulle saak aan Kersvader regverdig.  Nie ma of pa wat die stelsel probeer manipuleer nie.  Dit is egter nie my ergste kramp nie.

Daar is die paar wat onbeskaamd probeer om almal se vreugde te steel.  Hulle is in trane en nou moet die hele wêreld skaam voel omdat hulle nie is nie.  In die verlede was dit mos “Huil en jy huil alleen.  Lag en die wêreld lag saam met jou.”  Deesdae is lag amper ‘n onvergeeflike sonde.

Daar is die paar wat almal se aandag op hulle wil vestig met hulle treurige stories.  Soos ek wil net vir Kersvader vra om my kinders se pa net vir eendag terug te bring.  Regtig, alle simpatie aan jou, maar moet jy dit opsluit daar verkondig?  Kry ‘n blog of stig ‘n FB page as jy opsluit ‘n gehoor nodig het.

Kersvader is die besit van kinders.  Gee hulle die ruimte om hulle wense in vrede te verkondig.  Ja, die wense is dalk selfsugtig en daar is erger probleme as Kersgeskenke, maar iewers kan kinders seker onbeskaamd hulle self wees.

As jy vir Kersvader kon skryf, waarvoor sou jy vra?  So selfsugtig of onselfsugtig as jy graag wil wees?

Breinvasbrand:  Wat word die 4 weke voor Kersfees genoem?

Breinlosbrand:  JWW was reg met Amerika.