Soos ou Vrinne

4 11 2011

Ek, as kind van die 80’s, het myself altyd as bevoorrreg gesien oor die kinderprogramme wat ons bevoorreg was om te sien.  Ek weet ek was al nostalgies daaroor, maar die kwaliteit van die storie (plot as jy wil) word vandag nog moeilik nagedoen.  Veral waar dit programme van die kleinere mense aangaan.  In my dae kon jy nie waag om ‘n episode te mis nie, jy sou gemis het.  Vandag is elke storie mos net hoe lief jy die wêreld moet hê.

In my agterkop het ek wel geweet dat die stories wat aan ons opgedis word van Japan af kom.  (Dit is nou behalwe die wat handpoppe was, dit was Suid-Afrikaans).  Die programme staan bekend as Anime, ‘n verjapanesing van Animasie.  Van hulle kom van 1917 af, maar hulle kenmerkende styl (seker dat al die ooms soos Heidi se oupa lyk en almal ‘n St Bernard hond soos Josef het), kom van die 60’s af.  Dit het die wêreld in die 80’s getref, net betyds vir die uwe.

Wat ek nie geweet het nie, is dat baie van my gunstelinge inderwaarheid kinderboeke was.  Volkskatte van omtrent ‘n eeu voordat ek my opwagting gemaak het.  Dit het dus dekades lank kinders vermaak – voordat iemand besluit het dat dit te traumaties, intelligent of “vervelig” vir die jongspan was.  Stories soos Oliver Twist en Tom Swayer, was altyd meer as ‘n boek bekend as die karaktertjies wat hulle lewendig gemaak het.  Maar dieselfde sou dalk gebeur het as die ander die aarde oorspronklik in Engels getref het.  Ek sal maar die vertalings moet gaan soek of leer om hulle in die oorspronklike vorm te waardeer.

Heidi is die bekendste en dit is seker ook nie ‘n geheim dat Johanna Spyri haar die lig laat sien het nie.  Kan julle glo dat die juffrou wat seker vir altyd in die berge gaan rondhardloop al in 1880 haar verskyning gemaak het?  Daar was twee opvolge van Heidi, maar nie een van die twee was deur Spyri geskryf nie.  Seker die dat hulle nooit regtig impak gehad het nie.

Ek kan nie onthou dat ek al ooit Pippie Langkous op televisie gesien het nie, maar sy was wel daar gewees.  As ‘n lang meisie met self twee vlegsels, was ek dikwels met Pippie vergelyk en was ons haar dikwels voorgelees.  Pippie is gebore nadat Astrid Lindgren vir haar dogter ‘n storie moes vertel het toe die siek was.  Pippie is seker een van die kleurvolste karakters.  Die 8 jarige het dalk nou nie juis maniere om oor huistoe te skryf nie, maar sy is die sterkste meisie op aarde.  Met ‘n seerower vir ‘n pa en ‘n kas vol geld, kon sy in elk geval maak soos sy wil.  Soos om haar perd rond te dra.  Pippie kom al van 1945.

Tot hier was daar geen verrassings nie.  Een van die eerste stories wat ek kan onthou was Maya Die By.  Ek dink destyds kon ek nie eers praat nie.  Maya was al in 1912 uitgegee in Duitsland as Die Biene Maja.  Dit is deur Waldamar Bonsels gekryf gewees en draai van Maja se ontwikkeling tot sy eendag ‘n verantwoordelike grootby is.

Nog ‘n ou bekende is Pinnochio.  Die houtpop wat so graag ‘n regte seuntjie wil word.  Danksy anime sal Pinnochio se getroue volgeling altyd Gina, ‘n kuiken eend, wees.  Al was dit eintlik’n kriek genaamd Jimmy.  Pinnochio was in 1883 deur Carlo Collodi geskep.  Pinnochio was dus ‘n Italiaanse seuntjie.  Die weergawe wat ons op televisie gesien het, was al in 1972 gemaak.

Onthou julle Remi, die swerwers kind?  Sy pa het hom as baba opgetel en eers aan sy ma gegee, maar toe tye begin druk het, is Remi deur die pa verkoop aan ‘n straatmusikant.  Saam reis hulle deur Frankryk en maak Remi verskeie vriende, onder andere Mev Milligan en haar seuntjie Arthur wat op ‘n boot bly.  Remi het nie ‘n maklike lewe gehad nie, die straatmusikant sterf later en Remi moet na homself omsien.  Daar is dikwels mense wat die seun se vertroue misbruik.  Op die einde kom dit uit dat hy Mev Milligan se verlore seun is.  Remi is ‘n karakter in die boek Sans Famille van Hector Malot.  Sans Famille vertaal na Sonder Familie en het in 1878 verskyn.

Soos ek die storie verstaan, het Nils Holgerson destyds mans in die kroeg vermaak.  Dit was voor die dae van Supersport, maar vermaaklik bly vermaaklik.  Onthou die seun wat terwyl hy stukke uit die Bybel moet leer (14 bladsye) ‘n dwerg word en saam met die wilde ganse gaan toer deur elke provinsie in Swede?  Nils was die skepping van Selma Lagerlöf en het in 1906 sy verskyning gemaak as Nils Holgerssons underbara resa genom Sverige.  Sy wonderlike avonture was aanvanklik as twee boeke uitgegee, maar is gou genoeg een gemaak.

Selfs Moomin wat in die 90’s groot was, kom saam met die berge.  Die wit trolle van Finland is deur Tove Janssen geskep en in 1945 het die eerste boek verskyn.

Tot my groot teleurstelling kon ek niks van Niklaas kry nie.  Die arm seun wat by sy oupa groot word.  Sy beste maatjie is die meulenaar se dogter, maar die meulenaar het nie juis ooghare vir Niklaas nie.  Niklaas, onder die aanmoediging van sy oupa, teken graag, maar die meulenaar beskou dit as n mors van tyd en reken Niklaas behoort eerder te werk.  Niklaas raak wel later ‘n bekende skilder, maar wie Niklaas geskep het, weet ek helaas nie.

Breinvasbrand:  Wat was Heidi se ouers se name?

Breinlosbrand:  Demoerin was reg met 7 Oktober 1900.


Aksies

Information

9 responses

4 11 2011
Gerda. J

eerste. miskien het niklaas n ander naam gehad. dit was alles stories wat die kinders voor die tv gevange gehou het.

4 11 2011
Selene Phoenix

Tobias and Adelheid

Aawww bring jy nou mooi “memories” terug!! Ek was mal oor Pinnochio, Nils, Moominm, Dawie die Kabouter en Heidi!! My Oupa het dit altyd vir ons op ‘n video getape.

AL is vandag baie bevoorreg, my Ma het Pinnochio, Nils en Dawie die Kabouter vir haar op DVD’s gekry – sy is MAL oor Pinnochio! Noem al die karakters vir jou en sing lekker saam! Sy hou ook van Goompie (spelling?)

Vandag se prentjies is ‘n lot tjol! Daars so paar oulikes op Kyknet, maar nie een van hulle hou AL so geintreseerd (joh my spelling!) soos Pinnochio nie!

4 11 2011
Olga

ai, jai, jai. Ek gaan soos WK word. Wp mur my txte 1 na die ander weg. Ek het baie van die programme saam met die kinders gekyk. Vandag se snert kan hul maar hou.

4 11 2011
Gogga

Flippen hel XP, het jy ‘n spy-cam in my kop.
Een van die grrot praat goed by die biersaal tussen die Duitser en ons lass week was Nils en Hiedi gewees.
Ek moes ‘n prentjie van Moomin opsoek wnat hulle het nie van hom geweet nie maar al die ander was genoem.
En toe gister toe praat ek en my boetie oor al die ou tv programme nadat ek hom vertel het ek kyk Hiedi in afrikaans sodat die baba dit kan hoor. HY het my vertel hy kan dalk vir my Dawie die kabouter en Nils kry op dvd, en dan kom jy en doen so post.
Scary

4 11 2011
Selene Phoenix

Gogga – Ek dink my Ma het die dvd’s op Kalahari.net gekry.

4 11 2011
toortsie

Ek het die stories “herbeleef” veral saam met my seuns. Ons het NIKS gemis nie, elke middag vanaf 3 nm. Later was daar net te veel programme om na te kyk en ek dink my laatlam het nie so ‘n groot voorreg gehad nie. Heidi, Pinoccio, ens was volledig opgeneem en oor en oor en oor en oor gekyk. En wat van die 3 makatiers?

4 11 2011
Gogga

Ek het nou net op Kalahari vir Nils en Dawie gekry. Ek dink ek gaan die naweek vir Dawie bestel and dan later vir Nils (of skimp by my ma dat sy dit vir my sal kry.

5 11 2011
Xena Phoenix

Dawie Kabouter was oorspronklik David el Gnomo. Lyk met dit was David de Kabouter in Hollands. Dit kom uit ‘n reeks boeke van “The secret book of Gnomes” wat deur Wil Huygen geskryf is.

5 11 2011
Xena Phoenix

Ek het dit! Ek het dit! Ek is gebore met dit!

Niklaas se Engelse titel was Dog of Flanders wat in 1975 gemaak is. Die storie kom van ‘n boek wat in 1872 deur Marie Louise de la Ramée geskryf is. Niklaas se regte naam was Nello en sy hond Patrasche.

Ek kan regtig nie onthou hoe die storie eindig nie. Ek het dit moontlik aspris vergeet omdat die einde my nie aanstaan nie. Niklaas en sy hond verkluim in die koue. As dit die einde van 52 episodes was . . .

http://en.wikipedia.org/wiki/A_Dog_of_Flanders

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: