Hoe kommin is ek regtig

30 06 2011

Demoerin wil weet hoe platvloers en middelklas is ek nou eintlik.  Wel, soos Sterretjie sou sê, ek is is kommin soos ‘n bokdrol.  Ek moet dalk erken dat ek besonderse lae punte op die kommin toets kry, maar hulle vra dalk net die verkeerde vrae.

  • Ek is geneig om te hard te praat.  Te vinnig ook, maar ek het al in ‘n groot mate geleer om dit te beheer – as ek moet.
  • My ma vertel my elke keer wanneer sy my sien dat ek baie lelik lag.
  • Ek dra net grimering as ek absoluut moet.  Accessorise klink vir my soos ‘n woord wat ek vir ‘n speltoets moet leer.  Ek dra elke dag dieselfde horlosie, juwele en handsak.  Ek sal miskien vir ‘n formele geleentheid ‘n poging aanwend.
  • Ek dra soms ompaar sokkies.  Dit is nie my skuld as die wasmasjien hulle maatjies geëet het nie.
  • Ek lees alles waarop ek my hande kan lê.  Dit sluit die Huisgenoot en Romantiese Fiksie in.
  • Ek hou van ABBA en as dit my kommin maak, dan is ek met trots kommin.  Ek hou oor die algemeen van klassieke musiek, julle weet, die klassieke treffers van die 60’s, 70’s, 80’s en 90’s.  Roll over Beethoven.
  • Ek het al in my nagklere ‘n tog van 400 km aangepak en uitgeklim vir koffie langs die pad.  Ek sal maklik met my pantoffels winkel toe gaan, maar snaaks genoeg nie sommer kaalvoet nie.  Dalk eenkeer in twee jaar.
  • Ek drink uit ‘n bottel.  Wat is tog die nut daarvan om ‘n glas vuil te maak?  Dit proe in elk geval lekkerder uit ‘n bottel.
  • Ek het ‘n Britney Spears CD en ek hou daarvan.
  • Ek drink nie maklik skoon Coke nie.  Ek verdun dit verkieslik met melk, maar Spice Gold kan ook werk.
  • As jy by my huis koffie kry, gaan jy dit in ‘n beker kry met die melk en suiker klaar by gevoeg.
Ek kan nie nou nog van my platvloersheid onthou nie.  Sal dit maar aan julle oorlaat om dit self te ontdek.
Oops, amper tag ek nie verder nie.  Kom ons kyk:  Ek tag vir Olga; Gogga (as sy nog skop) en Murphy.

Aksies

Information

13 responses

30 06 2011
Olga

hang jou bene dan oop wanneer jy lag?

1 07 2011
demoerin

Bwahahahahaha – o wee, laat ek net gou die trane afvee.

30 06 2011
Dellie

Ek’s met jou met die drink uit ‘n bottel! 😉

30 06 2011
Gogga

Ok reg, siende dat ek nog skop (net net) sal ek ook ietsie gaan skryf. Want o flip ek is erg kommin

30 06 2011
Ek is nie kommin nie ek is plat op die aarde « GOGGABYT

[…] Herriemerrie het my getag vir speletjies en waarhede. […]

30 06 2011
Xena Phoenix

Ek het een vergeet! Ek eet uit mense wat ek baie goed ken se borde uit. Ander mense bestel altyd lekkerder kos!er kos!

30 06 2011
1 07 2011
J W W

Ek reken as jy na Robbie Wessels se musiek luister, dan is jy “commin personified” .

Ek drink graag uit ‘n bottel, dis nou ‘n bier bottel, coke bottel, enigiets wat in glas bottel is.

1 07 2011
demoerin

Ek stem saam oor daai bottel ding – ek haat skottelgoed was.

1 07 2011
Selene Phoenix

Ha ha ha!!

Ek eet my take aways so uit die boks uit, en as ek kan sonder ‘n mes en vurk!
In my geval dra ek nou weer te veel make-up en lyk soos ‘n spook!
Ek het na ‘n “Die Antwoord” liedtjie geluister, gedownload en ken nou die woorde! Joh!!

Coke en melk? Sal dit nou nie probeer nie, raak eintlik so bietjie naar om daaraan te dink! 😯

1 07 2011
madele

Ek is so kommin om my blog aanmekaar toe te maak! terwyl hy nou toe is, sal ek gou hier vertel., Ek sit lipstiek aan in die sopenbaar. Praat heeldag kliphard met myself, by die huis maar ook tussen mense. As ek nie praat nie, loop ek en kliphard sing. Raak goed simpel op ‘n partytjie, selfs sonder alkohol. sal sonder make-up dorp toe gaan en maklik in ‘n ou t-hemp. O ja, die komminste van kommin is my olifant t-hemp wat ek in die wildtuin gekoop het. maar ek dra dit nie baie nie.

1 07 2011
So gemaak en so gelaat staan | Klip in die bos

[…] wil die bene juis nie aan die gang kom nie. Een ding is verseker, ek het baie van die kenmerke wat julle opgenoem het, ook in my arsenaal van […]

1 07 2011
Mens moet eintlik common wees | alleman

[…] by alleman| Lewer kommentaar Ek het lekker gelees aan Sonkind, PJ, Dellie, Demoerin, Murphy en Xena se draakstekery met snobwaardes, en toe in dieselfde week het  Dana Snyman op ‘n heel ander […]

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: