Kos Mors

8 05 2011

As daar nou een ding is wat ek nie kan verdra nie, is dit om kos te mors.  Na my mening is dit een van die sondes wat per abuis uit die 10 gebooie gelaat is.  Dit stuit my teen die bors om enige iets wat eetbaar is te vermors. 

Noudie dag sien ek die winskoop in ‘n restaurant.  ‘n 500 g Kruisskyf en skyfies vir net R50.   Winskope soos dit kom nie sonder terme en voorwaardes nie.  In die geval kon dit aanbieding nie gedeel word nie en geen brakkiesakkies was toe gelaat nie.  Dit is dus ‘n halwe kilogram vleis vir net een mens.  Selfs al word die been in berekening gebring, is dit ‘n homp vleis.  Die aanbevole porsie per persoon is 85 g.  Gestel nou die aanbieding het net 350 g eetbare vleis, is dit genoeg vir 4 mense.  Of vir 2 vrate.  Punt is dat daar bittermin mense is wat reg sal laat geskiet aan die porsie. 

Die restaurant was egter volgepak en die kruisskywe het gehardloop.   Dit is net logies, hoekom aansienlik meer vir ‘n 200 g stuk vleis betaal as jy ‘n baie groter stuk vir heelwat minder kry?  Tog kan ek nie help om te wonder nie?  Wat word van alles wat die mense nie kon baasraak nie?  Dit is ‘n restaurant en hopelik hergebruik hulle nie die vleis in ander disse nie?  Maar wat word daarvan?  Kan daar iets anders gebeur as dat dit in dis asblik land?

Hoeveel vleis word in die loop van so ‘n aand weggegooi?  As dit nog aan die DBV of vir varkkos geskenk word, kan ek dit nog aanvaar.  Diere moet ook eet.  In die asblik gaan die maaiers feesvier, tensy die karwag of ‘n boemelaar dit eerste kan bereik.  Dit is dalk wat die storie so hartseer maak.  Voer iets aan iemand en hulle kry voedselvergiftiging, gaan jy hulle die res van hulle lewe onderhou (soos ‘n 5 ster restaurant in die Kaap kan getuig).  Grawe hulle dit uit die asblik uit, is dit op eie risiko.  Honger genees immers enige fiemies.

Hoeveel kos word so in ‘n restaurant vermors? As jy ‘n porsie groente bestel, kry jy gewoonlik ‘n ruim porsie.  Wat word van die groente wat uit jou ore uit loop?  Weereens – as jy daaraan gepeusel het, kan dit nie weer opgedien word nie. 

Ek sal beslis nie daarvan hou om kos te kry wat op ‘n vreemdeling se bord was nie.  Ek wonder tog om kliente nie toegelaat kan word om hulle eie groente of slaai op te skep soos per hulle behoefte nie.  Wat dan aan die einde oorbly kan dalk onder die personeel verdeel word.  As dit in hoeveelhede net genoeg vir ‘n paar uur gemaak word, behoort daar nie probleme te wees nie.

Vir ‘n restaurant wat nie brakkiesakkies toelaat nie, weet ek regtig nie of ek my geld daar wil toelaat nie.  Om onbeskaamd kos weg te gooi is om in die gesig van die wêreld se hongeriges te lag.  Onvergeeflik in my oë. 

Hoe voel julle hieroor?

Breinvasbrand:  Van watter land is Operasie Honger?

Breinlosbrand:  Olga was reg met 2005





Oplossing Week 17

8 05 2011

Algemene Kennis

  1. Haymarket Slagting (Demoerin)
  2. Westminster (Demoerin)
  3. Stefani Joanne Angelina Germanotta  (Demoerin)
  4. Pakistan  (Demoerin)
  5. Schalk Burger (Demoerin)

Uilspieël

  1. Telefoonprop – nie ‘n komponent van selfone nie (Olga)
  2. Stig Anderson – nie deel van Roxette nie (Olga)
  3. We will rock you – nie ‘n musical van Andrew Lloyd Webber nie (Olga)
  4. Lug – niks te doen met watersport nie (Olga)
  5. Tulpe – is nie struike nie (Olga)

Couples Theraphy

  • oog – oogskadu (Olga)
  • lippe – lipstiffie (Olga)
  • wimpers – maskara (Olga)
  • gesig – onderlaag (Olga)
  • wange – blosser (Olga)

Grimering en waar dit aangewend word. (Olga)

Liedjiepret

  1. You’ll always find me in the kitchen at parties – Jona Lewie (Olga)
  2. Tiny bubbles – Connie Francis (Olga)
  3. twist and shout – Beatles (Olga)

Liriekeraai

  1.  Let it be – Beatles
  2. Dressed for success – Roxette (Olga)
  3. The rose – Bette Midler (Olga)
  4. Saitsfaction – Rolling Stones (Olga)
  5. Karma chameleon – Culture club (Olga)