Moderne Kaarte

6 05 2011

Modern klink altyd so maklik.  Jy druk net jou bestemming in, die naam van die gebou is meestal al wat nodig is.  Om veilig te wees, maak ‘n mens net seker dat die gebou se adres met jou inligting ooreenstem.  Kliek op rit aanwysings en jy is oppad.  Dit is ideaal vir iemand soos die uwe wat nie ‘n goeie verhouding met ‘n GPS het nie.  Die uwe moet soms in ander provinsies en lande gaan skoor soek en het soms ‘n bietjie ekstra hulp nodig.

Siende dat die uwe nogal oulik is, het ek voor my laaste reis Google Maps geraadpleeg met elke rit wat ek op die reis sal moet onderneem.  Ek is nie lus om te sukkel nie.  Ek het Google Maps ook gebruik om gangbare verblyf naby my bestemming te kry.  5 km, selfs in ‘n vreemde plek is nie te ver nie.

Tot die vriendelik, tog nuuskierige gasheer by my wou weet waar my besigheid is.  Ek vertel hom en hy verseker my dat dit in die heel ander kant van die stad is.  Die nuus skok my liggies en hy verseker my dat dit ‘n hele 45 min weg is.  My aanwysings danksy Google sê dan net 11 minute.  Ek kry gaan kla toe by Google Maps op my selfoon, wat skielik alles beaam wat die oom sê.

So skiet ek daar reg met my selfoon wat die pad vir my uitlê.  Alles gaan goed tot ek die volgende oomblik in die boendoes is waar almal ‘n spul bokke het.  Ek kan regtig nie dink dat my bestemming in die omgewing moet wees nie.  Terug tot waar ek nog in beheer voel en ek sit die Straat sig aan.  Dit skree bloumoord, ek is op die regte pad.  Later het ek omtrent die hele lokasie plat gery, maar helaas.  Geen bestemming nie.  Terug beskawing toe en ek bel toe maar vir aanwysings.

“Nee!  Nee!  Nee!” verseker die dame my.  Jy is in die heel verkeerde plek.  Blykbaar ‘n ou laai van GPS en Google Maps.  Sy teken gou prentjies en gou klop ek aan die deur.  Met vaste voorneme om nooit ooit weer op ‘n moderne kaart staat te maak nie.  Ek maak ook seker van die pad omdat ek nie vir die res van die week my boendoe bashing skills wil beproef nie.

Op my heel laaste dag terwyl ek oppad, kyk ek toe weer na my heeleerste aanwysings.  En raai wat?

Dit was die presiese pad wat ek moes ry.  Nou praat ek nie weer ‘n woord nie.

Breinvasbrand:  Watter jaar is Google Maps geloots?

Breinlosbrand:  Olga was eerste reg met Human Chorionic Gonadotrope.


Aksies

Information

3 responses

6 05 2011
Olga

Wat?

6 05 2011
Olga

eerste!!!!
Junie 2005?

6 05 2011
Olga

Blykbaar moet mens elke paar jaar die kaarte update. Dit kos nogal ‘n aardige bedraggie. Jy was dalk in die plakkerskamp met dieselfde naam as die plek waarheen jy moes gaan. Dalk het iemand die plakkerskamp gekaarteer.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s




%d bloggers like this: