Afvlerk Voëltjies

10 04 2011

Die wet van gemiddeldes.  Hoeveel ek ookal daardie term haat, val ek oor die algemeen in daardie groepie.  Met ‘n storie wat nie die moeite werd is om te deel nie en sonder enige hoegenaamde krisisse.  Ons lewe ons lewe, sonder om dit vir ander te moeilik te maak en sonder om te veel droog te maak.  Ons koppe hak gewoonlik met net genoeg verantwoordelikheid uit.  Ons is okay en een van ons grootste sonde is dat ons diep in ons glo almal is okay.

Ons drink byvoorbeeld graag per geleentheid ‘n glas wyn of biertjie.  Met tye is dit dalk ‘n bietjie te veel, maar ons maak nou nie noemenswaardige skandes nie.  Dit is egter geen rede om die plesiertjie uit die bottel te bedank nie.  Ons sal nie eers oor sondaarsbelasting kla nie, dit raak ons nie te erg nie.  Ons verwag almal geniet ‘n drankie op hulle tyd en sal sonder om twee keer te dink vir almal ‘n ietsie aanbied. 

Af en toe druk die lewe en dan is dit maklik om te vertel hoe ons van ‘n hoë gebou gaan afspring.  Sou ons egter in die rigting van die toring beweeg, gaan niemand ‘n wenkbrou lig nie.  Ons sal waarskynlik net die uitsig van bo waardeer en seker maak ons val nie per ongeluk af nie. 

Ons dreig graag dat ons so dik soos busse is, waarskynlik met ‘n dik sny sjokolade koek voor ons.  Een wat ons met lus ook gaan opeet.  Daarna gaan ons met die beste ondernemings op aarde huis toe om more finaal met ‘n streng dieet te begin.  More is die voornemings en die sjokolade koek al lankal vergete. 

Ons vlerke is sterk en ons verwag dat almal net so sorgloos moet rondvlieg soos ons.  Nie dat ons noodwendig onsensitief wil wees nie, baie afvlerk voëltjies versteek hulle pyn / probleme sorgvuldig.  Die vrou wat vir 13 jaar nie na drank mag kyk nie, nadat sy ‘n helse stryd teen alkoholisme gestry het.  Die man wat regtig met depressie stry en ernstig oorweeg om sy brein weg te plaas.  Die meisie wat haar vinger in haar keel gaan afdruk omdat sy glo dat sy onaansienlik vet is.  Ons weet daar is sulke mense, ons verwag net nie dat dit mense sal wees wat ons ken nie.

Aannames en ons weet wat veroorsaak aannames altyd.  Aan die eenkant behoort gemiddeles seker as ‘n funksionele voorbeeld te dien aan die wat graag by hulle wil aansluit.  Aan die anderkant moet ons dalk ons onverskillige woorde begin opweeg en onthou dat dit dalk vir iemand onverdiend  ‘n dolk in die hart gaan wees.  Gaan die prys vir sensitiwiteit nie dalk humor wees nie?  Of het ons dalk net ‘n verwronge idee wat humor is?

Breinvasbrand:  Wie het die term alkoholisme gemaak?

Breinlosbrand:  Olga was reg met Amos Masondo





Oplossing Week 14 / 11

10 04 2011

Baie dankie en baie welkom aan Pofmuis, Olga en JWW wat die week saam gespeel het.  Hoop dit gebeur meermale. 

Algemene Kennis

  1. Abel (Pofmuis)
  2. Albert / Bertie (Pofmuis)
  3. Amsterdam (Pofmuis)
  4. Jan van Riebeeck (Pofmuis)
  5. James Earl Ray (Pofmuis)

Uilspieël

  1. Klavier –  is nie n blaas instrument nie. (Pofmuis/Olga/Dudu)
  2. Maxtrone – is nie deel van n atoom nie. (Pofmuis/Olga/Dudu)
  3. Dennis – is nie ‘n karakter van Shakespear nie. (Pofmuis/Olga/Dudu)
  4. Genis – was nie n karakter in Vyfster nie. (Olga/Dudu)
  5. Swaard – Word nie gebruik om mee te skryf nie.  (Pofmuis/Olga/Dudu)

Toorwoorde

  1. Plek in ‘n kerkhof waar lyke of doodsbeendere uit opgeruimde grafte geberg word (Olga)
  2. distrik (Olga)
  3. op die punt staan om te trou (Olga)
  4. kavalier (Olga)
  5. flenters (Olga/Dudu)

 

Couples Theraphy

  • Op en Af (Pofmuis/JWW)
  • Regs en Links (Pofmuis/JWW)
  • Later en Nou (Pofmuis/JWW)
  • Bo en Onder (Pofmuis/JWW)
  • Agter enVoor (Pofmuis/JWW)

Teenoorgestelde terme (JWW)

Liedjiepret

  1. Silver Dream Machine – David Essex (Demoerin / Olga)
  2.  Walking on Sunshine – Katrina & The Waves (Demoerin / Olga)
  3. Spirit of the Great Heart – Johnny Clegg (Demoerin)
  4. For the first time – The Script (Demoerin / Olga)
  5. River of dreams – Billy Joel (Demoerin / Olga)
  6. I’m so excited – Pointer Sister (Demoerin / Olga)

Liriekeraai

  1. Little Bird – Annie Lennox (Pofmuis/Demoerin / Olga)
  2. Rolling in the deep – Adele (Pofmuis/Demoerin / Olga)
  3. On the road again – Willie Nelson (Pofmuis/Demoerin / Olga)
  4. I’ve never been to me – Charlene (Pofmuis/Demoerin / Olga)
  5. River deep Mountain high -Tina Turner/Celine Dion (Pofmuis/Demoerin / Olga)




Sondag

10 04 2011

Daar is tog iets aan ‘n Sondag, iets wat dit anders as ander dae maak.  Ek is nie seker of dit net die geval onder diegene is wat hulle self Christenne noem nie of net omdat dit die einde van die naweek is nie.  Baie mense voel ook swaarmoedig op ‘n Sondag, vandaar die term Sondagaande Blues.  Vir baie mense is dit ook verlangdae, sommer na mense wat hulle nie eers ken nie.  Sondag is dan ook tradisioneel ‘n rusdag, ‘n dag om die batterye te herlaai vir die week wat voorlê. 

Wat maak Sondag vir jou anders as ander dae?

Sondae is vir my ‘n dag wat sinoniem met kerk is.  Ek probeer dus as dit enigsins moontlik is, my bas in die kerk kry.  Ek het die keuse om op ‘n Saterdagaand, Sondagoggend of Sondagaand te gaan.  Saterdag is mos nie Sondag nie, dus gaan ek nooit op ‘n Saterdagaand kerk toe nie.  Sondag is ‘n rusdag en ‘n mens rus mos deur te slaap.  Sondagoggend dienste meng dus onvergeeflik met my slaap in.  Ek gaan wel op Sondagaand kerk toe en sorg altyd dat ek vir die tyd oop is. 

So ver as moontlik probeer ek nie op ‘n Sondag inkopies doen nie.  Ek sal eerder na werk tyd inruim of my Saterdag daarvoor gebruik.  Melk het soms ‘n manier om op ‘n Saterdagaand te AWOL, dus breek ek soms my reël om op ‘n Sondag winkel toe te gaan.  Net vir noodinkopies.  Ek gaan fliek nie op ‘n Sondag nie en ek sal ook nie sommer op ‘n Sondag drink nie. 

In teenstelling daarmee, as ‘n begeerte om kos te maak my om een of ander rede oorweldig, sal dit gewoonlik op ‘n Sondag gebeur.  Ek sal dan ook skottelgoed was en so ‘n bietjie probeer skoonmaak ook.  Ek sal gewoonlik die bestandele vooraf koop en sal dus nie winkel toe hoef te gaan nie.  Ek sal ook ‘n hele paar ure aan my blog spandeer of ‘n Sondag.  Ek het ook nie juis ‘n probleem daarmee om my miere op ‘n Sondag te bevredig nie. 

Skynheilig soos ek is, is die Sondag egter verby die oomblik wat ek by die kerk uitkom.  Ek gee dan baie gemakliker dan geld uit – soos met my weeklikse Beker & Boontjie uitstappie – en voel nie skuldig nie.  Ek sal egter nog steeds nie gaan fliek nie. 

My Sondag eindig gewoonlik deur vroeg te gaan slaap. 

Hoe spandeer jy gewoonlik jou Sondag?