Jare terug het ek die grap gehoor van Van der Merwe en die Amerikaner. Die Yank was aan die spog oor sy plaas en het Vên vermaak met die grote. As die Yank op die een punt van sy plaas in sy bakkie geklim en gery het, het hy twee dae nodig gehad om die ander punt van die plaas te bereik. Vên was nie juis beindruk nie. “Ja, Swaer! Ek het ook so ‘n bakkie gehad.”
Ek kon vandag nie help om daaraan te dink nie. Ek het besluit dat om die sonskyn te benut en Lucy weer vir ‘n slag te gaan skoon maak. Ek het haar persoonlik self gery na die naaste karwassery. Soos gewoonlik het ek gou by die ry ingeval en toe binne gaan betaal. Daar was heelwat mense wat voor my in die tou was, almal het seker dieselfde idee gehad.
Die mense in die Corolla voor my het my aandag getrek. Elke keer wat die ry vorentoe beweeg het, het die man uitgeklim en die kar vorentoe begin stoei. Die vrou het rustig gesit waar sy sit. Die wasser en die een man agter my het gou genoeg ingespring om te help. Elke keer wat die lyn vorentoe beweeg, moet die kar gestoot word. Later het die manne net ingespring, met die eienaars wat in die kar sit. Nadat dit gewas is, moes dit na die stofsuig punt toe gestoot word. Daarna moes dit eers aan die brand gestoot word voordat die mense kon waai.
Ek behoort seker nie daardeur geamuseer te wees nie. Ek kon net nie dink hoekom iemand ‘n kar wat hulle so in die skande sou steek sal wil gaan was nie. As die vuilheid pla, kon dit in die privaatheid van hulle huis gewas word nie.
Ek het nou nie ‘n storie van ‘n kar wat my in die skande gesteek het nie. Ek ry nie graag Toyota nie. Het julle stories van waar julle kar julle bloedrooi laat bloos het?
Breinvasbrand: Watter jaar is Toyota gestig?
Breinlosbrand: Demoerin was reg met “al is dit net ‘n kleintjie”
Herriemerrie 
Wie runnik saam?