Aandagsoek

Nell het nogal iets interessant kwyt geraak ten op sigte van mense wat soms soos narre op optree:

Ek wonder net soms hoe ver mense sal gaan om aandag te trek? Sulke uitbundigheid is regtig raar as inherente karakter eienskappe van mense.

Ek moet seker die skoen aantrek en erken dat ek nie die mees spontane mens ooit is nie.  Skaam, terughouend met ‘n stok in die agterent is nogal ‘n raak beskrywing.  Aan die anderkant is skuheid nie juis ‘n remskoen vir my nie.  Ek kan my man net so goed so goed as iemand met ‘n sterk sosiale persoonlikheid staan.  Daarby ken my familie en vriende my as iemand wat ‘n nar is, wat nie juis stuit vir enige iets nie. 

Is dit my intense, onuitgesproke, dringende behoefte om aandag op myself te vestig?  Ek beskou myself nie as iemand wat nie kan lewe as al die aandag nie op my gevestig is nie.  Terselfde tyd intimideer aandag my glad nie.  Ek hoef nie vir aandag te soek nie, mense neem na my mening meer as genoeg kennis van my sonder dat ek moeite hoef te doen.  Tog trek my narstreke aandag op my.  Hoekom doen ek dit?

Elke diertjie het ‘n plesiertjie en myne is om mense te ontleed.  Die narstreke vermaak my en wie ookal in my geselskap is.  Ek beskou dit as skoon, veilige pret wat niemand kwaad doen nie.  Goed en wel, ek dring my dalk vir ‘n oomblik ongenooid in mense se aandag in, maar dit kos hulle niks.  Hulle kan die oomblik saam geniet sonder dat dit hulle enigsins iets kos. 

Maar kyk nou net hier . . . Hier EK, EK, EK; ek en Herriemerrie gaan mos nie oor EK nie.  Daar is ‘n rede hoekom mense nie van aandagsoekers hou nie.  Aandagsoekers kan met parasiete vergelyk word.  Hulle het ‘n suier wat jou beet kry en jou van elke ons energie leegtap.  Die suiers wat hulle gebruik is skrikwekkend. 

Daar is diegene wat alewig met een of ander skeet loop.  Jammer hulle skryf nie dagboeke vir mediese rillers nie, almal weet hulle praat snert, maar ‘n daar is mos nou ‘n reël dat ‘n mens nie sommer iemand in hulle gesig kan vertel hulle lieg nie.  Daag hulle uit en alles word op die dokter se skouers gepak en ‘n dag later ly hulle aan ‘n ander toestand. 

Patete is vir my ook sulke parasiete.  Die geval van kry my net jammer want almal is teen my en vertrap my.  Nuusflits.  Jy laat toe dat iemand jou soos ‘n vloerlap behandel en jy hou seker ook nog daarvan.  Anders het jy dit al lankal stopgesit.  Daar is diegene wat so verskriklik arm is dat hulle nie eers kan bekostig “to pay attention” nie.  Party mense is so ryk dat hulle heeldag moet loop en uitdeel sodat almal tog net moet kennis neem.   Daar is goeie parasiete (soort nie beskrywing nie), die emosionele parasiete, die meule parasiete, die kok parasiete ens.  Ek kan ure lank aangaan. 

Hoe voel julle oor aandagsoekers?  Is jy dalk self so ‘n parasiet?  Watter parasiete laat jou die vlaktes in hol?  Wat is die beste manier om die parasiete te behandel?

Breinvasbrand:  Waarvoor staan die akroniem “DISC”?

Breinlosbrand:   Cecily von Ziegesar

Onderhoud blues

Die prentjie vir skoolverlaters en afgestudeerdes lyk op die oomblik nie juis rooskleurig nie.  Tog sal ‘n paar van hulle vir onderhoude genooi word.  Iewers het hulle seker al geleer wat hulle alles by die onderhoud moet doen.  Tog is daar daardie ekstra goedjies wat niemand hulle kan leer nie.  Daar is ook daardie goed wat hulle eerder nie moet doen nie.

Ek het byvoorbeeld eendag netjies – met sykouse nogal – in my kar gespring en na ‘n onderhoud toe gery.  Daar aangekom het ek die onderhoud gedoen en alles wat daarmee saamgaan.  Eers terug in die kar kom ek agter dat ek nooit my hakskoene gedoen het nie.  Ek het nog steeds my plakkies aangehad.  En ironies genoeg het ek op die ou einde van hulle ‘n aanbod gekry.

Ek het ook al ‘n onderhoud met ‘n leer in my sykouse gedoen en dit eers daarna uitgevind.  Ek het die spesifieke pos ook gekry.  Daarna het ek besluit dat ‘n mens nie veronderstel is om perfek vir ‘n onderhoud op te daag nie.

Watter onderhoud stories het julle?

Lunch Week 20

Toorwoorde

1. Gee ‘n verklaring vir:  ”primo”?
2. Wat beteken die volgende afkorting:  ”LG”?
3. Wat beteken die volgende uitdrukking:  ”klip aan die rol sit”?
4. Gee ‘n sinoniem met die gegewe aantal letters vir:  ”stoot – met 2 letters”?
5. Skommel die volgende in ‘n sinvolle woord (die eerste letter is reg):  VOETOBER

Koerantbrokkies

Pieter Blomerus (Blom) van der Lith (65), sy vrou, Henna, en een van hulle werkers is dood op hulle plaas naby Vivo gekry.  Hulle kon moontlik al die naweek vermoor gewees het.  Hulle lyke is ontdek toe iemand lusern op die plaas wou gaan koop het.  Lede van TLU SA-noordstreek was teen vroegaand steeds op die plaas om die polisie te help soek na leidrade.  Die polisie weet nog nie of iets gesteel is nie.

Metielheksaneamien kan vrylik in die voorwinkels van apteke gekoop word.  Dit kos tussen R390 en R550 en word glo deur liggaamsbouers voor ‘n oefensessie gebruik.  Die verspreiders gooi nou wal en sê dat hulle professionele sportmanne waarsku dat dit die verbode metielheksaneamien bevat.  Metielheksaneamien is ’n bestanddeel in olie van die malvaplant. Chris Hattingh van die Instituut vir Dwelmvrye Sport:  “Baie van die aanvullings is van twyfelagtige herkoms. Dit gebeur soms dat aanvullings in dieselfde fabriek vervaardig word as verbode middels soos steroïede en groeihormone.”

Brett Garland (36) het die BMW wat in hulle vasgejaag het se nommerplaat saam met sy beseerde dogtertjie (6) se ambulans gelaai om seker te maak die BMW verdwyn nie net nie.  Die BMW het glo ‘n rooi lig verontagsaam en met die gesin in Hamilton straat in Pretoria gebots.  Die bestuurder het glo om verskoning gevra.  Danielle, die kind, bloeding op die brein en diep snye in haar gesig opgedoen en haar ma het haar heup beseer.

Die diesel engin aan een van die vloot se fregatte het gebreek en het toe boonop seewater ingekry.  Dit gaan glo R16 miljoen kos om te herstel.  Jislaaik, hoeveel kos ‘n hele boot dan?  Volgens Bernie Teuteberg, hoofdirekteur: maritieme strategie:  “Die enjin moet vervang word. Dit beteken ons sal die romp moet oopsny, die enjin uithaal, vervang en weer toemaak. Dit gaan ’n reuse-operasie wees, maar ons het die geld en het reeds ’n nuwe enjin bestel,” Ek sidder by voorbaat.  Die vloot gaan glo ook gebuk onder klein en onvoldoende begrotings en die deurlopende verlies aan kundigheid.  Dalk tyd om die vloot weer iets te maak om op trots te wees en die kundigheid bly dalk aan.

‘n Kyknet aanbieder wat met ‘n bekende sportman getroud is (ek het geen idee wie bied Kyknet aan nie, maar hoe moeilike som kan dit nou wees) se 12 jarige seun het ‘n klag van aanranding teen haar ingedien.  Sy mag nie identifiseer word nie om die seun se identiteit te beskerm.  Sy het glo verlede Donderdag hom 18:00 gedwing om op te hou speel op sy X-box.  Sy het hom in sy kamer glo gewurg en sy vingers omgebuig.  Die ma ontken dit en reken haar seun gaan deur ‘n moeilike stadium.

Ten slotte:  Prins William en Kate Middleton is verloof en sal volgende jaar afhak.  Die aankondiging is gister deur Clarence house gedoen.  Charles is glo in sy noppies en die Koningin is ook glo verheug.  Die paar het glo tydens ‘n vakansie in Kenia in Oktober verloof geraak.  William het met sy ma se verloofring verloof geraak (gaan Geskiedenis in die geval herhaal word?).  Hulle sal na die troue in Noord-Wallis bly waar William met sy take in die lugmag sal voortgaan.

Verjaarsdae:  David Livingston was in 1855 die eerste Europeër wat die Victoria Waterval gesien het (was hy die enigste blanke wat in die groep was?).  In 1970 het Douglas Engelbart die patent vir die eerste rekenaarmuis gekry.  Martin Scorsese; Danny deVito; Ryk Neethling; Rachel McAdams en dan natuurlik ook Son.  Hoop die kind van die Son het ‘n baie lekker geselskap.