Where is the love?

8 11 2010

Ek lees vandag iewers:

Intelligence without love makes you perverse

Verlede week is twee meisies in skooltyd op skoolgronde deur 3 seuns bedwelm.  Een van hulle is verkrag terwyl omstanders selfoonvideo’s daarvan gemaak het.    Onderwysers het van die opnames gesien en raai wat?  Hulle het daaroor gelag en gemeen dat dit die meisies se eie skuld is omdat hulle dronk is.  Een se ouers het by die skool gaan kla en was vertel dat die skoolhoof nie betrokke wil raak nie.  Twee van die seuns is Maandag in hegtenis geneem.  Hulle het dalk die fisiese verkragters, maar elkeen wat niks gedoen het is ook skuldig aan verkragting. 

Twee onderwysers van ‘n skool in Benoni is vandag gearresteer oor vir die besit en verspreiding van kinderpornografie.    Hulle is deur ‘n derde onderwyser gevang wat dit onder die skoolhoof se aandag gebring het.  Kinderpornografie is afskuwelik genoeg, maar dit verhonderdvuldig wanneer dit deur iemand in ‘n vertrouensposisie “gepleeg” word. 

Liefde kan nie verteenwoordig wees waar iemand se lewe vernietig word nie.  Dit is verdorwe, wel na my beskeie mening is dit veel erger as net pervers.  ‘n Voorval van intelligensie?  Ek hoop wragtig nie so nie.  Intelligensie is tog immers die vermoë om tot insig te kom.  Dit stel ons instaat om te kan onderskei tussen goed en kwaad.  Dit is wat ons onderskei van diere, wat moet verseker dat ons nie soos diere te laat optree nie. 

Ek het alweer op interessante getalle in die nuus afgekom. 12 722 klagtes van seksuele misdrywe is nie in die vorige finansiële jaar verhoor nie.  Volgens Jeff Radebe is dit  1915 sake wat van die hofrol geskrap is, 1917 wat na hoër howe verwys is, 7683 wat teruggetrek is, 1207 lasbriewe wat vir die verdagtes uitgereik is en 29 waar die verdagtes vir waarneming gestuur is.  As ek dit optel kry ek 12 751 klagtes, maar dit is nog steeds skokkend.  Ek is onseker hoeveel van die beskuldiges het hulle dag in die hof gehad het.  Net 25 % van die klagtes gaan moontlik verhoor word, 75 % het skotvry daarvan afgekom.  Was al 75 % onskuldig? 

As dit nou nie genoeg is om ‘n moordbende te begin nie, wat is?  Waar lê die oplossing?  Daar word doodeenvoudig net te veel stil gebly en weggekyk.  Te veel slagoffers word beskuldig, te min verkragtings word veroordeel.  Ons het ‘n keuse – bly onbetrokke of neem standpunt in.  

Wat dink julle kan gedoen word?  Wat sal vir eens en vir altyd ‘n stop aan seksuele misdrywe sit?

Breinvasbrand:  Waarvoor staan POWA?

Breinlosbrand:  Chris van Niekerk





Lunch Week 19

8 11 2010

Algemene Kennis

  1. Watter fliek het die langste teater vrystelling – dit word vandag 35 jaar later nog steeds gereeld op sekere plekke vertoon – gehad?
  2. Waarvan is K die chemiese simbool?
  3. Wat is die titel van Hershelle Gibbs se biografie?
  4. Wie het die Taj Mahal laat bou?
  5. Wanneer is die hart chirurg Chris Barnard gebore?




Koerantbrokkies

8 11 2010

Volgens Mara Louw is Idols rassisties.  L’loyd Cele moes volgens haar gewen het, omdat hy beter sing as Elvis Blue, kan dans en hy is glo mooi.  Volgens haar het Cele nie gewen nie omdat blankes vir blankes stem en dat daar nooit ‘n swart wenner gaan wees tensy MNET Idols aan SABC verkoop waar daar meer swart kykers is.  Louw is al 40 jaar in die musiek bedryf en reken dat die land se blankes haar nog steeds nie ken nie.  Randall Abrahams verskil van haar:  “M-Net het baie swart kykers bygekry. Hoe weet jy dat swartes nie vir Elvis gestem het nie? Mense stem lankal nie net vir jou sangtalent nie, hulle stem vir die hele pakket. En dis in elk geval die wittes wat die albums koop.”  Wat dink julle?

Louwrens Gebhardt (18), kaptein van die skool se eerste rugbyspan, is dood toe hy ‘n geveg wou keer.  Twee seuns het die vorige dag met mekaar handgemeen.  ‘n Volwasse man met ‘n noue verbande met een van die seuns was die Donderdag met ‘n bofbalkolf terug om die ander seun reg te sien.  Gebhardt was teen die kop getref toe hy die geveg wou keer.  Hy is by sy positiewe dokter toe en is dadelik hospitaal toe gepos.  Oppad het hy in ‘n koma weggesak.  By die hospitaal is daar ontdek dat hy erge bloeding op die brein het en hy is die Saterdag dood.  Sy familie en die skool ontken enige rassespanning by die skool.

Andries van den Berg (82) se ontbindende lyk is in sy slaapkamer deur sy 50 jarige seun gekry. Hy was die eienaar van Knoppieshoogte in Rikasrus buite Randfontein.  Daar was twee bofbalkolwe en ’n knopkierie langs sy lyk.  Die een kant van sy gesig was bergruis en sy oor was afgeskeur.  Hy het met sy hande in die biddende posisie op sy rug in die bed gelê.  Inbrekers het Van der Berg in sy slaap oorval.  Die familie vermoed hy is verlede Sondagaand al vermoor omdat duisende rande sedertdien met sy gesteelde bankkaarte by veral luukse winkels aan die Vaal-Rand bestee is.

‘n Suid-Afrikaanse vrou in Botswana is in die maag gewond toe jagters haar as ‘n hiena aangesien het.  Gretha van der Merwe het saam met haar man en honde gedraf toe die ongeluk gebeur het.  Sy is eers in Nyangab gwe Referral Hospital in Francis town in Botswana behander, maar is later na Suid-Afrika gevlieg.  Die familie vermoed op die oomblik nie misdaad nie.

Verjaarsdae:  Die Louvre het in 1793 vir die publiek geopen.  Wilhelm Röntgen ontdek x-strale.  Edmond Halley; Penny Heynes en Tara Reid.  Jayde het gister verjaar en Vee vervel vandag.





Muile

8 11 2010

Die afgelope ruk is Vanessa Goosen nogal heelwat in die nuus.  Sy was glo op haar dag ‘n finalis vir Mej Suid-Afrika, maar sou al jare terug vergete gewees het was dit nie dat sy in Thailand met dwelms betrap was nie.  Was dit weer nie vir die feit dat sy aan Mej SA deelgeneem het nie, was sy net een van die massas.  Een van die honderde (of is dit dalk duisende) “naamlose” Suid-Afrikaanse vroue wat in ‘n oorsese tronk aangehou word omdat hulle dwelms vervoer het. 

As ‘n mens kyk hoeveel mense al met dwelms betrap is, wonder ‘n mens of dit regtig vir die base die moeite werd is.  Elke keer wat iemand gevang word, is dit ‘n hele paar dollars by die drein af.  Ek neem egter aan dat die wat gevang word ‘n druppel in die emmer is.  Ek het byvoorbeeld al van die vrou gehoor wat in die tjoekie was oor minagting van die hof.  Sy moes in die hof verskyn het oor dwelmmisbruik klagtes, maar het nie haar afspraak nagekom nie.  Sy was ten tye met heroien in haar skoene oppad Mauritius toe.  Terug in SA toe is sy summier opgesluit, maar vir die “lesser of two evils”. 

Iemand gaan moeilik oortuig dat hulle onbewus was van wat gaan aan as hulle met ‘n paar pakkies in hulle maag en ‘n paar ander gate betrap was.  Hulle moes tog seker rot geruik toe hulle dit af moes wurg – dit is mos nie iets wat normaal is nie.  Net ‘n sot dra ‘n vreemdeling se pakkie deur die doeane punte.  Niemand gaan jou ‘n oorsese reis gee net om ‘n onskuldige pakkie saam te sleep nie.  Tog kan ek ook verstaan hoe mense per ongeluk hiermee in die jam land. 

Jy moet ‘n pakkie van jou ma se vriendin na haar dogter oorsee neem.  Een van jou vriende vra jou om vir hulle ‘n pakkie terug te bring.  Erger nog, jy het plek in jou tas en bied dit goedgunstelik vir ‘n vriend aan wat ‘n probleem met pakplek het.  Jy pak jou tas in jou huis, waar jou huismaats ook teenwoordig is en iets kan inglip.  Net ‘n paar ideale geleenthede vir ‘n “pakkie”, terwyl dit meestal doodonskuldig is. 

Ons lewe in ‘n tyd wat niemand meer vertrou kan word nie.  Wat maak jy?  Weier jy die pakkie of deursoek dit eers en/of sluit jou kamer toe terwyl jy pak?  Of is jy net krities met wat jy aanvaar en maak staat op die goedwilligheid van mense wat jy ken? 

Hoe voel julle oor die muile?  Was julle al in ‘n posisie waar jy moontlik ‘n slagoffer kon wees?  Watter muil stories kan julle deel?

Breinvasbrand:  Watter Suid-Afrikaanse akteur was onlangs met dagga by hom op ‘n Suid-Afrikaanse lughawe betrap?

Breinlosbrand:  Olga was reg met die Louvre.





Oplossing Week 18

8 11 2010

(Jammer dat die antwoorde so laat is – ek sukkel op die oomblik met my internet by die huis.)

Algemene Kennis

  1. 31 Oktober (Gogga / Nell)
  2. Die Sharks (Gogga / Nell)
  3. Minister van gesondheid  Nell)
  4. James Bhemgee (Nell)
  5. The Hobbit (Gogga / Nell)

Uilspieël

  1. Prime Circle – is ‘n SA Band en die ander is van Swede (Nell / Demoerin)
  2. Zane Kirchner – Is nie ‘n Sharks speler nie (Nell / Demoerin)
  3. X – is nie ‘n klinker nie (Nell / Demoerin)
  4. Bayworld – Nie ‘n rolprent teater  nie (Nell / Demoerin)
  5. Reën – Dit belemmer die braai, terwyl die ander toebehore vir ‘n braai is.  (Nell*)

Toorwoorde

  1. ‘n Plant wat van ‘n bol of knol groei.
  2. met betrekking tot (Nell)
  3. Geesdriftig omtrent iets wees (Nell)
  4. kollega
  5. onkapabel

Couples Theraphy

  • Ryan Seacrest – American Idol (Demoerin / Nell)
  • Phil Keogan – The Amazing Race (Demoerin / Seegogga / Nell)
  • Joe Rogan – Fear Factor (Demoerin / Nell)
  • Jeff Probst – Survivor (Demoerin / Seegogga / Nell)
  • Donald Trump – The Apprentice (Demoerin / Seegogga / Nell)

Aanbieders van daardie realiteitsprogramme (Demoerin / Seegogga / Nell)

Liedjiepret

  1. I run to you – Lady Antebellum (Nell) / Run to you – Bryan Adams (Demoerin)
  2. Stupid Mistake – Gareth Gates
  3. In a moment like this – Jay and Lianie May

(Lyk my die stukkie vol soos dit was, het nogal heelwat liedjies in gehad.)

Liriekeraai

  1. In the summer time – Mungo Jerry (Nell / Demoerin)
  2. Hollywood – Michael Buble (Nell / Demoerin)
  3. Sexyback – Justin Timberlake (Nell / Demoerin)
  4. I should be so lucky – Kylie Monogue (Nell / Demoerin)
  5. I dont feel like dancin – Scissor Sisters (Nell / Demoerin)