Sportkrokke

Is sport goed vir jou?

Die advokate van sport is baie passievol oor die voordele van sport.  Sport verminder jou massavet;  versterk jou bene;  verbeter koordinasie, balans en buigsaamheid; verbeter uithouvermoë en konsentrasie en beveg angs en depressie.  Dit is dus oor die algemeen goed vir jou gemoedstoestand en jou gesondheid.  Daarmee saam beveg dit ook jou kanse op hartsiektes.

Ek kan seker nie daarmee stry nie.  Ek wonder net teen watter prys kom die voordele en of die prys nie dalkies te hoog is nie.

En ek praat nie noodwendig net van die kostes nie.  Glo my, ongeag van jou keuse van sport, is dit oor die algemeen nie goedkoop nie.  ‘n Goeie paar tekkies begin hier by R500 en meer.  Dit is die minimum omtrent.  Daarmee saam het jy die geskikte klere en ander toerusting nodig.  Wat enige iets van ‘n paar honderd tot ‘n paar duisend rand kan kos.  As jy aan ‘n klub wil behoort, gaan dit jou kos.  As jy iewers van ‘n geskikte “veld” wil gebruik maak, gaan jy ook hoes.  Kompetisies kos ook geld, veral as jy nog boonop ‘n amateur is.

Sport is ‘n multi biljoen rand onderneming.  Ek praat hier nou spesifiek van professionele sport wat deesdae amper soos ‘n godsdiens is.  Troues, begrafnisse en selfs in sommige gevalle mense se lewens word rondom belangrike sport gebeure beplan.  Miljoene rande word in sport gestort, alles vanuit die verbruiker se sak.  Of die verbruiker van die betrokke sport hou of nie.  Voeg daarby branding en kaartjies en enige mens moet insien dat geld ‘n groot geldmaker is.

Ek dwaal egter af – dit was nie die finansiele sy is eintlik van minder belang.  Ek praat eintlik van ander kostes wat nie regtig aan rand en sent gekoppel kan word nie.  Die hoogste prys is natuurlik mens wat hulle lewens verloor met sport.  Hoeveel seuns is al net nie op ‘n rugbyveld dood nie?  Hoeveel mense het net nie al tragies tot ‘n einde gekom in ‘n swembad of op ‘n fiets nie?  Hoeveel mense het hulle kwaliteit van lewe nie as gevolg van ‘n sport verloor nie?  Mens wat vandag as ‘n gestremde gesien word, alles danksy een of ander sport.

Dit is seker die ongelukkige gevalle wat ek hier noem, maar dit val my deesdae meer en meer op hoeveel mense wat een of ander tyd ernstig oor ‘n sport is, lewenslank die prys betaal.  Mense wat sukkel met hulle knieë, nek, rug, elmboog ens.  Wat of in daaglikse pyn moet lewe of pyn medikasie hulle konstante metgesel moet maak.

Daar kan seker aangevoer word dat moontlike beserings nie die nodige aandag gekry het nie of dat die persoon nie reg afgerig is nie.  Dit het beslis meriete, maar is dit al rede?  Is die mens gemaak om soveel impak op hulle liggame te verduur wat sport op hulle sit?  Word die liggaam dalk nie in te veel onnatuurlike posisies gedruk nie?

Wat help goeie gesondheid tog as jy dit nie kan geniet as gevolg van chroniese pyn nie?

Wat weeg swaarder:  ‘n Lang lewe vol skete of ‘n korter lewe met gemak?

Breinvasbrand:  Wie is die afrigter van die Proteas?

Breinlosbrand:  Kgalema Motlanthe (wat aangestel is nadat Mbeki bedank het).

In die belang van wêreldvrede . . .

Mits julle reg kies.

Watter kleur is die toppie?

Die vuur genaamd TONG

Ek voel eintlik so half (goed, baie!) skynheilig om die onderwerp aan te roer.  Siende dat die vuur onderwerp nog hooggety vier, kan ek nie die geleendheid laat verby gaan nie.

Ons skoolhoof in die laerskool was besonders lief om op ‘n Maandagoggend hieroor te preek.  Ons het dit ook al ‘n keer of wat in Hoërskool gehoor en seker ook al ‘n paar keer in die kerk.  Iemand het my eendag vertel dat Jakobus die boek is wat lewens red, wat jou werklik vertel hoe om te lewe.  Dit is seker die een stuk in die Bybel, spesifiek Jakobus 3 wat spesiaal vir my geskryf is.

Vanaf vers 5 tot 12 (alhoewel vers 1 so verskriklik waar is – gaan lees maar gerus).

So is die tong ook maar ‘n klein liggaamsdeeltjie, en tog het dit groot mag. ‘n Klein vuurtjie kan ‘n groot bos aan die brand steek.

Die tong is ook ‘n vuur, ‘n wêreld vol ongeregtigheid, die deel van die liggaam wat die hele mens besmet. Dit steek die hele lewe, van die geboorte af tot die dood toe, aan die brand, en self word dit uit die hel aan die brand gesteek.

Alles wat loop, vlieg, kruip of swem, elke soort dier word en is al deur die mens getem,

maar geen mens kan die tong tem nie. Dit is ‘n rustelose kwaad, vol dodelike gif.

Met die tong loof ons die Here en Vader, en met die tong vloek ons die mense wat as die beeld van God gemaak is.

Uit dieselfde mond kom lof en vloek. My broers, so moet dit nie wees nie

n Fontein laat tog nie uit dieselfde oog vars en brak water opborrel nie.

‘n Vyeboom, my broers, kan tog nie olywe dra nie, of ‘n druiwestok vye nie. ‘n Brakfontein kan mos nie vars water gee nie!

As ek na al die insidente wat op my hel toe boekie staan kyk, was my tong (en seker my vingers ook) die hoofrede daarvoor gewees.  Sou ek dus eendag beheer oor my tong kry, sal ek dalk eendag myself as ‘n goeie mens kan uitgee.

Ek staan soms verstom oor wat mense wat glo opregte Christenne is kwytraak.  Hulle sal jou vertel van die Here aan eenkant en aan die anderkant vloek hulle die bediende wat so pas ‘n druppel tee gemors het.  Hulle vertel jou van God se wonderdade, net om die volgende oomblik haar buurvrou te beskinder dat die biesies bewe.  Elke keer wonder ek dan oor Jakobus 3 – en natuurlik ook al die kere wat ek myself daarmee vang.

Ek wil wel met ‘n ander gedagte afsluit.  Dit is waar dat ‘n vuur verwoesting saai, maar dit is ook waar dat vuur kan suiwer.  Dit is net so waar dat die tong soveel kan vernietig, maar die tong kan ook gebruik word om ‘n situasie te suiwer.  Die tong is tog daar om gebruik te word, maak net seker dat dit met oorleg gedoen word.  Soos Langenhoven gesê het:  “Leen jou ore uit aan iedereen wat ‘n tong het, maar moenie jou tong uitleen aan iedereen wat ore het nie.”

Lunch week 18

Uilspieël

1. Prime Circle; Roxette; ABBA
2. Zane Kirchner; Patrick Lambie; Keegan Daniel
3. A; E; X
4. Sterkinekor; Bayworld; NuMetro
5. Spit; Kole; Reën

Koerantbrokkies

Herschelle Gibbs se boek is dalk skokkend genoeg om verkoop te word.  To the Point is onlangs vry gestel en daar word beslis tone getrap.  Gibbs wy ondermeer uit oor die krieketspan se eksorgies, gereelde drankmisbruik en dwelmgebruik.  Natuurlik is die Proteas glad nie gelukkig daarmee nie.  Hulle reken dat hulle Gibbs in die donkerste van tye bygestaan het.  Volgens Graeme Smith:  “Dit stem ooreen met die manier waarop hy sy lewe geleef het – op die rand van die afgrond – maar dis hartseer dat hy nou onthou sal word oor hoeveel hy aangejaag het.Hy was ’n voortreflike speler, selfs al weet ons almal dat hy veel meer moes vermag het met die talent wat hy het.”

Jacolina Johanna Christina Bruins (41) van die dagsorgsentrum Baby Haven in Witrivier was gister in die hof oor kindermishandeling. Sy het haarself gaan oorgee vandat sy Vrydagmiddag soek was.  Bruins het onder andere babas so styf in komberse toegedraai dat net hul koppies uitgesteek het;  hul voetjies met doeke vasgebind is; en dat doeke in hul monde gedruk is as hulle gehuil of geraas het.  Sy is op borgtog van R3000 vrygelaat en die sentrum is summier deur die hof gesluit.  ‘n Voorval van wiegiedood by haar sentrum sal ook ondersoek word.

Ondersoek is gelas na Sizwe TB-hospitaal in Sandringham se ingangshek wat blykbaar R4.1 miljoen gekos het.  Jack Bloom, DA-woordvoerder vir gesondheid in Gauteng het die Ouditeur Generaal laat weet dat die tender proses moontlik gemanipuleer is.  Die LUR van gesondheid reken dat R4.1 miljoen die goedkoopste kwotasie was en dat Beyond Build Construction CC (teen sowat R5,6 miljoen) en Luvuno Projects (sowat R5,5 miljoen) ook getender het.  Volgens Bloom:  Beyond Build is nie by die kantoor vir registrasie van maatskappye en intellektuele eiendom (Cipro) geregistreer of in die telefoongids gelys nie en besonderhede oor Luvuno Projects is onduidelik.  Bloom reken dit kon goedkoper gedoen word.

Die grootste grondeis van die staat teen ‘n enkele grondeienaar is laat vaar.  Daar was grondeise van 20 000 ha teen Charl Senekal, Suid-Afrika se grootste suikerboer.  Senekal het twee volkekundiges aangestel om die eise van die Gumbi- en die Myeni-stam te ondersoek. Die eise is nege jaar gelede ingestel.  Senekal het twee volkekundiges aangestel om die eise van die Gumbi- en die Myeni-stam te ondersoek. Die eise is nege jaar gelede ingestel.  Die twee volkekundiges het vasgestel die twee stamme was nooit die eienaars van Senekal se grond nie. Die grond is reeds sedert 1880 in wit besit.  Senekal is glo baie verlig.  Help seker as jy ‘n goeie verhouding met Jacob Zuma en Goodwill Zwelithini het.

Verjaarsdae:  Marie Antoinette; David Schwimmer en Nelly.