Hy moor nie, hy steel nie, hy het nie AIDS nie . . .

Hoekom sal ek tog my tyd en energie aan ‘n VIGS skrywe afstaan?  Soos iemand nou die dag uitgewys het.  Almal is gatvol vir VIGS, hulle kry ‘n oordosis daarvan in die media en skool.  Dit is in elk geval glad nie nodig nie.  VIGS is ‘n siekte vir moffies en lesbene.  Dit is hulle straf omdat hulle afskuwelike seksuele dade pleeg.  Anders kry net swart mense dit.  Dit kan ook nie anders nie.  Soos die goed aanteel moet die natuur die getalle afbring.  Dit raak my nie.  Ek is ‘n heteroseksuele, wit vrou – ek weet nie eers hoe ‘n kondoom lyk nie.  Ek is verhewe bo VIGS.

Nee, ek dink nie werklik so nie.  Daar is wel baie mense wat presies so dink en wat waarskynlik sterk aanstoot gaan neem met wat ek gesê het en nog verder gaan sê.  Eendag gaan daar dalk pille wees wat die MIV virus sal kan hok slaan, maar daar sal nooit pille vir sotlikheid wees nie.  VIGS diskrimineer nie.  As meer blankes dit besef het en in ag geneem het, sou die hoogste infeksies nie onder die blanke jong mense gewees het nie. 

Nie almal wat MIV positief is het daarvoor gesoek nie.  Dit is wel waar dat jy met ‘n verantwoordelike leefwyse jou kanse op MIV infeksie kan beperk, maar daar is geen waarborge nie.  Neem nou die vrou wat in haar lewe net met haar man seks gehad het en dan die skoknuus verneem dat sy MIV positief is.  Sy word dan boonop deur haar man verwerp as ‘n slet, terwyl sy deur hom die infeksie opgedoen het.  Meneer is net nie bereid om dit te erken nie.  Hy is nie gay nie, hy is nie swart nie, hy is nie vuil nie . . .

Wat nog van babas wat MIV van hulle ma’s gekry het?  Hulle het niks gedoen waarmee hulle Vigs kon verdien nie.  Daar is vandag nog mense wat deur bloedoortappings met MIV besmet word.  Daar is verkragtings, besmette mediese toestelle, opsetlike besmetting.  Alles goed waarteen nie een van ons gevrywaar is nie. 

Nie dat ek met die regering se bewusmakingspogings saam stem nie.  Dit is bloot net nie effektief nie, dit behoort verder te strek as net die bevordering van kondome.  VIGS is die enigste siekte wat al ooit polities beskerm is.  Dit kon dus nooit met aggressie aangepak en uitgeroei word nie.  Aan die ander kant is daar geen ander keuse as om VIGS slagoffers (en daarmee saam ook VIGS) te beskerm nie.  Wanopvattings en voordele vier vandag nog hooggety – en nie onder die onopgevoede ploerte nie. 

Het jy al ooit daaraan gedink dat een van jou vriende dalk MIV positief is?  Een van jou familielede?  Hulle verkies dalk om dit vir hulleself te hou uit vrees vir jou minagting en verwerping.  Genadeloosheid en ondeurdenke woorde skop die een wat lê nog verder.  Asof hulle nie genoeg het waarmee hulle moet verwerk nie.

Ek het wel ‘n punt wat ek probeer maak.  Tot die dag wat die algemene publiek se houding teenoor VIGS gaan verander, gaan dit beskerm moet word.  Terwyl dit beskerm moet word, sal geen aanslag suksesvol wees nie. 

Ken jy iemand wat VIGS het?  Is jy bang vir VIGS-lyers?  Sal jy een met die hand groet?  Wat sal jy doen as een van jou vriende of familie jou vertel hulle is MIV positief?  Sal jy bereid wees om die wêreld te vertel as jy MIV positief is.

As jy dalk nou selfvoldaan reken dat jy nooit in daardie bootjie sal kom nie, het jy ‘n probleem.

Breinvasbrand:  Watter lid van Queen is dood weens VIGS verwante longontsteking dood, ‘n dag nadat hy erken het dat hy MIV positief is?

Breinlosbrand:  Demoerin was reg met WikiLeaks.

Vreemde Wêreld

Mense is darem maar vreemde wesens.  Kyk maar gerus net na die koerante die afgelope tyd.

Eerstens het die regtige hekse aanstoot geneem met Manda Reyneke se verwysing na haarself as die wit heks.  Reyneke sou ook ‘n kersie brand en met die gees van waarheid praat om te hoor of Helberg regtig dood is.  Geen normale mens kan Reyneke ernstig opneem nie.  Dit was bloot bangmaakpraatjies waarvoor nie eers die Nigeriërs geval het nie.  Die South African Pagan Rights Alliance voel anders.  Wit heks kan glo ‘n verwysing wees na ‘n tipe toorkuns.  Volgens Damon Leff, hulle direkteur, beskou hekse toorkuns as hul godsdiens en nie as ’n toweragtige manier om te intimideer, af te pers of geweld te veroorsaak nie.  Die hekse vrees glo dat die saak gebruik gaan word om vooroordele teen en die belastering van regte hekse te bevorder.

As ek nie so bang was om getoor te word nie, het ek nou sommer reguit gesê dat die hekse juis aandag op hulle gevestig wil hê.  Geen haan sou andersins die verband tussen Reyneke en regte hekse gebring het nie.  Nou weet Suid-Afrika dat daar hekse is wat toor in plaas van bid.

Nog steeds by Reyneke.  Ene Koos Botha (moes sy van nie dalk Van Der Merwe gewees het nie?) reken dat daar ‘n heksejag onregverdige veroordeling van Reyneke is.  Volgens hom is sy op 47 op haar topvermoë.  Ek haal aan:  “Me. Manda Reyneke het haar Boerebloed nie verwater in ’n see van ordentlikheid soos sommige Afrikaner-vroue nie, maar nou word dit aan die groot klok gehang.”  Botha voel dat die skuld op Helberg se skouers moet rus.

So met ander woorde behoort Reyneke nie vir haar drange verantwoordelik gehou te word nie.  Die feit dat sy op die stadium getroud was is seker maar net ‘n onbelangrike besonderheid.  Dat Helberg eintlik met haar dogter uitgegaan het, maak seker ook nie saak nie.  Ma se drange geniet voorkeur, al is Helberg oud genoeg om haar seun te wees.

Nou kom ons by die sepie aktrise wat aan ‘n vrou verloof geraak het.  Lindie Stander het al ‘n paar maande gelede haarself aan Lucille Koen verloof, elkeen nogal met ‘n ring ook.  Eers moes ek gaan soek het wat die aktrise blykbaar gewild maak.  Sy vertolk glo die rol van Suster Elize in Binnelanders en was op ‘n stadium ook ‘n aanbieder van Pasella.  Hoekom ek nog die moeite doen om die kommentaar van sulke artikels te lees, weet ek nie.  Dit is altyd dieselfde.

Wat die kersie op die koek is, is die mense wat van nouaf Binnelanders gaan boikot omdat een van die aktrises openlik gay is.  Al weet ek nie eers wie Stander is nie, weet ek dat sy beslis nie die enigste gay aktrise / akteur in die land is nie.  Ek wonder nou:  As jy een program boikot omdat een van die toneelspelers gay is, moet jy seker almal boikot waar daar ‘n gay persoon in speel.  Jy moet seker die mense agter die skerm ook in ag neem.  Kan jy nou iets kyk as die haarkapper van die reeks gay is?  Wat gaan daar oorbly om te kyk.

Gee die duiwel wat hom toekom.  As iemand goed is in wat hy/sy doen, maak dit seker nie saak met wie of wat hulle slaap nie.  Gayheid gaan nie deur ‘n televisieskerm afsmeer nie.  Anders weet hulle dalk iets wat ek nie weet nie.

 

Lunch Week 22

Uilspieël

(Watter een pas nie en hoekom pas dit nie?)

1. Tarzan; Alf; E.T.
2. Simba; Cadbury; Willards
3. Blikkies; Jasper; Rooies
4. €1; €2; €5
5. William Cowle; OJ Simpson; Shrien Dewani

Hê ‘n lekker daggie

Ek wonder soms of ek soos ‘n baba lyk.  Hoekom ander dring mense daarop aan om met my in die verkleinvorm te praat.  “Vul gou vir ons die vormpie in.”  “Staan gou in die rytjie.”  “Ek stuur vir jou ‘n epossie.”  “Haai, jy het ‘n rokkie aan!”  Dan die absolute ergste.  “Juffroutjie”, “Xenatjie” en selfs “Xenatjietjie”.

Baba se voet.  Ek is seker die kleinstes en jongstes onder ons word met die verkleinwoordjietjies tot in hulle diepste sieletjies afgepis.  Dit is asof die spreker dink dat jy vertraag is en gepaai moet word of daar gaan ‘n maniese aanval wees.  Hulle stel hulle verseker bo-oor jou aan, die dat hulle aanspreekvorm verkleinerend moet wees.  Anders het hulle self nooit hulle babataal afgeleer nie. 

Hoe moeilik kan dit wees? 

Ek verkies om die vorm in te vul, in die ry te staan (goed, nie regtig nie, maar julle weet wat ek bedoel) en sal vir jou epos wag.  Ek is beslis nie op enige manier klein en fyn nie, dus sien ek glad nie die juffroutjie na wie jy verwys nie.  Xena is doodreg, dankie, en ek sal ‘n lekker dag hê as jy goeie Afrikaans praat.

Hoe voel julle oor die verkleinerende mense?  Hoe sit ‘n mens hulle op hulle plek?

Breinvasbrand:  Op watter webbladsy het daar geheime dokumente van die Amerikaanse regering gelek?

Breinlosbrand:  Olga was reg met Alec Issigonis.

Lunch week 22

Algemene Kennis

1. Watter mediese toestand het in 1981 as GRID of 4 H bekend gestaan?
2. Op watter wysie word Barney Is a Dinosaur gesing?
3. Op watter dag vier die Amerikaners “Thanksgiving”?
4. Wie het die gloeilamp uitgevind?
5. Watter Suid-Afrikaanse gholfspeler het as die “Black Knight” bekend gestaan?

Karkoop

Perdkoop is een ding, maar Boetie, dit is niks teenoor kar koop nie.  Veral as jy in die gebruikte motormark rondkrap.  Met ‘n nuwe motor is jou grootste bekommernis basies of jy die paaiement en versekering kan bekostig.  Daar is so effense gemoedrus in die naam van ‘n 100 000 km / 3 jaar waarborg.  Verder is jy verseker daarvan dat niemand die kar voor jou deur hulle asse getrek het nie. 

Gebruikte motor koop is nie vir diegene wat swak van hart is nie.  Daar moet tog ‘n rede wees hoekom gebruikte motor verkoopspersone voor die voet as skelm beskou word.  Niks is seker wanneer jy ‘n kar kies nie.  Die kilometers wat so goed lyk was moontlik in ‘n werkswinkel aangepas.  Dieselfde kon seker met ‘n vol diensrekord gebeur het. 

Dit is net die admin.  Jy kan nie verwag dat hulle jou sal vertel wat alles met die kar fout is nie.  Jy beter sorg dat jy alles op jou eie kan uitpluis of jy gaan met die kat in die sak sit.  Jy moet bid dat jy ‘n kar kry wat wens begeerte verkoop is.  Nie die een wat begin probleme gee het waarvan daar vinnig ontslae geraak moes word nie. 

Ek het toevallig vandag die advertensie gesien:

Siende dat die bank ‘n lisensie soek voordat hulle jou ‘n lening gee, wonder ek hieroor.  Wie gaan die finansiering doen?  Ek sien hemelhoë rente en mans wat jou bofbalkolwe besoek as jy 5 minute laat is met jou betaling. 

Vandag wil by julle weet hoe was julle al ingeloop?  Van watter inloop stories het julle al gehoor?  Het julle al ‘n eerlike verkoopspersoon met die hand gegroet?  Enige raad van hoe om nie jou kop te stamp nie?

Breinvasbrand:  Wie het die eerste Mini ontwerp?

Breinlosbrand:  Olga was reg met Clifton Hangbrug in Bristol.

Oplossing Week 21

Algemene Kennis

1. Edward Teach (Demoerin)
2. Bobby Riggs (Demoerin)
3. K. Sello Duiker-prys (Demoerin)
4. Reserwebank (Demoerin)
5. Suidelike Halfrond (Demoerin)

Uilspieël

1. Tony Blair – was die enigeste een wat nie in sy termyn dood gemaak is nie (Demoerin*)
2. Skelonk – is nie ‘n tipe woning nie (Demoerin)
3. Spookasem – word nie van eiers gemaak nie (Demoerin)
4. Swahili – nie ‘n amtelike taal van Suid-Afrika nie (Demoerin)
5. Tornado – nie ‘n tipe neerslag nie (Demoerin)

Toorwoorde

1. melk wat in ‘n velsak suurgemaak is.
2. Totale fertiliteitsyfer
3. lieg
4. knaap
5. funksie

Couples Theraphy

• Hoender – Eiers (Demoerin)
• Vark – Spek (Demoerin)
• Perd – Vervoer (Demoerin)
• Beeste – Melk (Demoerin)
• Skaap – Wol (Demoerin)

Diere en hulle produkte (Demoerin)

Liedjiepret

1. Dancing in the city – Marshall Hain (Demoerin)
2. Last Christmas – Wham! (Demoerin)
3. I know him so well – Elaine Page en Barbara Dixon (Demoerin)

Liriekeraai

1. Don’t Stop Me Now – Queen (Demoerin)
2. We don’t need another Hero – Tina Turner (Demoerin)
3. The Animal Song – Savage Garden (Demoerin)
4. Never Gonna Give you up – Rick Ashley (Demoerin)
5. Raise your glass – Pink (Demoerin)

Gee talent

Kan julle glo dat vandag al weer die eerste Sondag van Advent is?  Ons gaan weer om elke hoek en draai herinner word dat dit ‘n tyd is om te gee.  Verkieslik in kontant, maar nuwe speelgoed en klere sal ook help. 

Ek luister nou die dag weer na “The little drummer boy”.  Die seuntjie stertjie agter die wyse manne aan om na die baba Jesus te gaan kyk.  Hy moes seker geintimideer gevoel het met die geskenke wat hulle vir Jesus gehad het.  Hy het weinig meer gehad as sy drom.  Nie dat hy iets meer nodig gehad het nie.  Sy geskenk aan die baba Jesus was sy allerbeste spel op sy dromme.  Daarvoor was hy met ‘n glimlag van Jesus af beloon. 

Ons glo dikwels dat gee beteken dat ons beursies dunner moet word.  Daar is ‘n paar van ons wat glo dat ons tyd moet opoffer om werklik te kan gee.  Tog dink ons selde daaraan hoe ons ons Godsgegewe talente kan aanwend om te gee.  Dalk is ons net te gewoond aan sekere dade van liefdadigheid om ‘n bietjie verder te dink.  Net omdat die manier waarop ons wil help dalk nie die gewone manier is nie, beteken dit nie dat dit ‘n slegte manier van help is nie.

Elke talent moet tog na goed lei.  Trek ‘n lys van jou talente op en kyk hoe jy dit vir een of ander liefdestaak kan aanwend.  As jy dalk goed is met konflik, daar is baie mense daar buite wat verontreg was en wie jy kan help om te baklei.  As jy dalk weer goed is met administrasie – daar is baie organisasies waar die werkers bloot nie by die admin uitkom nie.  As jy mal is oor tuinmaak, kan jy sekerlik iewers help om ‘n tuin te vestig.

Help mense / diere / omgewing / wat ook al deur met jou talente te woeker.  Dalk nie net met Kersfees nie, maar met elke tydperk, seisoen of selfs dag in die jare vorentoe.

Dit lyk net so verkeerd

Ek lees iewers oor die naweek dat 1 uit elke 3 Suid-Afrikaanse mans al verkrag het.  Dit is absoluut skokkend!  Daar was ook al gesê dat ‘n vrou in Suid-Afrika ‘n groter kans het om verkrag te word as om te leer lees.   Verkragting is seker nog steeds in die meeste gevalle ‘n stil misdaad.  Baie mense voel dit is bloot nie die vernedering werd om die saak aan te gee nie.  Kinders wat van jongs af verkrag word kan met die idee groot word dat dit normaal is.  Hulle kan dit dan eendag weer met ander kinders herhaal.

Dan kry ‘n mens die gewone gevalle van mishandeling.  Nog iets wat die slagoffer te vernederend is om oor te praat.  Wat sommige seker as normaal aanvaar.  Mens kan nooit weet wat agter geslote deure aangaan nie. 

Jakaranda het weer hulle jaarlikse insameling teen vroue- en kindermishandeling ingesamel.  Almal is seker verheug daaroor dat hulle meer as R300 000 ingesamel het. 

Tog . . . .  Met hulle telethon vir Renosters het hulle oor ‘n miljoen rand ingesamel.  Goed, renosters skree dalk harder.  Hulle baklei vir oorlewing en elke renostermoord haal die nuus.  Hulle ly nie in stilte nie.  Maar renosters gaan nie in die toekoms onder ander renosters stroop nie.

Dam toe

Hallo Maatjies

😯  Ek het altyd gedink die Kaapplek het net ‘n blou dam.  Ek het nog nie die blou dam gesien nie en Merriegriet wil my nooit gaan wys waar dit is nie.  👿  Sy is so sturrip, sy sê die see is die blou dam.  🙄  Weet sy dan nie dat die see baie groter as ‘n dam is nie.

Hierdie dammetjie is in ‘n silwer myn.  😀  Ek weet van silwer, in Blommeland is daar ‘n silwer angelier wat opgepas moet word.  😡  Die perse wil dit altyd steel omdat sy jaloers is. 

Ek wou nog vissies vang by die dam, maar ek het so ‘n klein bietjie my vistang by die huis gevergeet.  😳  Die vissies wou nie kom toe ek hulle geroep het om met my te speel nie.  😦  Hulle vlieg ook te vinnig vir my om hulle te vang.  😈  Simpel goed. 

More moet ek blasies gaan soek.  😯  Merriegriet het my nie vertel ons gaan weer Kaapplek toe nie.  Dit is al waar ek blasiegoed gesien het.

Tata Maatjies