Heksery

Lief soos ek vir geskiedenis is, is daar ‘n paar gebruike van ‘n eeu of twee gelede wat my skok.  Dit is veral die wreedheid wat mense teenoor mekaar getoon het.  Ek stel menswaardigheid nogal hoog op prys.  Ek glo dat ‘n mens se menswaardigheid nie gemeet word aan die omstandighede waarin hulle woon nie.  Omstandighede kan tog in ‘n oogwink verander word.  Jou eie menswaardigheid word gemeet aan hoe jy mense behandel. 

Van die oogpunt wonder ek dikwels of van die mense in die verlede as mense gesien kan word.  Die bloeddorstigheid, nie net van die mense nie, maar ook wat in die gereg gebruik het.  Barbaars is amper die woord.  Onmenslik.  Dierlik.  Maar ek dwaal af. 

In die verlede was daar dikwels gepoog om heksery met wortel en tak uit te roei.  Iemand wat van heksery verdink, is lewendig op ‘n brandstapel verbrand.  Ek mag verkeerd wees, maar die stryd teen heksery het verder gestrek as net onder Christenne.  Tog was dit veral onder die Christenne wat heksery uit die bose gesien was.  Boosheid kon onder geen omstandighede geduld word nie, al sou jy die boosheid met boosheid moet beveg.  As een booswig ‘n ander booswig regsien maak dit die eerste booswig minder boos?

Ontstellend soos wat dit is om te besef wat met hekse gedoen is, is dit nie eers die ergste nie.  Jy hoef net van heksery VERDINK te gewees om ‘n enkelkaartjie brandstapel te wees.  Sou iets buite die “regter” se ervaringsveld wees, sou dit as heksery gesien word.  Iets onverklaarbaar was ‘n teken van heksery.  Niemand sou juis belanggestel het om die arme heks se kant van die saak te hoor nie.  Ek wonder hoeveel mense het heel onskuldig op die brandstapel geland?

Gelukkig lewe ons in die tweede millenium en sulke dinge gebeur nie meer nie.  Waarskynlik net omdat die wet nie meer toelaat dat iemand op ‘n brandstapel verbrand kan word nie.  Daar is heelwat mense wat vandag nog so teen heksery as ‘n paar eeue gelede is.  Ek het selfs al verneem van ‘n kerk wat mense van heksery verlos.  Hulle diagnoseer selfs klein babas as hekse.  Gelukkig probeer hulle darem nie die heksery wegbrand nie. 

Dit gaan dikwels tot fiktiewe karakters.  Daar was al mense wat gevoel het Liewe Heksie is boos.  Ek het al fronse en afkeer gesien as Laviga saam met my uitgaan.  Dit is al asof mense nie elke geval op meriete wil beoordeel nie.  As iets effens na ‘n heks lyk is dit boos en moet dit weg. 

Vandag wil ek weet hoe voel julle oor hekse?  Glo julle aan heksery? 

Breinvasbrand:  Watter Shakespeare drama gaan oor die voorspelling van 3 hekse oor ‘n man?  (Bubble, bubble, toil and trouble)

Breinlosbrand:  Seegogga was reg met 90 grade.

Lunch Week 15

Toorwoorde

1. Wat beteken “chauffeer”?
2. Wat beteken die afkorting “tel.”?
3. Wat beteken die uitdrukking “elke man soen sy vrou op sy eie manier”?
4. Gee ‘n sinoniem vir “krabbel” (6 letters)?
5. Herrangskik die volgende in ‘n sinvolle woord:  MENTONUM

Selfoon Wraak

Ek dink my sinisme en uitgesprokenheid teenoor selfoonmaatskappye het my ingehaal.

Ek kommunikeer hoofsaaklik met sms’e en deesdae neem dit ure om by iemand uit te kom.  Nog erger, hulle sms’e neem ure om my te bereik.  Mense gaan dink ek ignoreer hulle, maar dit kom regtig eers iewers in die middel van die nag by my aan.

Sukkel net ek daarmee?

Weet iemand dalk van ‘n paar goed afgerigte posduiwe wat ek teen ‘n winskopie kan kry?

Koerantbrokkies

‘n Staatgetuie, Deon van Deventer, in ‘n saak teen 17 Renosterstropers wil glo nie meer getuig nie omdat hy lo onbehoorlik beïnvloed is en vir sy en sy gesin se veiligheid vrees.  Hy is ‘n kerngetuie in ‘n saak wat teen onder meer sy André van Deventer (36 – sy broer), Gert Saaiman (48), en George Clayton Fletcher (32).  Deon van Deventer was glo twee keer deur ‘n private speurdiens in die tronk besoek wat hom probeer omkoop om nie te getuig nie of vals te getuig.  Die ondersoekbeampte in die saak is ook deur die mense genader.  Iets vertel my dat ons nog net die punt van die ysberg beet het.

De departement van kuns en kultuur is glad nie gelukkig daarmee dat Erfenisdag deesdae as braaidag gesien word nie.  Volgens hulle is dit onpatrioties.  Zuma het hulle in Maart gevra om vakansiedae te hersien en die departament het nuwe benadering om nasionale dae te vier en wil innoverende maniere bekendstel om alle sektore van die Suid-Afrika te betrek.  Volgens Phakamani Mthembu, direkteur van lewende erfenis:  “Mense kan nie Erfenisdag verander na Nasionale Braaidag nie. Erfenisdag is Erfenisdag. Dit is onpatrioties om Erfenisdag se naam na Braaidag te verander.” Van my hoekie lyk dit of Nasionale Braaidag ‘n groter trefkrag het.  Suur druiwe.

In Chili is hulle darem besig om die mynwerkers te bevry.  33 mynwerkers word nou al vir langer as twee maande ondergronds vasgekeer.  Florencio Avalos (31) is die eerste van die myners wat ‘n paar uur terug bevry is.  Sy broer is ook in die myn vasgekeer en sal 25ste gered word.  ‘n Tweede en ‘n derde mynwerker is kort na hom bevry.  Moet my eerder nie vra hoe die volgorde van redding so presies vasgestel is nie.

Suid-Afrika het ‘n tweede termyn op die Verenigde Nasies se veiligheidsraad gekry.  Suid-Afrika en Columbië is sonder teenstem vir ‘n tweede termyn verkies.  Suid-Afrika, Duitsland en Indië poog baie hard om ‘n permanente setel saam met Brittanje, China, Frankryk, Rusland en die VSA te beklee.

In die naam van transformasie wil die departament van Kuns en Kultuur al die museums in Bloemfontein onder een bestuur laat saamsmelt.  Volgens hulle is die senior bestuurders van museums meestal bleek, manlik en oud.  Let wel, dit is nie rassisties nie.  Museume wat geraak kan word is orlogsmuseum van die Boererepublieke, die Nasionale Museum en die Nasionale Afrikaanse Letterkundige Museum en Navorsingsentrum.  Pauline Khunou, ’n ANC-LP, het gekla dat die Oorlogs Museun steeds ‘n wit instelling is.  Volgens haar:  “Ons mense (bedoelende swart??) hét die nodige kennis en mag nie langs die kantlyn geskuif word bloot omdat hulle nie die grade het nie. Transformasie sal nooit werklikheid word as iets drasties nie gedoen word nie.”

Volgens Phakamani Mthembu, ’n direkteur van die departement van kuns en kultuur, is dit ’n wanindruk dat Afrikaanse name toenemend verdwyn.  Sedert 2000 het glo net ‘n derde van 328 pleknaam veranderinge Afrikaanse name geraak.  Daarteen oor is daar net 3% nuwe woonbuurte met Afrikaanse plekname gekry.  Die meerderheid het glo Engelse name gekry.  Mthembu:  “Afrikaans vind eintlik baie baat. Dink aan ’n naam soos Diepsloot vir ’n plek waar daar nie wit mense woon nie.”  Hmmm – ja.  Dink aan Nelspruit, Witbank, Piet Retief ens. ook.

Het ek al genoem ek hou nie van die departament van Kuns en Kultuur nie?   Ek skree vir die privatisering van alle Kuns en Kultuur.

Verjaarsdae:  In 1362 het die Engelse Kansellier die parlement die eerste keer in Engels geopen.  Wat het hulle voor dit gebruik?  In 1884 is die Greenwich tydlyn as die universiele mediaan vir tyd gesien.  Die eerste elektron mikrograaf van die Ebola virus is in 1976 gekry.

Die Ysterdame, Margaret Thatcher self, verjaar vandag.  Sy word 85.  Saam met haar verjaar Paul Simon; Kelly Preston en Sacha Baron Cohen.

NS:  Mag ek noem dat hierdie my 800ste skrywe is?