Konsert-Kersfees

Al die winkels sê dat die amper Kersfees is.  Die Merriegriet sê Kersfees is net 7 slapies weg.  Sy het dit vir my vir my eie ore op die salmander gewys.  Ek sien die groen takke met balle en liggies, ek sien die Kersvader op wie se skoot die maatjies sit en vertel wat hulle vir Kersfees wil hê.  Maar dit voel amper soos konsert.  Almal speel-speel sommer dat dit Kersfees is.

Gewoonlik moet ek tjoef-tjaf deur die winkels vlieg as dit amper Kersfees is.  Die jaar kan ek my besem buite los.  Daar is so min mense in die winkel, ek is glad nie bewortel dat iemand op my gaan trap nie.  Die maatjies loop ook almal mooi stadig, nie soos ‘n weghol kar op spore nie. 

Ek het maar op die bankie gaan sit en gewonder hoekom die mense Konsert-Kersfees hou.  Is dit nie meer vir hulle lekker nie?  Merriegriet sê hulle lyk so sout omdat die winkels so duur is.  Ek dink nie dat dit al rede is nie.  Die maatjies hou Konsert-Kersfees omdat hulle nie ‘n keuse het nie.  Hulle wil nie regtig Kersfees hê nie.

Dit is hoekom hulle vir mekaar knor en mens uit die pad stamp.  Hulle wil nie die Tannies gebetaal om hulle geskenkies toe te draai het.  Hulle wil nie vir die weeskindertjies presentjies koop nie.  Kersvader het tot vir my gesê hy is nie lus vir my simpel heksstories nie.  Hy moet maak of hy na al die maatjies se wense luister.

Die Tannies en die Tannie-Ooms wens eintlik dat dit nie Kersfees is nie.  Daarom sê hulle vir niemand geseënde Kersfees nie, hulle wil nie eers aan Kersfees dink nie.  Hulle wil nie bly en vrolik wees nie.  Hulle kan nie eers meer glimlag en lag nie.  Hulle wil net kwaai wees en soos die ou Perse lyk.

Ek wil regtig Kersfees hou.  Ek wil liedjies sing en koekies bak en vir die Tannie-Oom wat honger is ‘n lekker kossie gee.  Ek wil kerk toe gaan en kyk hoe almal bly is dat dit Kersfees is.  Ek verlang sommer na my Ouma en al die kabouters. 

😥

Breinvasbrand:  Wie het besluit dat Kersfees op 25 Desember gevier moet word?

Breinlosbrand:  Olga was reg met Dawid Minnaar.

Nuusbrokkies

Freedom Hadebe is Sondag gevang waar hy teen 190 km/h in sy Audi A4 ry.  Hy het gister in die hof verskyn.  Hadebe erken dat hy die spoedgrens oortree het, maar kan nie glo dat hy 190 km/h gery het nie.  Sy saak is uitgestel tot hy regsverteenwoordigheid bekom het.  ‘n Man wat op dieselfde plek in hegtenis geneem is omdat hy 196 km/h gery het, het ‘n R7000 boete of 3 maande tronkstraf gekry. 

Jurie Els het ‘n saak van laster teen Robbie Klay oopgemaak.  Hy sê dat hy bereid was om die hof se uitspraak te aanvaar, maar dat Klay se uitsprake in koerante en tydskrifte net te veel is.  Klay sê hy sal sy volle samewerking aan die SAPD gee en reken dat hy sommige van die uitsprake nooit kwyt geraak het nie.  Els sê voorts dat molestering een van die grootste gruwels in die samelewing is.  Els hou blykbaar van dogtertjies ook, hy het genoem van ene Machel Mostert, wat aan kanker gely en herstel het.  Sy was 15 toe sy in ‘n motorongeluk dood is.  Verder het hy Sonja Heroldt en Patricia Lewis uitgedaag om teen hom te getuig en gevra hoekom hulle dit nie reeds met die eerste saak gedoen het nie.  Heroldt het in reaksie gesê dat sy nie gedagvaar was nie en Lewis het deur haar man laat weet dat sy nie deur die media daaroor gaan praat nie.

Druk op Gareth Cliff neem toe om verskoning te vra vir sy onsensitiewe aanmerkings op die dood van Manto Tshabala-Msimang.  Cliff het blykbaar elke Suid-Afrikaner in die skande gesteek met sy opmerking.  Cliff het op blykbaar op twitter gesê:   “Manto is dood. Goed so. ‘n Selfsugtige en bose knoeier van die laagste orde. Vrot houding en galsterige lewers…”

Jacques Mostert, ‘n Downsindroomlyer, het sy hond, Caesar teruggekry.  Caesar is by ‘n besigheid in Pretoria Wes aangetref, waar hy vuil onder bokse weggekruip het.  Hy het ‘n sny in die been gehad en het ongeveer 4 kg verloor.  Jacques kan glo nie ophou om Caesar te druk en te soen nie. 

Ten slotte:  Suid-Afrikaanse mans verkies sport bo seks.  Soveel dat hulle blykbaar die wêreld se derde beste minnaars is.