Chariots of Fire 010

Algemene Kennis

1. Wie was die regter van die tussen Jurie Els en Robby Klay?
2. Wat het King Camp Gillette en William Nickerson uitgevind?
3. As wie is Dana Elaine Owens beter bekend?
4. Wie was die skepper van Sun International?
5. Wie het Stille Nag gekomponeer?

Uilspieel 

1. Penny Coelen; Magaret Gardiner; Michelle McClean
2. Buffel; Kameelperd; Renoster
3. Angel; Losing my Religion; Bang and Blame
4. Istanbul; Banjul; Tripoli
5. Riki Lake; Michelle Pfeiffer; Ellen DeGeneres

Liedjiepret

Ek is mal oor ‘n reënerige aand.  Met weerlig wat die hemel verlig en donder wat die aarde laat bewe.  Groot druppel wat die grond laat afkoel.  Daar is seker diegene wat bid dat dit mans moet reën, maar dit gaan seker ‘n morsige affêre af gee.  Veral as dit hard reën, daar gaan dan beslis bloed op die dansvloer wees.  Dink net aan al die versekeringseise?  ‘n Man het my dak in sy kanon in geval. 

Nommer kopkrap

 4; 5;  __; __; 44

Toorwoorde

1. Teelbal?
2. GJA?
3. _ _ D _ W _ R
4. HAMNUIS  –  Leidraad:  mensliewende

Bo Redelike Twyfel

Ek wonder soms of ek nie ‘n goeie prokureur sou maak nie.  En ek bedoel om iemand te verdedig in die hof.  Die bewyslas is op die staat.  Jy moet net gate in hulle bewyse steek of op die minste redelike twyfel skets.  Niemand kan skuldig bevind word as daar wel redelike twyfel is nie.  Redelike twyfel het met welsprekenheid te doen en soms ‘n goeie skoot intimidasie.  Ek kan intimidasie doen. 

Jurie Els is gister vry gespreek op alle klagtes teen hom.  Die regter het ‘n paar interessante goed kwyt geraak.  Volgens Els het die waarheid geseëvier, maar ek wil graag direk hier aanhaal. 

“het ’n suspisie teen die beskuldigde, maar ’n suspisie is nie genoeg nie”.

Eerstens dat Klay beslis motief gehad het vir sy aantygings, Huisgenoot het hom R10 000 vir dit betaal.  Klay was glo ‘n patetiese getuie, wat homself weerspreek het.  Klay was die enigste getuie en dat sy geloofwaardigheid “ernstig gewankel het”. 

Klay is wel gemolesteer iewers in sy lewe.  Dr Elsabé Swanepoel kon die hof daarvan oortuig as ‘n onafhanklike sielkundige.  Die wie kan nie uit ongeloofwaardige getuienis bewys word nie.  Die hof kon hom glo ook nie as ‘n totale leuenaar afmaak nie. 

Die regter het ook genoem dat jaloesie van “een of beide partye nie uitgesluit is nie.”  Die regter het ook aangedui dat Els se breedsprakigheid hom nie beindruk het nie.  Els was glo daarop uit gewees om sy eie beuel te blaas. 

Chris Eksteen het ook uitgewys dat Els niks gedoen het om Klay te help nadat hy vermoed het dat Klay wel gemolesteer het nie.  Volgens hom het Els het as pa-figuur soveel te meer die plig gehad om die “whistle blower” daaroor te wees. 

Het Els regtig rede om fees te vier?  Ek dink daar is redelike twyfel daaroor.