Spieëltjie, spieëltjie aan die wand . . .

Hoekom wil jy as ek jou breek my aanrand?

Almal weet dat as jy ‘n spieël breek dat jy 7 jaar lank deur die ongeluk getref gaan word.  Al ooit gewonder waar kom die storie vandaan?

Blykbaar gee ‘n spieël nie ‘n weerspieëling van jou bakkies nie, maar eerder van jou siel.  Wanneer jy dus ‘n spieël breek, breek jy jou siel.  Daar is dan niks om jou van onheil te beskerm nie, dus gaan die ongeluk jou ry.  Daar is darem ‘n ligpuntjie aan die einde van die tonnel.  En nee, dit is nie die duiwel met ‘n flits nie.  Jou siel word elke 7 jaar hervorm. 

Interessant.  Ek wonder nou net wat gaan gebeur as jou huidige siel dalk 6 jaar oud is?

Jy kan natuurlik die vloek breek.  Een manier is om die spieël te begrawe sodat niks daarin weerspieël kan word nie.  Anders kan jy die spieël vergruis tot dit net stof deeltjies is.

Klink na moeite.  Ek dink ek gaan spieëls vermy. 

Het jy al ‘n spieël gebreek?  Het die ongeluk jou gery?

Breinvasbrand:  Wat word die vrees vir spieëls genoem?

Breinlosbrand:  Olga was reg met Levi Spear Parmley.

Koerant Brokkies

Garibaldi het vir die oudste oorlewende Sonopper gaan kuier.  Ds Bertus van Wyk (97) is ook waarskynlik die oudste oorlewende NG predikant.  Garibaldi is Sonop se mascot, wat net soos in Van Wyk se tyd steeds meestal weggesteek word.  Van Wyk was in die 30’s in Sonop, maar sy Garibaldi beker is onlangs gebreek.  Hy wou dit graag vervang en Sonop het die nodige gedoen.

Die Berlyn Muur het gister 20 jaar gelede geval.  Nog ‘n stuk geskiedenis wat ons bevoorreg was om op die tv te sien.  Dit was gevier om Domino’s omtrent 1.5 km ver te laat val. 

Die regering is nog vas van plan om met die Nasionale Aftreefonds in werking te stel.  Blykbaar is daar 2 jaar gelede gevind dat Suid-Afrika dit kan bekostig.  Die idee is om almal te dwing om vir hulle ou dag te sorg en sommer oor armoede van die fonds af te verlig. 

Eers bedank Jacob Moroga, toe is daar kastig op hom gepik omdat hy swart is en nou is hy terug by ESKOM.  Die voorsitter van ESKOM, Bobby Godsell, bedank omdat die regering nie hulle besluite kan aanvaar nie. 

Robbie Klay het blykbaar vir Huisgenoot gelieg.  Ek is nie presies seker waaroor nie, maar daar was blykbaar wel anale penetrasie nadat Klay 16 was. 

Ten slotte, die 24 jarige Cindy Snyman was gister in die Ermelo Hof omdat sy haar man, Jan Snyman (31) laat doodskop het.  Hulle het 2 kinders gehad.  Snyman het iemand gesoek om haar man te vermoor en Ben Smith het aangebied om hom skrik te maak.  Hy het Jan Snyman na die industriele gebied gelok onder voorwendsel om hom werk aan te bied.  Daar het hy hom erg aangerang en met staalpuntskoene teen die kop geskop.  Dit was wat die dood veroorsaak het.