Wanneer is higiene te veel?

9 11 2009

Daar is ‘n fyn lyn tussen goeie persoonlike higiëne en kompulsiewe obsessiewe gedrag. 

Een van die beste maniere waarop siektes voorkom kan word, is om gereeld hande te was.  Die siektes wat babas dikwels in hospitale opdoen is dikwels die direkte oorsaak van een of ander versorger wat nie hulle hande gewas het nie.  Gereeld hande was is ook die een aksie wat effektief verkoues en griep kan beveg.

Te van ‘n goeie ding, is ook nie meer goed nie.  Daar kan, snaaks genoeg, te veel klem op persoonlike hygiene geplaas word.  Dit is seker die oomblik waar jy ‘n pyn nie net vir jouself, maar ook vir ander mense word. 

‘n Bietjie bakteriee het niemand al doodgemaak nie.  Die teendeel kan selfs waar wees.  Vraag is waar is te veel waar hygiene te sprake is?  Watter gewoontes laat dalk veel te wense oor?  Waar val jy?

Breinvasbrand:  Wie het eerste vorm van tandeflos uitgevind nadat hy in 1815 voorgestel het mense moet met sy flos tussen hulle tande skoonmaak?

Breinlosbrand:  Olga was reg met Glossophobia.





Verkorte Koerante Brokkies

9 11 2009

Dit was altyd stel ‘n strik vir iemand en val self daar in.  Deesdae is dit wees versigtig wie jy skiet, of skiet jou eie penis af.  Die rower wou in Queenswood ‘n gesin van 12 skiet en het die vuurwapen uit sy sak gehaal.  In die proses het ‘n skoot afgegaan.  Nog ‘n rower is deur ‘n volwasse seun in die kop gewond en gedood.

Daar word geëis dat ‘n onwettige steenkoolmyn, Vuna, gesluit word.  Die myn is een van die wat nie ‘n wettige waterlisensie het nie.  Die omgewing waarin die myn geleë is, is so sensitief dat daar nooit gemyn mag word nie.  Vuna het ongeveer 300 000 ton steenkool uitgevoer.

Geriewe in die Pollsmore Tronk in die Weskaap is opgradeer vir die babas wie se ma’s gevangenisstraf uitdien. Die babas mag by hulle ma’s bly tot hulle 2 jaar oud is en daar is tans 120 kinders in die tronk.  Die selle waar die kinders slaap word nou meer kindervriendelik gemaak.  Een van die gevangenes het versoek dat die staat familielede moet toelaat om die kinders naweke uit te neem.

Ten slotte, enige Suid-Afrikaner wat glo dat sy lewe in gevaar is aansoek doen vir BBP beskerming.  Malema se beskerming wat sowat R300 000 gaan kos, is dus geen spesiale guns nie.  Wag net tot ek weer ‘n blogherrie iewers veroorsaak.  Ek gaan dan op my regte aanspraak maak.