Trompie en Saartjie

Is daar iemand in Suid-Afrika wat nie weet wie loop ingeduikte skoene, sokkies om die enkels en ‘n hemp wat agter uithang nie?  Dit is die grootkaptein van die Boksombende.  Wat die beste rugbyspeler en bokser is wat ooit gebore is, boonop is hy die ondeunste seun nog.  Sy vriende: Rooies, Blikkies en Dawie is nie ver agter nie.  Mens moet ook nie van Boesman of Karien – die halwe Boksombende lid – vergeet nie.

En dan is daar mejuffrou Bauman, met haar getroue volgelinge Anna en Lina.  Muggie ook, maar sy is nie veronderstel om agter hulle aan te tou skool toe.  Hulle is altyd laat vir skool, veral omdat sy eers die blokke voor haar huis moet spring.  Mens breek mos nooit ‘n belofde nie, nie eers aan jouself nie.  Apie, haar broer en Galpil, die liefdesbelangstelling, is ook altyd naby.

Almal het op een of ander tyd al ‘n Trompieboek gelees.  Die reeks van Topsy Smith was al verskeie kere op televisie gewees en daar is ook die liedjie wat menige van ons al kliphard gesing het. 

Bettie Naude se Saartjie was dalk meer beperk tot meisies, maar dit het ook al ‘n draai op tv gemaak.  Minus natuurlik die trefferliedjie.  Ek het ook al boeke gelees waar Trompie en Saartjie mekaar ontmoet, tog kan daar nie 2 onoorwinlike helde in een boek wees nie.

‘n Mens kan amper sê dat die twee Afrikaanse ikone is, legendes op die minste.  Ook geen wonder nie.  Hulle spog met dieselfde skrywer, MG Smith, ‘n laerskoolhoof  van Johannesburg.  Ja, Saartjie is deur ‘n man geskryf.

Tipies sal die internet weer baie beperk wees met inligting oor ‘n ou Suid-Afrikaanse skrywer.  Smit is op 22 Julie 1914 in Parys gebore.  Hy het in die Vrystaat en Pretoria groot geword en het ‘n B.A. graad in Stellenbosch behaal.  Hy het in Afrikaans en Engels gespesialiseer.  Hy was ook ‘n uitstekende sportman wat veral van boks, atletiek en rugby uitgeblink het.  Net soos Trompie.

Verder het hy ‘n Liggaamsopvoeding en ‘n Hoër Onderwys Diploma behaal.  Natuurlik was daar vir hom geen ander keuse as om ‘n onderwyser te word nie.  Hy het dus kinders geken en geweet wat hulle sal interesseer of pla.  Hy het later as hoof van  Laerskool Sandringham afgetree.  Hy is in 1985 dood.

Glo jy dat Smith regtig die kern van kindwees in sy boeke vasgevang het?  Sal jy nog ‘n Trompie of Saartjie boek lees as dit in jou skoot land?

Breinvasbrand:  Wat was die Boksombende se roepsein?

Breinlosbrand:  Olga was reg met De Burger.

Vorige lewens

Sonkind vertel dat sy in haar vorige lewe ‘n Idiaan was.

Ek was in my vorige lewe ‘n seerower.  Nie enige seerower nie, ek was Grace O’Malley.  Die seerower koningin, wat Koningin Elizabeth die Eerste  en haar gesante op hulle neus laat kyk het.  Sy het boonop Elizabeth as haar gelyke behandel, juis omdat sy haarself as Ierland se koningin gesien het.  Baie ongehoord in die tyd.

Wat was jy in jou vorige lewe?  Weet jy dalk wie jy was?  Wees maar oorspronklik, niemand gaan kyk of jy dalkies jok nie.

Koerant brokkies

Charla Nash van New Haven, VSA, dagvaar die staat nadat ‘n sjimpansee haar hande, lippe, neus en ooglede afgeruk het.  Dit het haar blind gelaat.  Die sjimpansee, Travis (90 kg), se eienaar het Nash gevra om te help om die  terug te lok huistoe.  Die $150 000 eis is gegrond op ‘n bioloog se waarskuwing aan die owerhede dat Travis gevaarlik kan wees, waarna niemand opgetree het nie. 

Sorg vir die militêre veterane of . . .  Dit is in kort wat Thabang Makwetla, adjunkminister van verdediging en militêre veterane, vir die parliment gister vertel het.  Blykbaar moet daar onthou word dat die veterane militêre opleiding het en dat stabiliteit in SA nie gewaarborg kan word as hulle nie betaal word nie.  Klink na afpersing vir my. 

Iets wat my nogal geinteresseer het is ‘n saak wat teen ‘n Welkomse Dominee terug getrek is weens menslike redes.  Hy was aangekla omdat hy nie die molestering van ‘n 9 jarige meisie aangemeld het nie.  Art. 54 van Wet 32 van 2007 verplig enige iemand, uitsluitende prokureurs, om die polisie in kennis te stel as ‘n kind of ‘n gestremde persoon seksueel gemolesteer word.  Ek het gemengde gevoelens daaroor.  Sekerlik moet daar ‘n vertrouings verhouding tussen ‘n predikant en skapie wees.  Tog kan ‘n monster ongestoord verder molesteer terwyl krokkodil trane by die dominee huil.  Hoe voel julle?

In dae van ons roof, is ‘n vrou en haar baba in Hartebeespoort met ‘n gas aan die slaap gemaak voordat .  Die rowers het die ma toe met ‘n morfien kombinasie ingespuit en verkrag voordat hulle die huis beroof het.  In ‘n ander voorval het ‘n gesoekte rower homself geskiet toe wagte hom op heterdaad betrap het toe hy ‘n huis in Honeydew betrap het. 

Die Dusi Kano Marathon is eers in Januarie, maar die organiseerders krap reeds kop met die krokodile wat in die Dusi opgemerk word. 

‘n Man het ten minste 12 h lank met ‘n koeël in die bors naby die skietbaan in Bapsfontein gelê nadat hy en sy vrou in die omgewing gekaap is.  Die kapers het met sy kar en vrou gevlug.  Sy het ontsnap en die polisie inroep om haar man te gaan soek. 

Helen Peens (44) is gister vir die eerste keer tronk toe nadat sy al as 9 jarige al begin steel.  Bedrog het haar op die einde ingehaal.  As 9 jarige het sy die kafee eienaar waar sy gewerk het pille ingegee en dan vir haar gesin hamburgers gemaak terwyl hy geslaap het.  Sy was arm groot geword en het skool op 15 met ‘n gr 7 agter haar naam verlaat. 

En dit is die nuus.