Koevoet

Die kinders van die 80’s, 90’s en moontlik selfs die 70’s het vaagweg ‘n idee dat ‘n koevoet ‘n implement van een of ander aard is.  Min van ons het dit al gebruik.  Die van ons wat dalk ‘n bietjie meer belese is sal weet dat daar op ‘n stadium ‘n militêre eenheid was.  Wat hulle doel was en hoe hulle gewerk het, is vir ons ‘n raaisel.

Ek het ‘n bietjie gaan rondkrap en dit is wat Wikipedia oor Koevoet te sê het.  In hierdie geval dink ek dit is belangrik om te doen dat die wat die waarheid ken, nie praat nie.  Wiki spekuleer ook maar, maar dit is seker net so ‘n goeie bron as enige ander.

Aan die einde van die Eerste Wêreld Oorlog is Suidwes aan Suid-Afrika se beskerming oorgedra.  In die 60’s het baie van die Suider-Afrikaanse lande begin veg vir onafhanklikheid.  Guerilla groepe het begin oorlog voer teen die koloniale magte.  Die groepe was veral deur Rusland en China geondersteun wat gehoop het om ‘n voet in Afrika te kry.

Suid-Afrika het in die die tyd kommunisme begin vrees.  Al was daar nog nie geweld in Suid-Afrika nie, het dit stelselmatig nader gekom.  Suid-Afrika wou nie hulle beheer oor Suidwes verloor nie.  Hulle het volgehou dat die Liga van Nasies hulle beheer oor Suidwes gegee het en dat die Verenigde Nasies dit nie kan weg neem nie.  Die stelling was 2 uit 3 kere suksesvol in Den Haag verdedig.

Soos die meeste eie lande het Suidwes (nou Namibië) ook ‘n stelsel gehad waarin die polisie gebruik word vir wetstoepassing – veral binne die grense – en die weermag die volk moet verdedig.  Insluipelaars is aanvanklik as algemene misdadigers gesien.  Dus ‘n takie vir die polisie.  Die polisie was egter nie toegerus gewees om hulle self teen militêre wapens te kan verset nie.  Dus is Koevoet gestig.

Koevoet moes dus die grens van Suidwes verdedig.  As Suidwes vry van guerilla groepe sou wees, was Suid-Afrika self ook beskerm gewees.  Koevoet was ongeveer ‘n 1000 man sterk gewees.  Die oorgrote meerderheid wat Ovambo of Boesmans gewees (spesiale konstabels), met ‘n paar wit beveelvoerders.  Daar was Koevoet eenhede in Kaokaland, Kavango, en Ovambo, met die basis in Oshakati. 

Die wit bevelvoerders was gewoonlik polisielede wat verdere militêre opleiding ondergaan het.  Die gekleurde lede was ook intensiewe infanterie opleiding gegee, maar daar was ook van hulle gewees wat “bekeerde” SWAPO lede was.  Daar was 40 – 50 lede in ‘n platon wat ‘n verskeidenheid voertuie gehad het. 

Groepe was ‘n week lank bos toe gestuur.  Hulle moes insluipelinge opspoor en doodmaak.  Basies het iemand te voet spoor gesny tot daar ‘n verdagte spoor gevind is.  Die hoeveelheid van die groep was vasgestel en hoe ver hulle vooruit was.  Die Koevoet groep sal hulle dan van voor af ingewag het. 

158 Koevoetlede is in aksie dood, maar hulle het meer as 3600 Swapo lede doodgemaak.  Dit beteken dat hulle ongeveer 25 Swapo lede doodgemaak het vir elke een lid wat hulle verloor het.  Koevoet lede het geld gekry vir die Swapolede wat hulle gedood of gevang het.  Daar was glo nogal sterk kompetisie onder die groepe gewees om te sien wie die meeste ekstra geld kan maak.

Koevoet was kort voor die eerste verkiesinglede ontbind en is in die polisie opgeneem.  Daar was gevrees dat hulle die SWAPO ondersteuners kon intimideer.

Breinvasbrand:  Waarvoor staan SWAPO?

Breinlosbrand:  Olga was reg met Henry Dunant.

Wat is die probleem met gays?

Ek is onlangs my mening gevra op die volgende vrae.  Die persoon is gay en het dit nodig vir navorsing wat hy op die oomblik doen. 

1. Hoekom word gay mense gehaat?
2. Wat kan gay mense doen om meer aanvaarbaar te wees vir die gemeenskap?

Gee my julle menings en ek stuur dit vir hom deur.

Koerantverkoper

Nog ‘n dag, nog ‘n glanspaar wat dit nie maak nie.  Die keer is dit Minki en Constant Visser wat na 2 jaar gaan skei.  Ek is nie juis verbaas nie.  Kan enige glanshuwelik dan hou?

Jeanine Ferreira is deur ‘n uitsmyter in Fourways aangerand.  Die uitsmyters het haar eers toegang gevra van R200, maar die kassier het bevestig dat die toegang gratis is.  Binne wou Ferreira kla oor die uitsmyters en dit was toe dat die een haar teen ‘n muur gegooi en geskop het.

Kan julle glo, al die ministers het nog nie karre nie.  Sicelo Shiceka, minister van koöperatiewe regering, het 2 motors teen R1.6 miljoen aangekoop.  Ironies genoeg is beide karre 2008 modelle.  Sy adjunk, Yunnus Carrim, se twee Touaregs het saam maar R685 376 beloop, minder as 1 van Shiceka se motors. 

Daar word gereken dat ‘n tweede uitbreek van varkgriep SA nog voor die winter kan tref.  Een van die kenmerke van die H1N1 virus is juis sy onvoorspelbaarheid. 

Nege olifante is naby Bulawayo ontdek wat wreed mishandel en wanvoed is.  Die olifante sou vir toeriste safari’s ingebreek word.  Een olifant het reeds weens wanvoeding gevrek.  Olifante is aan die een been vasgeketting en dan van ‘n afstand gevoer sodat hulle op 3 bene moes vreet.  ‘n Koei en haar kalf is net-net uit mekaar uit vas geketting.  Die Internasionale Fonds vir Dierewelsyn is darem besig om die olifante na die Hwange Nasionale Park  te verskuif. 

Dit is omtrent die einde van al die ou nuus en nie-nuus in die Beeld.  Behalwe natuurlik dat Suid-Afrikaners nie kan wag om aan Oprah se lippe te hang nie.  Kaartjies na haar praatjie is binne 4 minute uitgekoop.