Dit gaan my verstand te bowe

Dit is die jaar 2009 en nog steeds word mense met tye almal soos skape in ‘n kraal gejaag.  Jy moet dalk van publieke vervoer gebruik maak (vliegtuie is ook publieke vervoer) of jy moet tou gaan staan vir ‘n paspoort.  Jy word in ‘n beperkte ruimte saam met ander Homosapiens Sapiens gegooi en jy moet dit oorleef.  Verkieslik sonder om iemand aan te rand.  Hoe nou gemaak?

Ek is oor die algemeen ‘n baie selfsugtige mens wat nie graag deel nie.  Ek is veral mal oor my persoonlike ruimte.  Daarom kan ek die pipperella koors kry as iemand teenaan my kom staan.  Dit is veral erg as ek kan voel hoe die persoon asem haal.  Ek ly nie aan entevrees nie, maar hel.  Kan jy nie maar ‘n paar sentimeters van my wegstaan nie?  Ten minste 50 cm, maar ‘n meter as beslis beter.  Al staan jy teen my, gaan jy nie een sekonde vinniger gehelp word nie.  Ek wag ook.

Nog erger – daar is altyd diegene wat daarop aandring om hulle liggaamsvloeistowwe met my te deel.  Dit is mos ‘n hoogsgeheime gebaar om jou kop weg te draai as jy nies of as jy hoes.  Etiket stel mos eintlik voor dat jy die swaap voor jou uit die pad uit moet hoes of nies.  Sonder ‘n verskoning. 

Daar is ook daardie narre wat jou sal bespring as jy doodonskuldig verby hulle loop.  Laat ek sommer dadelik onderskeid tref.  Daar is ‘n verskil om my beleef te nader en beskaaf met my te praat.  Moet net nie in my probeer klim nie.  Veral nie as jou asem nog boonop stink nie.  Daar skort niks met my ore nie, jy kan maar jou afstand handaf.  Ek gaan beslis nie ontvankliker wees vir wat jy wil sê nie.  Dit is een manier om my summier af te pis.

Hoekom moet iemand ook opsluit langs my kom sit as dit 10 000 ander stoele oop is? 

En my natuurlike gunsteling.  Hoekom wil jy my druk as ek nie eers weet wie jy is nie? 

Sharing is nie altyd caring nie.

Hoekom kan sekere mense nie ‘n ander se persoonlike ruimte respekteer nie?  Of is ek net vol stront?

Breinvasbrand:  Wie het die konsep van persoonlike ruimte ontwikkel?

Breinlosbrand:  Fokker was reg met 1 Desember.

Nuusbrokkies

Hoe meer dae, hoe meer dinge.  Kgalema Motlanthe reken plaasaanvalle is gewoonlik uitlanders wat voorheen op plase uitgebuit is.  Natuurlik is die VF+ glad nie gelukkig hiermee nie en met goeie reg ook sal ek dink.  Werner Weber het uitgewys dat in die meeste plaasaanvalle die aanvallers en slagoffers mekaar nie ken nie. 

Manto Tshabalala-Msimang wag al weer op ‘n lewer.  Haar liggaam is besig om die vorige lewer te verwerp.  Daar word geskimp dat dit die gevolg is van oormatige alkohol gebruik, maar Prof Del Khan sê die lewer kan net deur akute (binne weke) en chroniese verwerping verwerp word na inplanting.  Sy woorde, nie myne nie.

Gavin Brasher sou R5 miljoen gekry het om mediese afval op sy perseel in Welkom te stoor.  Die stortings terrein, die grootste nog in Suid-Afrika, is Vrydag ontdek.  Dit was alles glo ‘n komplot van ‘n opposisie maatskappy om Wasteman te diskrediteer.  Afval was op Brasher se steenfabriek begrawe en die sakke met ander rommel gevul voordat dit na die verbrandings oond sou gaan.  Brasher het ‘n kontrak om afval van Durban af na Klerksdorp toe te vervoer.  As deel van sy ooreenkoms met die opposisie maatskappy, sou hulle sy boete betaal en die afval later kom verwyder.   

Twee reserviste het ‘n vrou se aanvallers na haar huis gebring om uitgeken te word.  Wilma Coetzer is Vrydag aand na 18:00 aangeval toe sy en ‘n 12 jarige wat by haar was aangeval is.  Sy was aanhoudend in die gesig geslaan en geskop terwyl die aanvallers haar na ‘n steggie probeer sleep het.  Sekuriteitswagte het haar te hulp gesnel.  Die polisie sou die volgende dag haar verklaring geneem het.  Laat die nag het hulle die aanvallers na haar huis gebring en toe ‘n verklaring gesoek.

En ten slotte:  SWAPO se twee derde meerderheid is vir die eerste keer in 20 jaar in gedrang.  Die nuwe party Rally for Democracy and Progress (RDP) het glo goed werk gemaak in Owambo-land gevestig te raak.  Namibië het die naweek hulle verkiesings gehad.

Vigs

Daar is baie middelklas blankes wat nog dink dat Vigs ‘n swart / gay sieke is.  As jy een van hulle is, gaan die nuwe Markinor studie vir jou ‘n groot skok wees. 

Die hoofrede wat daarvoor aangevoer word is dat studente en mense in die hoër inkomste groepe hulle net bloot nie aan die gevare steur nie.  Hulle is so seker dat hulle veilig sal wees, dat hulle bloot net nie verantwoordelik seksueel optree nie.  Hulle glo hulle is verhewe bo Vigs en nou word hulle gewys dat hulle is ook maar van vlees en bloed.

Ironies!  Mens sal verwag dat juis hoë inkomste mense en studente meer kennis sal dra.  Hulle het toegang tot al die inligting op die punte van hulle vingers.  Nie juis dat inligting help as jy dit nie toepas nie.  En dit word nie.  In 2002 het 6.1% MIV gevalle gekom uit die groep, in 2005 was dit 8.5% en nou is dit al 10%.  ‘n Privaat laboratorium in Pretoria het bevind dat 40% van nuwe vigs gevalle blankes is. 

Nog ‘n “probleem” is dat die mense in die groep gewoonlik mediese fondse het.  Hulle kan dus hulle status privaat hou terwyl hulle die beste moontlike behandeling kry.  Selfs hulle vriende en naaste familielede sal nie weet dat hulle MIV positief is nie. 

Skokkend!  Hoe voel julle oor hoe Suid-Afrika Vigs bestuur word?  Is ons as ‘n land pro-aktief genoeg?  Is die boodskap van condomise genoeg? 

Ek twyfel. 

Breinvasbrand:  Wanneer is Internasionale Wêreld Vigsdag?

Breinlosbrand:  Olga was reg met First for Woman.

Stille Nag

Dit het my vanjaar onverhoeds betrap.  Kan julle glo dat dit vandag die eerste Sondag van Advent is?  Nog 3 Sondae en dit is Kersfees.  Dit is nou die tyd om weer te besin oor wat Kersfees vir elkeen van ons beteken.

Sedert Stille Nag in 1816 geskryf is deur Joseph Mohr en in 1818 vir die eerste keer gesing is, het dit beslis van krag tot krag gegaan.  Ons gaan dit vanjaar weet ‘n paar keer hoor en waarskynlik verskeie kere sing.  Dit was oorspronklik in Duits geskryf gewees, maar is intussen in verskeie tale vertaal.  Die meeste van ons ken dit seker in Engels en in Afrikaans. 

In ‘n land met 11 amptelike tale, kan dit nogal ‘n uitdadiging wees om elke jaar Stille Nag in nog ‘n amptelike taal te leer.  Waarskynlik makliker gesê as gedaan.  Die beste wat ek kan doen is om dit in nog ‘n paar Afrika tale beskikbaar te stel. 

Xhoza

Busuku obungewele
Obuzolile
Ngabo eBhet’lehem wazalwa
ObeyiNkosi yezidalwa
Ngu Yesu ongewele
NguMntwana ongewele

Sesotho

Bosiu bo kgutsitseng
Tsohle di phomotse,
Ke Maria ya hlobaetseng
Le Josefa ya tshepahalang
Bosiu bo botle !
Bosiu bo botle !

Bosiu bo kgutsitseng
Mangeloi a bina
Hamonate mane sebakeng
A utluwa ke badisana:
“Mopholosi o teng.”
“Mopholosi o teng.”

Siu bo halalelang !
Jesu ya bonolo
Lerato la hao ke le hlollang;
Le tswa molomong wa Modimo
O tswaletswe rona.
O tswaletswe rona.

Venda

1. Vhusiku ha u difha!
Na sedza! Na sedza!
Nwana Yesu o nakesaho,
Na Maria a mu lelaho.
|: Takalani nae 😐

2. Vhusiku ha u difha!
Ngevhalaa! Ngevhalaa!
Ndi vhalisa vha mu loshaho,
Khosi yavho i vha tshidzaho.
|: Gwadamani navho 😐

3. Vhusiku ha u difha!
Na zwi pfaa! Na zwi pfaa!
Ndi vharunwa vha mu rendaho,
Nga luimbo lu difhesaho.
|: Mu rendeni navho 😐

4. Vhusiku ha u difha!
Ro da-vho! Ro da-vho!
Ro da uri ri livhuhe-vho.
Ri ri: Yesu, ri hanyise-vho;
|: Tshidza-vho na rine 😐

Zulu

Busuku obuhle.
Kuthulile konke nya.
Emuzini eBethlehema,
uMsindisi azelwe kuwo.
Akadunyiswe uJesu!
Akadunyisw’ uJesu!

Busuku obuhle,
abelusi nampaya
bethandaza eBethlehema,
Nengelosi zihuba zithi:
“Gloria, Gloria, Gloria
in excelsis Deo.”

Busuku obuhle,
uMsindisi nanguya.
Eze kithi eBethlehema,
Uze kusisindisa thina.
Asimdumise simbonge
kuze kube nini.

Setswana

‘Sigo jo bo itshepileng
Tsotlhe di sisibetse
Mme wa lekgarejane le Ngwana
Lesea le boitshepo le bonolo
Robala kagisong ya selegodimo
Robala kagisong ya selegodimo

‘Sigo jo bo itshepileng,
Badisa ba a roroma ke pono eno.
Dithoriso kgakala legodimong,
Baengele ba opela Haleluya;
Kereste Mogolodi o bonwe;
Kereste Mogolodi o bonwe.

Bosigo jo bo itshepileng,
Morwa Modimo, lesedi tota la lorato.
Kgalalelo e benya ‘fatlhegong se boitshepo,
Ka tshwaro e re e lefelwang.
Jesu, Morena, tsalong jwa’go;
Jesu, Morena, tsalong jwa’go.

Kan iemand dalk help met die Tale wat afwesig is?  Wat is jou gunsteling Kersliedere?

Terloops, ek probeer ‘n versameling van Afrikaanse Kersliedere saamstel.  Enige hulp sal waardeer word.

Oplossing 009

Algemene Kennis

1.  All Whites
2.  Bloemfontein
3.  Onse Vader 
4.  Michaele en Tareq Salahi
5.  Oberammergau

Uilspieel

1.   Joe Perry is ‘n kitaar speler, die ander is dromspelers
2.   Eend is ‘n term in krieket, die ander is terme in gholf. 
3.   Maagd en Kind is ‘n werk van Raphael, die ander was gedoen deur Da Vinci
4.  Paulus is nie ‘n boek in die Nuwe Testament nie. 
5.   Dischem is ‘n apteek en die ander is meubel winkels

Liedjiepret

1. Big bad John – Johnny Cash
2. Last Christmas – Wham
3. Three times a lady – The Commondores

Nommer kopkrap

5 & 7 (Priemgetalle)

Toor met Woorde

1. Immergroen keëldraende boom met donker blare van die geslag Taxus
2. Behoudens foute en weglatings
3. Rabbedoe
4.  Staan tot volgende week oor

Chariots of Fire 009

Algemene Kennis

1. Wat word die Nieu Seelandse sokkerspan genoem?
2. Waar is die Vroue Monument?
3. Wat beteken Paternoster?
4. Wie het vandeesweek ongenooid ‘n dinee in die Withuis bygewoon?
5. Watter dorp hou elke 10 jaar ‘n passiespele na hulle ‘n gelofde in die 17de eeu gemaak het?

Uilspieel 

1. Joe Perry; Phil Collins; Roger Taylor
2. Eend, Albatros, Arend
3. Avondmaal; Mona Lisa; Maagd en Kind
4. Paulus; Lukas; Markus
5. Beares, Dischem, Morkels

Liedjiepret

Groot, stoute Johan loop ‘n entjie bo die grond.  Verlede Kersfees was maar droog gewees, ver van die huis en niemand om die dag meer te deel nie.  Die nuwe jaar het hom ‘n wonderlike geskenk gebring.  Een wat hy in sy wildste drome verwag het hy n meisie soos Madelein sal vir hom val nie.  Sy is drie keer ‘n dame, een wat enige ridder kan aankeer.  En sy is lief vir hom. 

Nommer kopkrap

 2; 3;  __; __; 11

Toorwoorde

1. Yf?
2. BFW?
3. _ _ B B _ _ _ _
4. HAMNUIS

Ek soek ook Neusskoene

GRRRRRRR.   Die Herriegriet is lelik met my!  Kom ek gevertel julle wat gebeur het.

Tannie Ousie het my gesms dat ek vir haar Sussies met blasies moet gaan doen.  Sy moet maak of sy werk by een of ander dam en kan nie meer saam loop nie.  Sy wil met die clowns gaan speel, nie met die sussies nie. 

Ek wou eers met my besem vlieg, maar Tannie Ousie het gesê ek moet dit loop.  Met skoene aan.  Ek het nie skoene nie.  Gmf, hier in die Bos Onbekend het niemand skoene nodig nie, want daar is mos nie dorings nie.  Ek het nie geld om skoene te gaan koop nie.  Ek het alles gebruik vir roomys en rooikoeldrank en persente.  Buitendien, ek gaan dit mos net een loop.  Ek het darem nog my besem.

Die Herriegriet het baie neusskoene.  Dink julle, maatjies, dat sy vir my een van haar neusskoene wil leen?  Nee, sy dink mos weer dat sy die Koningin By haarself is.  Haar neusskoene gaan my nie pas nie.  My ouma het altyd gevertel dat ‘n mens se neus groei as hulle jok, maar nie die Merriegriet nie.  Sy lieg soos ‘n tandeslyper.  Netso!

Kyk net hier.  Dit pas perfek.  (Ja ek ken soms groot woorde.)

Tannie Ougat, praat met die Merriegriet!!  Sy wil my nie hoor nie.  Boe hoe hoe!!!  😥

Breinvasbrand:  Wie is die borg van Sisters with Blisters saam met Jacaranda 94.2?

Breinlosbrand:  Fokker was reg met Shepton Dash

As die skoen pas . . .

Jakaranda het dit moes die jaar goed gedink om die slagspreek vir Sisters te maak:  If the shoe fits.  Ek het baie mooi daaroor nagedink.  Ek het nog nooit kinders of vrouens mishandel nie.  Ek het nie eers mans of diere mishandel nie.  Die skoen pas my nie, daarom gaan ek more kaalvoet loop.  Met my graaf!  Miskien sal ek wel ‘n skoen aantrek as ek ‘n verkeersbeampte met ‘n graaf bykom, maar dit sal nie mishandeling wees nie. 

Gou die finale reëlings vir more.  Ek sal julle more oggend 10:00 by die Campus Bryanston kry.  Ek sal dan julle nommers en t-hempde (vir die wat kort) oorhandig.  Laat weet my as jy nie weet waar dit is nie.

Terug na die kaalvoete.  Ek het onlangs ‘n kamermaat gekry met wie ek nie baie beindruk was nie.  ‘n Dof geel padda, omtrent so groot soos my vuis.  Hoe kan ek dit stel?  Ek hou nie van paddas nie.  Ek het geen idee hoe hy ingekom het of hoe hy (hopenlik) weer uit is nie.  Ek het hom uitgelos, in die hoop dat hy my muskiete sal vreet en my verder sal uitlos. 

Ek het hom net daardie een aand gesien.  Ek het nêrens in my huis geloop sonder skoene nie.  Ek wat gewoonlik my skoene by die voordeur los, reg om die volgende dag soos ek uitloop weer aangetrek te word.  (Hoekom kan ‘n mens nie met kaalvoete in die openbaar verskyn nie? )  Uit die oog en uit die hart, soos ek van die kamermaat vergeet het, het ek weer kaalvoet begin loop.

Gisteraand is ek in die donker gou in die kombuis aan die krap.  Skielik trap ek op iets koud.  Ek vries, ek is nie van die kleinste nie en so min as wat ek van die padda hou, wil ek hom ook nie dood trap nie.  Ek skuif my voet versigtig en knip die lig aan.

Ek het op ‘n R5 munt getrap.

Nuusbrokkies

Hestrie Els staan by haar man, sy het selfs haar terugkeer na atletiek uitgestel om hom in die afgelope twee jaar te ondersteun.  Kan ek dalk my lyf celebskrywer hou?  Elke dag die week het Beeld ‘n foto van die twee wat hand-aan-hand stap.  Jurie altyd ‘n tree agter Hestrie.  Interessant. 

Ek het al gehoor van mascots steel, maar om ‘n ander skool se leerlinge te gaan beroof?  Candy King (gr10) van Hoërskool Hercules is deur 16 skoolseuns van ‘n ander skool beroof.  Sy was hulle derde teiken van die oggend.  Een het ‘n mes teen haar keel gehou toe sy nie sonder weerstand haar selfoon en drasak wou oorhandig nie. 

Renske Snyman van Welkom het die saak teen haar seun, Zander, terug getrek.  Zander het saamgesweer om sy ma en stiefpa te laat vermoor.  Hy het blykbaar van plan verander, maar die polisie het hom 15 minute voordat hy wou bel kom arresteer. 

Roberta McBride (Robert McBride se niggie) sleep Bruce Fordyce Mense Regt Kommissie toe omdat hy haar ‘n Coconut genoem het.  Hulle het ‘n argument oor Helen Suzman gehad, McBride het gevoel dat Suzman nie enige noemenswaardige bydrae gemaak het nie.  Fordyce het haar later vertel sy het nie regstellende aksie nodig nie, want sy is ‘n coconut. 

11 mense is dood in ‘n busongeluk vanoggend.  Die Putco bus het ten minste 100 mense vervoer toe dit op die Moloto pad aan die brand geslaan het.  10 van die 11 het doodgebrand. 

En ten slotte:  Die Engelse is oorywerig en die Amerikaners is nalatig.  Michaele en Tareq Salahi het heerlik saam met die Indiese premier, Manmohan Singh, skouers geskuur by ‘n dinee in die Withuis.  Hulle was nie op die gastelys nie.  Die wonderlike geheimediens het dit eers agter gekom toe Tareq die volgende dag op haar Facebook daaroor spog.  Well, I never.

Prinses

Ek onthou ‘n Saterdagoggend in 1993 waar ek baie opgewonde na die fonds in my pa se kas gaan soek het.  Na jare se versigtige oppas het my ma uiteindelik vir Gina ‘n geskikte man gekry.  Die kleintjies is deur die nag gebore gewees.   Ek het haar bene versigtig oop getrek (daar was jare lank gespot oor die hond met haar kind) en kon net een kleintjie sien.  Die produk van ‘n swart ma en wit pa.  Die kleinste swart-en-wit-dingetjie wat 2 van my vinger litte lank was.  Jy.  Later die oggend het ons ontdek daar is eintlik 3 hondjies gewees. 

Jy was veronderstel om die bure se hond te wees.  Tog het jy jou tandeborsel by ons huis gelos, jy het altyd maar weer en weer jou op my vensterbank tuis gemaak.  In die hoop dat niemand jou gaan sien en huistoe stuur nie, min wetende dat jou stert jou altyd verraai het.  Jou ma het later die slagoffers van groot honde geword.  Nogsteeds het jy klokslag by ons opgedaag.

Tot daardie Donderdagaand toe jy per ongeluk in ons erf raak gery is.  Jy was toe omtrent ‘n jaar oud gewees.  Ek onthou hoe jy onder die wiel vasgepen was.  Ek het nog by myself gedink dat ek doodseker moet maak watter kant toe die kar moet ry, anders is jy dood.  Jy is teen die spoed van lig daar weg.  Ek het jou om die hoek gekry, toe ek aan jou geraak het, het jy my middelvinger stukkend gebyt.  Ek het vandag nog die letsel.  Nadat ek kalmerend met jou gepraat het, het jy my darem toegelaat om jou op te tel.

Jou baas het gereken dat jy geskiet moes word as jy te seer gekry het.  Die volgende dag het sy jou kom haal, maar teen die Saterdagmiddag het jy nog nie mediese behandeling gekry nie.  Dit was toe dat ek jou vir my gevat het.  Jy het jou bekken in die ongeluk gebreek.  Ek het die veearts met my sakgeld betaal en jy moes onder andere ‘n aborsie kry en reg gemaak word. 

Van toe af kon jy openlik op die bed slaap.  In die winter was dit styf teen my onder die komberse.  In die somer was dit op ‘n punt waar jy nie afgeskop sou word nie.  Soms het jy met jou kop om my kussing gelê, maar was vinnig afgesmyt.  Net omdat ek my bed met jou gedeel het, het dit nie die kussing ook ingesluit nie.

Wanneer jou hare lank was, het die mense gedink dat jy ‘n klein Engelse Skaaphond was.  Nadat ons verhuis het na ‘n huis wat nie vir jou toiletvriendelik was nie, het jy dikwels saam met ons gery.  Ek moes toe koshuis toe gaan en dit het jou ‘n ruk lank geneem om dit te aanvaar.  Jy was ‘n hond wat ‘n paar keer kerk toe gegaan het en wat self al ‘n begrafnis of twee bygewoon het. 

Jy het ‘n leeuhart gehad, jy was die dominante hond op die erf.  Dikwels was jy te dapper vir jou klein lyfie, ons moes male sonder tal keer dat jy nie een of ander groot hond die stryd aansê nie.  Ons moes dikwels keer dat jy nie ‘n kuiken ontvoer om self groot te maak nie.  Jy het die hoenders mooi aan hulle vlerke uit die huis uit gesleep.  Wanneer daar ‘n siek/swak hoender was, het jy hom opgepas tot iemand kon kom help het. 

Later het ek jou net vakansies gesien, nog later het ek jou darem een keer ‘n maand gesien. Altyd was jy uit jou vel uit om my te sien, nooit het jy my verwyt dat ek  jou solank alleen gelos het nie.  Tot daardie een naweek wat ek jou gebad het en vergroeisels by jou ontdek het.  Plaas het ek jou toe veearts toe geneem.

Die volgende maand was dit te laat.  Jou niere het begin ingee.  Jy wou nie eet nie en het melk en water opgebring wat jy wel ingekry.  Daardie Goeie Vrydag het ek jou op my bed getel (jy kon nie meer spring nie) en gebid dat jy op jou eie terme moes doodgaan.  Jy het nie.

Die veearts was simpatiek gewees, maar dit was duidelik dat jy uitgesit moes word.  Hy het voorgestel dat ons jou huistoe neem om te groet, maar ek kon jou nie langer daardeur sit nie.  Toe ek jou groet het jou oë my vertel dit is okay.  Ek het nogtans soos ‘n kind gehuil en nie omgegee wie my sien nie. 

Jy was vir my ‘n goeie hond gewees.  Ek was nie altyd vir jou ‘n goeie baas gewees nie.  Ek raak vandag nog hartseer as ek aan jou dink.  Ek sal jou altyd onthou.

Breinvasbrand:  Wie was die eerste Dulux hond wat die rol vir 8 jaar lank vertolk het?

Breinlosbrand:  Olga was reg met Storage (stoorplek).