Uitnemendheid, nie skande nie.

4 11 2009

Daar is ‘n gesegde dat daar nie so iets soos slegte publisiteit nie.  Dit is soos hulle nou die dag op die radio gesê het.  Gaan maak groot marakas en dan skryf jy ‘n boek daaroor.  Dit sal soos soetkoek verkoop en dan sal jou naam verewig onthou word.

Dit is amper of party mense enige iets sal doen om op ‘n koerant se voorblad te kom.  En nog meer sal uithaal om daar te bly.  Mense verloën nie meer hulle siele vir geld nie, hulle verloën dit vir publisiteit.  Natuurlik woord daar dan getjank vir privaatheid, seker net om die hoek ietsie sappig te laat val.

Daarom gaan vandag se applous aan die bekendes wat die voorblaaie haal deur hulle uitmuntendheid.   Diegene wat weet hoe om hulle te gedra en nie in onbenybare posisies gevang word nie.  Diegene wat die wêreld se aandag trek met die werk wat hulle doen.  Hulle is self ‘n instrument tot ‘n groter doel, hulle bemark die doel, nie die instrument nie.

En ‘n groot hoera aan tydskrifte en koerante (as daar so iets bestaan) wat nie op die skande makers se deuntjies dans nie.  Wie weet, hulle leer dalk om hulle te gedra as hulle nie aandag kry nie.

Ek gaan nie name noem nie.  Ek laat dit aan julle oor.  Watter sterre / bekendes is nuuswaardig en nie sensasiewaardig nie?

Breinvasbrand:  Die Nasionale Pers (vandag Naspers) het in 1915 tot stand gekom.  Wat was die eerste koerant wat deur hulle uitgegee is?

Breinlosbrand:  Wheelbarrow Jack was reg met South West African People Organisation.





Nuus verskonings

4 11 2009

Die Els – Klay saak het begin en Klay het gister getuienis gelewer.  Els het Klay glo vertel as hy iemand gaan vertel daarvan Els tronk toe en Klay weeshuis toe sal gaan.  Klay het blykbaar met tye getalm en gesê hy is emosioneel.  Hestrie Els het ook na drie jaar uiteindelik vrede met haar ouers gemaak. 

Belastingbetalers gaan moontlik vir die R910 miljoen verlies van die SAUK moet opdok.   Daar is nog geen finale besluit geneem nie, maar die kanse is goed dat TV lisensies gaan wegval en dit by belasting ingereken word.  Die werkloses en werkvermyers kan dus heeldag gratis TV kyk met gratis krag.  SA is gewis die land vir geleendhede. 

Allan Boesak het ook skielik uit COPE bedank.  Hy voer binnegevegte en wedywering vir oppergesag as redes aan. 

Die ANC vra nou dat die Reitz 4 ‘n program van segregasie en rassekwessies moet voltooi voordat hulle mag terug keer universiteit toe.  Dit blyk of die voorstel groot byval vind, by onder meer Jonathan Jansen. 

Jacqueline Kingma van Mayfair Wes in Johannesburg is in haar ma se huis aangerand, vermoor en moontlik verkrag.  Sy wat liggaamlik en verstandelik gestrem gewees.  Sy moes haar aanvallers geken het om die deur vir hulle oop te gemaak het, maar die polisie sê die besonderhede is nog vaag.

Kom ons praat ten slotte van ‘n regte sport ster se skandes.  Andre Agassi het nie net jare lank met ‘n pruik tennis gespeel nie, hy het ook  gereeld tik (crystal meth) gebruik.  En voordat die media hom kan kruisig, het mede tennisspelers al reeds hulle misnoë duidelik gemaak.








Follow

Get every new post delivered to your Inbox.

Join 133 other followers